ആസ്റ്റൺ വില്ലയുടെ സ്വപ്ന കുതിപ്പിന് പിന്നിലെ ഉനൈ എമെറിയുടെ ടാക്റ്റിക്കൽ മാസ്റ്റർ ക്ലാസ് | Unai Emery | Aston Villa

തന്ത്രശാലിയായ പരിശീലകൻ ഉനൈ എമറിയുടെ കീഴിൽ ആസ്റ്റൺ വില്ല അത്ഭുതങ്ങൾ കാണിക്കുന്നത് തുടരുകയാണ്. ഇന്നലെ ആഴ്‌സണലിനെതിരായ വിജയത്തോടെ പോയിന്റ് ടേബിളിൽ മൂന്നാം സ്ഥാനം ഊട്ടിയുറപ്പിച്ചിരിക്കുകയാണ് ആസ്റ്റൺ വില്ല.ഏഴാം മിനിറ്റിൽ ജോൺ മക്ഗിന്നിന്റെ ഒരു ഗോൾ മതിയായിരുന്നു ഉനൈ എമെറിയുടെ ഹോം ഗ്രൗണ്ടിൽ തങ്ങളുടെ അസാധാരണ റെക്കോർഡ് നിലനിർത്താൻ.

ഈ വിജയത്തോടെ ക്ലബിന്റെ 149 വർഷത്തെ ചരിത്രത്തിൽ ആദ്യമായി വില്ല പാർക്കിൽ തുടർച്ചയായി 15 PL ഗെയിമുകൾ ആസ്റ്റൺ വില്ല ജയിച്ചു.യഥാക്രമം 1903 നവംബറിലും 1931 ഒക്ടോബറിലും അവസാനിച്ച 14 ഹോം ലീഗ് ഗെയിമുകൾ അവർ രണ്ടുതവണ വിജയിച്ചു.വില്ല അവരുടെ അവസാന അഞ്ച് PL മത്സരങ്ങളിൽ (W4, D1) തോൽവി അറിഞ്ഞിട്ടില്ല.കഴിഞ്ഞ നാല് പ്രീമിയർ ലീഗ് മത്സരങ്ങൾ തോറ്റതിന് ശേഷം ആഴ്സണലിനെതിരെ അവർ വിജയിച്ചു.തുടർച്ചയായി 15 പ്രീമിയർ ലീഗ് ഹോം ഗെയിമുകൾ വിജയിക്കുന്ന അഞ്ചാമത്തെ മാനേജരായി എമെറി മാറി.

സർ അലക്‌സ് ഫെർഗൂസൺ, റോബർട്ടോ മാൻസിനി, യുർഗൻ ക്ലോപ്പ്, പെപ് ഗ്വാർഡിയോള എന്നിവരാണ് ഈ റെക്കോർഡുള്ള മറ്റ് നാല് മാനേജർമാർ, ഇവരെല്ലാം തങ്ങളുടെ ടീമിനെ പ്രീമിയർ ലീഗ് കിരീടത്തിലേക്ക് നയിച്ചു.കഴിഞ്ഞ മത്സരത്തിൽ വില്ല മാഞ്ചസ്റ്റർ സിറ്റിയെ പരാജയപ്പെടുത്തിയിരുന്നു. പ്രീമിയർ ലീഗിലെ രണ്ടു വമ്പൻ ക്ലബ്ബുകൾക്കെതിരെയുള്ള വിജയത്തോടെ കിരീടത്തിനായുള്ള പോരാട്ടത്തിലും വില്ലയുടെ പേര് ഉയരാൻ തുടങ്ങിയിരിക്കുകയാണ്. അടുത്ത സീസണിൽ ചാമ്പ്യൻസ് ലീഗ് കളിക്കും എന്ന പൂർണ വിശ്വാസത്തിലാണ് ഉനൈ എമറിയുടെ ടീം മുന്നേറുന്നത്.മുൻ ഗണ്ണേഴ്‌സ് ബോസ് എമെറി ടേബിളിൽ 17-ാം സ്ഥാനത്തുള്ള ഒരു ടീമിനെ ഏറ്റെടുത്തു കൊണ്ടാണ് ഈ സീസണിൽ മൂന്നാം സ്ഥാനത്തെത്തിച്ചത്.

