” നമുക്ക് വർത്തമാനകാലം ആസ്വദിക്കാം “-ലയണൽ മെസ്സിയുടെ വിരമിക്കലിനെക്കുറിച്ച് സ്കലോണി | Lionel Messi
ഈ വർഷാവസാനം നടക്കുന്ന ലോകകപ്പിന് ശേഷം അന്താരാഷ്ട്ര ഡ്യൂട്ടിയിൽ നിന്ന് വിരമിക്കുമെന്ന് അർജന്റീന സൂപ്പർ താരം ലയണൽ മെസ്സി നൽകിയിരുന്നു. ലോകകപ്പ് യോഗ്യത റൗണ്ടിൽ വെനസ്വേലയ്‌ക്കെതിരെയുള്ള മത്സരത്തിന് ശേഷമാണ് മെസ്സി വിരമിക്കലിനെക്കുറിച്ച് പരാമർശിച്ചത്.ഖത്തറിലെ ടൂർണമെന്റിന് ശേഷം തനിക്ക് ഒരുപാട് കാര്യങ്ങൾ പുനർവിചിന്തനം ചെയ്യേണ്ടതുണ്ടെന്നും ദേശീയ ടീമിൽ നിന്ന് പുറത്തുപോകാൻ തീരുമാനിക്കാമെന്നും മെസ്സി പറഞ്ഞു.
ലയണൽ മെസ്സിയില്ലാത്ത അർജന്റീനയുടെ ഭാവിയെക്കുറിച്ച് ചിന്തിക്കാനുള്ള ശരിയായ സമയമല്ല ഇതെന്നും പകരം സൂപ്പർ താരം ഉള്ളപ്പോൾ തന്നെ അത് ആസ്വദിക്കാനുള്ള സമയമാണെന്നും അര്ജന്റീന പരിശീലകൻ ലയണൽ സ്കലോണി അഭിപ്രായപ്പെട്ടു .കഴിഞ്ഞ വർഷം 1993 ന് ശേഷമുള്ള ആദ്യ കോപ്പ അമേരിക്ക വിജയത്തിന് അർജന്റീനയെ സഹായിച്ച പാരീസ് സെന്റ് ജെർമെയ്ൻ താരം, 1986 ന് ശേഷമുള്ള അർജന്റീനയുടെ ആദ്യ ലോകകപ്പ് കിരീടത്തിലേക്ക് നയിക്കാനുള്ള ഒരുക്കത്തിലാണ്.
“ഒരു ലോകകപ്പ് കളിച്ചതിന് ശേഷം എല്ലാവരും വിലയിരുത്തലുകൾ നടത്തുന്നു. കളിക്കാർ എന്താണ് ചിന്തിക്കുന്നതെന്ന് അറിയാൻ ഞാൻ അവരുടെ തലക്കുള്ളിൽ അല്ല” മെസ്സിയുടെ വിരമിക്കലിനെക്കുറിച്ച് അര്ജന്റീന പരിശീലകൻ അഭിപ്രായപ്പെട്ടു.മെസ്സി വിരമിക്കാൻ തീരുമാനിക്കുന്ന ദിവസം വരുമെന്ന് സ്‌കലോനി പറഞ്ഞു.”എന്തായാലും, നിങ്ങൾ അത് ആസ്വദിക്കണം, നിങ്ങൾ ഭാവിയെക്കുറിച്ച് ചിന്തിക്കേണ്ടതില്ല ,മെസ്സിയുടെ മനോഹരമായ വർത്തമാന കാലം നിങ്ങൾ ആസ്വദിക്കൂ ” അദ്ദേഹം കൂട്ടിച്ചേർത്തു.”ഇത് ജീവിതത്തിന്റെ നിയമമാണ്, ഒരു ഘട്ടത്തിൽ അത് സംഭവിക്കും. ലോകകപ്പിന് ശേഷം എന്ത് സംഭവിക്കുമെന്ന് ചിന്തിക്കുന്നത് പ്രയോജനകരമല്ല” അദ്ദേഹം കൂട്ടിച്ചേർത്തു.
ലാ ആൽബിസെലെസ്‌റ്റെയ്‌ക്കായി 159 മത്സരങ്ങളിൽ നിന്ന് 81 ഗോളുകൾ നേടിയിട്ടുള്ള ലയണൽ മെസിയിലാണ് അർജന്റീനയും സ്കെലോണിയും പ്രതീക്ഷയർപ്പിക്കുന്നത്. വെനസ്വേലയ്‌ക്കെതിരെയുള്ള മത്സരത്തിൽ എതിരില്ലാത്ത മൂന്നു ഗോളുകൾക്കായിരുന്നു അര്ജന്റീന വിജയിച്ചത്. ലയണൽ മെസ്സി, എയ്ഞ്ചൽ ഡി മരിയ, നിക്കോളാസ് ഗോൺസാലസ് എന്നിവരാണ് അർജന്റീനയുടെ ഗോളുകൾ നേടിയത്. ബുധനാഴ്ച ഇക്വഡോറിനെതിരെയാണ് അർജന്റീനയുടെ അവസാന മത്സരം.
