എതിരാളികളുടെ മുട്ടിടിക്കുന്ന കൂട്ടുകെട്ട്, ഗോൾ അടിക്കുന്നതിലും അടിപ്പിക്കുന്നതിലും MNM സഖ്യം തകർപ്പൻ ഫോമിൽ

ഈ സീസണിൽ വളരെ നല്ല രൂപത്തിലാണ് പിഎസ്ജി കളിച്ചുകൊണ്ടിരിക്കുന്നത്.ലീഗ് വണ്ണിൽ ഒന്നാം സ്ഥാനത്തെ തുടരുന്നത് പിഎസ്ജിയാണ്.യുവേഫ ചാമ്പ്യൻസ് ലീഗിൽ ഇനി പിഎസ്ജിയുടെ എതിരാളികൾ ബയേൺ മ്യൂണിക്കാണ്. അവരെ അതിജീവിക്കാൻ പിഎസ്ജിക്ക് കഴിയുമെന്നാണ് ആരാധകർ വിശ്വസിക്കുന്നത്.

പിഎസ്ജിയുടെ ഈ മികവിന് പിന്നിലെ പ്രധാനപ്പെട്ട കാരണക്കാർ അവരുടെ മുന്നേറ്റ നിര തന്നെയാണ്.ലോകത്തിലെ ഏറ്റവും മികച്ച മൂന്ന് താരങ്ങളെയാണ് പിഎസ്ജിക്ക് അവരുടെ മുന്നേറ്റ നിരയിൽ ലഭ്യമായിട്ടുള്ളത്.മാത്രമല്ല ലയണൽ മെസ്സിയും നെയ്മർ ജൂനിയറും കിലിയൻ എംബപ്പേയും ഈ സീസണിൽ അത്യുജ്വല ഫോമിലാണ് കളിച്ചുകൊണ്ടിരിക്കുന്നത്.

അതിനു തെളിവായി ചില കണക്കുകൾ പുറത്തേക്ക് വന്നിട്ടുണ്ട്. അതായത് 2022-ൽ ആകെ 144 ഗോളുകളിലാണ് ഈ മൂന്ന് താരങ്ങൾ ചേർന്നുകൊണ്ട് കോൺട്രിബ്യൂഷൻ വഹിച്ചിട്ടുള്ളത്.എതിരാളികളെ ഏറെ ഭയപ്പെടുത്തുന്ന കണക്കുകൾ തന്നെയാണ് ഇത്.ലയണൽ മെസ്സി പിഎസ്ജിക്ക് വേണ്ടി ഈ വർഷം ആകെ 17 ഗോളുകളും 24 അസിസ്റ്റുകളുമാണ് സ്വന്തമാക്കിയിട്ടുള്ളത്. നെയ്മറുടെ കാര്യത്തിലേക്ക് വന്നാൽ 25 ഗോളുകളും 18 അസിസ്റ്റുകളും സ്വന്തമാക്കിയിട്ടുണ്ട്.കിലിയൻ എംബപ്പേയാണ് ഏറെ മികവ് പുലർത്തുന്നത്.44 ഗോളുകൾ നേടിയിട്ടുള്ള താരം 16 അസിസ്റ്റുകൾ കരസ്ഥമാക്കിയിട്ടുണ്ട്.

അതുകൊണ്ടുതന്നെ സംശയം പറയാം ഫുട്ബോൾ ലോകത്ത് ഏറ്റവും അപകടകാരികളായ മുന്നേറ്റ നിര പിഎസ്ജിയുടേതാണ് എന്ന്. അത്രയേറെ ഗോളുകളും അസിസ്റ്റുകളുമാണ് ഈ മുന്നേറ്റ നിര നേടിക്കൊണ്ടിരിക്കുന്നത്.പിഎസ്ജിയുടെ കിട്ടാക്കനിയായ ചാമ്പ്യൻസ് ലീഗ് കിരീടം ഇത്തവണയെങ്കിലും നേടിക്കൊടുക്കാൻ ഈ മുന്നേറ്റ നിരക്ക് കഴിഞ്ഞാൽ അതെ വലിയ ഒരു നേട്ടം തന്നെയായിരിക്കും.