2018 ജൂണിൽ ആഴ്സണൽ പരിശീലക സ്ഥാനത്ത് നിന്നും ഉനായ് എമിറി പുറത്താക്കപ്പെട്ടിരുന്നു. ക്ലബിന് മികച്ച റിസൾട്ട് ലഭിക്കുന്നില്ലെന്നായിരുന്നു വിശദീകരണം.ക്ലബ്ബിന്റെ ചരിത്രത്തിലെ ഏറ്റവും ഉയർന്ന മൂന്നാമത്തെ വിജയശതമാനമായി (55%) എമെറി ഇന്ന് രേഖപ്പെടുത്തുകയും യൂറോപ്പ ലീഗ് ഫൈനലിൽ എത്തുകയും ചെയ്തു പിന്നാലെ എമിറി വിയ്യാറയലിൽ എത്തി. ചാമ്പ്യൻസ് ലീ​ഗിന്റെ സെമി വരെയും എമിറി വിയ്യാറയലിനെ എത്തിച്ചു.”യൂറോപ്പ ലീഗിന്റെ രാജാവ്” എന്ന നിലയിലാണ് അദ്ദേഹം ആഴ്സണലിൽ എത്തിയത്, എന്നാൽ ഗ്രൂപ്പ് ഘട്ടത്തിൽ ഐൻട്രാക്റ്റ് ഫ്രാങ്ക്ഫർട്ടിനോട് 2-1 തോൽവി ഏറ്റുവാങ്ങി . അടുത്ത സീസണിൽ വില്ലാറിയലിനൊപ്പം നാലാം തവണയും യൂറോപ്പ ലീഗ് നേടി 2022ൽ സ്റ്റീവൻ ജെറാൾഡിന് പകരക്കാരനായി എമിറി ആസ്റ്റൺ വില്ലയുടെ പരിശീലക സ്ഥാനം ഏറ്റെടുക്കുകയായിരുന്നു.

ആഴ്സനലിനെതിരെയുള്ള മത്സരത്തിന് ശേഷം സംസാരിക്കുമ്പോൾ, “അതിശയകരമായ” മൂന്ന് പോയിന്റുകൾ നേടിയതിന് എമെറി തന്റെ ടീമിനെ പ്രശംസിച്ചു.ഞാൻ സന്തോഷവാനാണ്. വളരെ സന്തോഷമുണ്ട്. മികച്ച മത്സരമായിരുന്നു. മികച്ച അന്തരീക്ഷത്തിൽ ഞങ്ങൾ വളരെ നന്നായി ആരംഭിച്ചു. ഞങ്ങൾ ആദ്യ ഗോൾ നേടുകയും ഗെയിം നിയന്ത്രിക്കുകയും ചെയ്തു.”ഞങ്ങളുടെ ഗോൾകീപ്പർ അതിശയിപ്പിക്കുന്നവനായിരുന്നു. കൂടുതൽ സമയം പ്രതിരോധിക്കാനും പൊസഷൻ നിലനിർത്താനും ഞങ്ങൾ ശ്രമിച്ചു. ഞങ്ങൾ നന്നായി പ്രതിരോധിക്കുകയും മത്സരിക്കുകയും ചെയ്തു. അതിശയകരമായ മൂന്ന് പോയിന്റുകൾ” പരിശീലകൻ കൂട്ടിച്ചേർത്തു.

16 മത്സരങ്ങളിൽ നിന്നും 35 പോയിന്റ് സ്വന്തമാക്കിയ ആസ്റ്റൻ വില്ല പോയിന്റ് ടേബിളിൽ മൂന്നാം സ്ഥാനത്ത് എത്തി. 16 മത്സരങ്ങളിൽ നിന്നും 37 പോയിന്റ്കൾ സ്വന്തമാക്കിയ ലിവർപൂൾ ആണ് ഒന്നാമത്. 16 മത്സരങ്ങളിൽ നിന്നും 36 പോയിന്റുകൾ സ്വന്തമാക്കിയ ആഴ്സണൽ രണ്ടാം സ്ഥാനത്താണ്. 15 മത്സരങ്ങളിൽ നിന്നും 30 പോയിന്റ് സ്വന്തമാക്കിയ നിലവിലെ ചാമ്പ്യന്മാർ മാഞ്ചസ്റ്റർ സിറ്റി നാലാമതാണ്. ഈ സീസണിലെ പ്രീമിയർ ലീഗ് കിരീടം പോരാട്ടം വളരെയധികം ആവേശമായാണ് മുന്നോട്ടുപോകുന്നത്. എല്ലാം മത്സരങ്ങളും കിരീട പോരാട്ടത്തിന് വളരെയധികം നിർണായകമായാണ് ടീമുകൾ കാണുന്നത്.