‘നാല് വർഷം, എണ്ണമറ്റ ഓർമ്മകൾ..’ : ചെൽസിയിലെ നാല് വർഷത്തെ ജീവിതത്തിന് അവസാനക്കുറിച്ച് തിയാഗോ സിൽവ | Thiago Silva

ബ്രസീലിയൻ ഡിഫൻഡർ തിയാഗോ സിൽവ സ്റ്റാംഫോർഡ് ബ്രിഡ്ജിൽ നാല് വർഷത്തെ ജീവിതത്തിന് അവസാനമിടുകയാണ്.ചെൽസിയുടെ വെബ്‌സൈറ്റിലെ വൈകാരിക വീഡിയോ സന്ദേശത്തിലാണ് സിൽവ തൻ്റെ വിടവാങ്ങൽ പ്രഖ്യാപിച്ചത്.39 കാരനായ സെൻ്റർ ബാക്ക് പാരീസ് സെൻ്റ് ജെർമെയ്ൻ വിട്ടതിന് ശേഷം 2020 ഓഗസ്റ്റിൽ സൗജന്യ ട്രാൻസ്ഫറിൽ പ്രീമിയർ ലീഗ് ക്ലബ്ബിലെത്തി.

ചാമ്പ്യൻസ് ലീഗ്, ഫിഫ ക്ലബ് ലോകകപ്പ്, യുവേഫ സൂപ്പർ കപ്പ് എന്നിവ നേടിയ അദ്ദേഹം ബ്ലൂസിനായി 151 മത്സരങ്ങൾ കളിച്ചു.“ചെൽസി എനിക്ക് ഒരുപാട് അർത്ഥമാക്കുന്നു. ഞാൻ ഇവിടെ വന്നത് ഒരു വർഷം മാത്രം കളിക്കാനാണ് എന്നാൽ അത് നാല് വർഷത്തോളം നീണ്ടു.എനിക്ക് മാത്രമല്ല, എൻ്റെ കുടുംബത്തിനും വേണ്ടിയായിരുന്നു അത്” കണ്ണീരോടെയുള്ള വിടവാങ്ങൽ പ്രസംഗത്തിനിടെ സിൽവ പറഞ്ഞു.

“എൻ്റെ മക്കൾ ചെൽസിക്ക് വേണ്ടി കളിക്കുന്നു, അതിനാൽ ചെൽസി കുടുംബത്തിൻ്റെ ഭാഗമാകാൻ കഴിയുന്നത് വലിയ അഭിമാനമാണ്. നിരവധി കളിക്കാർ ഭാഗമാകാൻ ആഗ്രഹിക്കുന്ന ഈ വിജയകരമായ ക്ലബ്ബിൽ അവർക്ക് അവരുടെ കരിയർ ഇവിടെ തുടരാൻ കഴിയുമെന്ന് ഞാൻ പ്രതീക്ഷിക്കുന്നു” സിൽവ കൂട്ടിച്ചേർത്തു.“നാലു വർഷമായി ഞാൻ ഇവിടെ ചെയ്ത എല്ലാ കാര്യങ്ങളിലും ഞാൻ എപ്പോഴും എൻ്റെ എല്ലാം നൽകി എന്ന് ഞാൻ കരുതുന്നു. പക്ഷേ, നിർഭാഗ്യവശാൽ, എല്ലാത്തിനും ഒരു തുടക്കവും മധ്യവും അവസാനവുമുണ്ട്” സിൽവ പറഞ്ഞു.

പോർട്ടോയിൽ നടന്ന ഫൈനലിൽ മാഞ്ചസ്റ്റർ സിറ്റിക്കെതിരായ വിജയത്തോടെ 2020-21 ചാമ്പ്യൻസ് ലീഗ് വിജയിച്ചച്ചപ്പോൾ സിൽവ മികച്ച പ്രകടനമാണ് പുറത്തടുത്തത്.113 തവണ ബ്രസീലിന് വേണ്ടി കളിച്ച സിൽവ ഈ സീസണിൽ ചെൽസിക്കായി 34 മത്സരങ്ങൾ കളിച്ചിട്ടുണ്ട്.ശനിയാഴ്ച ആസ്റ്റൺ വില്ലയിൽ നടന്ന ചെൽസിയുടെ 2-2 സമനിലയിൽ സിൽവക്ക് പരിക്ക് പറ്റിയിരുന്നു.ഇത് നീല ജേഴ്സിയിൽ അദ്ദേഹത്തിന്റെ അവസാന മത്സരമായിരിക്കും.