അർജൻ്റീന ടീമിലെ ഏറ്റവും മികച്ച മിഡ്ഫീൽഡർ എന്ന് മെസ്സി വിശേഷിപ്പിച്ച താരവുമായി കരാർ പുതുക്കാൻ ടോട്ടൻഹാം | Giovani Lo Celso
അര്ജന്റീന താരം മധ്യനിര താരം ജിയോവാനി ലോ സെൽസോയ്‌ക്കായി ടോട്ടൻഹാം ദീർഘകാല കരാർ നല്കാൻ ഒരുങ്ങുന്നതായി റിപ്പോർട്ട്.ലോ സെൽസോയുമായി ഒരു പുതിയ കരാർ ഒപ്പിടാൻ ടോട്ടൻഹാം ബോസ് ആംഗെ പോസ്റ്റെകോഗ്ലോ താൽപ്പര്യപ്പെടുന്നുവെന്ന് എക്സ്പ്രസ് പ്രസിദ്ധീകരിച്ച ഒരു റിപ്പോർട്ട് അവകാശപ്പെടുന്നു.
ക്ലബ്ബുമായുള്ള അദ്ദേഹത്തിൻ്റെ നിലവിലെ കരാർ ഈ വേനൽക്കാലത്ത് അതിൻ്റെ അവസാന വർഷത്തിലേക്ക് പ്രവേശിക്കും. സ്പാനിഷ് ഔട്ട്‌ലെറ്റ് എഎസിൻ്റെ റിപ്പോർട്ട് അനുസരിച്ച്, കഴിഞ്ഞ ജനുവരി ട്രാൻസ്ഫർ വിൻഡോയിൽ ലയണൽ മെസ്സി ലോ സെൽസോയെ ബാഴ്‌സലോണയിലേക്ക് ശുപാർശ ചെയ്തിരുന്നു. അർജൻ്റീന ടീമിലെ ഏറ്റവും മികച്ച മിഡ്ഫീൽഡർ എന്ന് മെസ്സി തൻ്റെ സഹതാരത്തെ വിശേഷിപ്പിച്ചത്. അന്നുമുതൽ ബാഴ്‌സലോണ ലോ സെൽസോയിലാണ് കണ്ണുവെച്ചത്. 28-കാരനെ തിരികെ കൊണ്ടുവരാൻ അദ്ദേഹത്തിൻ്റെ മുൻ ക്ലബ് റയൽ ബാറ്റിസിനും താൽപ്പര്യമുണ്ടെന്ന് റിപ്പോർട്ട്.
ലോ സെൽസോയ്ക്ക് രണ്ട് വർഷത്തെ കരാർ നീട്ടിനൽകാൻ ഇംഗ്ലീഷ് ക്ലബ് പദ്ധതിയിടുന്നുണ്ട്. ക്ലബ്ബിൽ തുടരാനായി അദ്ദേഹത്തിൻ്റെ പ്രതിവാര വേതനം വർദ്ധിപ്പിച്ചേക്കാം.2019-ൽ ടോട്ടൻഹാം ഹോട്സ്പറിലേക്ക് ചേരുന്നതിന് മുമ്പ്, ലോ സെൽസോ റയൽ ബെറ്റിസിൽ രണ്ട് സീസൺ കളിച്ചിരുന്നു.ഇംഗ്ലിഷ് ക്ലബിനൊപ്പം അഞ്ച് വർഷം നീണ്ട സ്പെൽ സമയത്ത്, ലോ സെൽസോ കൂടുതലും ലോണിൽ വില്ലാറിയലിനായി കളിച്ചിട്ടുണ്ട്. ഈ സീസണിൽ ടോട്ടൻഹാമിനായി 17 പ്രീമിയർ ലീഗ് മത്സരങ്ങളിൽ കളിച്ചിട്ടുണ്ട്.
എന്നിരുന്നാലും, നാല് ഗെയിമുകളിൽ മാത്രമാണ് അദ്ദേഹം ആരംഭിച്ചത്, മൊത്തം 464 മിനിറ്റ് പിച്ചിൽ ചെലവഴിച്ചു.വരാനിരിക്കുന്ന ട്രാൻസ്ഫർ വിൻഡോയിൽ ടോട്ടൻഹാം അവരുടെ ആക്രമണ യൂണിറ്റിനെ ശക്തിപ്പെടുത്തുന്നതിനായി ഒരു ഫോർവേഡിൻറെ സൈനിംഗ് പൂർത്തിയാക്കുമെന്ന് പ്രതീക്ഷിക്കുന്നു.32 മത്സരങ്ങൾക്ക് ശേഷം, 60 പോയിൻ്റുമായി ടോട്ടൻഹാം ഇപ്പോൾ പ്രീമിയർ ലീഗ് സ്റ്റാൻഡിംഗിൽ അഞ്ചാം സ്ഥാനത്താണ്.