കേരള ബ്ലാസ്റ്റേഴ്‌സ് എഫ്സി ആരാധകർക്ക് നന്ദി പറയാനുള്ള അവസരമാണ് കൊച്ചിയിലെ മത്സരം: അൽവാരോ വാസ്‌ക്വസ് |ISL 2022-23
ഇന്ത്യൻ സൂപ്പർ ലീഗിൽ ഇന്ന് നടക്കുന്ന മത്സരത്തിൽ കേരള ബ്ലാസ്റ്റേഴ്‌സ് എഫ്സി ഗോവയെ നേരിടും. എഫ്സി ഗോവ ഫോർവേഡ് അൽവാരോ വാസ്‌ക്വസ് തന്റെ മുൻ ക്ലബ്ബിനെ നേരിടാൻ കൊച്ചിയിൽ എത്തുന്നു എന്ന പ്രത്യേകത മത്സരത്തിനുണ്ട്. കഴിഞ്ഞ സീസണിൽ ബ്ലാസ്‌റ്റേഴ്‌സിനെ ഫൈനലിലേക്ക് നയിച്ച ഈ സ്പെയിൻകാരൻ ആരാധകരുടെ ഇതിൽ താരം കൂടിയായിരുന്നു.കേരളത്തിൽ തനിക്ക് ലഭിച്ച സ്നേഹത്തിന് നന്ദിയുള്ളവനായിരിക്കെ തന്റെ ടീമിന്റെ വിജയത്തിനായി പോരാടുമെന്ന് അദ്ദേഹം പറഞ്ഞു.
“ബ്ലാസ്റ്റേഴ്സിന്റെ ആരാധകർ മികച്ചവരാണ് പക്ഷേ, ഗെയിം ആരംഭിച്ചുകഴിഞ്ഞാൽ, ലക്ഷ്യം എല്ലായ്പ്പോഴും ഒന്നുതന്നെയാണ് – മൂന്ന് പോയിന്റുകൾ നേടുക, ഇപ്പോൾ ഒരു എഫ്സി ഗോവ കളിക്കാരൻ എന്ന നിലയിൽ, എന്റെ ടീമിനായി എന്റെ ഏറ്റവും മികച്ചത് നൽകുക എന്നതാണ് എന്റെ ഉദ്ദേശ്യം ”31 കാരനായ തന്റെ മുൻ ക്ലബിന്റെ വീട് സന്ദർശിക്കുന്നതിനെക്കുറിച്ച് ചോദിച്ചപ്പോൾ പറഞ്ഞു.“എല്ലാവരെയും കണ്ടുമുട്ടിയതിൽ എനിക്ക് സന്തോഷമുണ്ട്. കേരള ബ്ലാസ്റ്റേഴ്‌സ് ആരാധകരുടെ സ്‌നേഹവും പിന്തുണയും ഞാൻ എപ്പോഴും ആസ്വദിച്ചിട്ടുണ്ട്, അതിനാൽ അവർക്ക് നന്ദി പറയാനുള്ള അവസരമാണിത്” സ്പാനിഷ് സ്ട്രൈക്കർ കൂട്ടിച്ചേർത്തു.
പരിക്ക് മൂലം ഇതുവരെ രണ്ട് മത്സരങ്ങളിൽ വെറും 100 മിനിറ്റ് മാത്രമാണ് അൽവാരോക്ക് കളിക്കാനായി സാധിച്ചത്. ചെന്നൈയിൻ എഫ്‌സിക്കും ജംഷഡ്പൂർ എഫ്‌സിക്കും എതിരെ പരാജയപ്പെടുകയും ചെയ്തു.എഫ്സി ഗോവ അവരുടെ ആദ്യ നാല് മത്സരങ്ങളിൽ മൂന്നെണ്ണം വിജയിച്ചതോടെ സ്പെയിൻ താരത്തിന്റെ അഭാവം ബാധിച്ചില്ല.ഗോവ ആരാധകർ വാസ്‌ക്വസിന്റെ തിരിച്ചുവരവിനായി കാത്തിരിക്കുകയാണ്.
“രണ്ടാം ഗെയിമിന് മുമ്പ്, എന്റെ ഹാംസ്ട്രിംഗിൽ എനിക്ക് ഒരു പ്രശ്നമുണ്ടായിരുന്നു, എനിക്ക് ഇതുവരെ അതിൽ നിന്നും പൂർണമായും തിരിച്ചുവരാൻ കഴിഞ്ഞിരുന്നില്ല.ഇത് എന്റെ മികച്ച തുടക്കമല്ല, പക്ഷേ അതെല്ലാം ഇപ്പോൾ പഴയതാണ്, ഞാൻ ഇവിടെയുണ്ട്, എല്ലാത്തിനും തയ്യാറാണ്.ഇതൊരു പ്രത്യേക ഗെയിമാണ്, ഞാൻ സന്തോഷവാനാണ്, നന്നായി ചെയ്യാൻ ശ്രമിക്കും ”സ്ട്രൈക്കർ പറഞ്ഞു.