മൂല്യനിർണ്ണയത്തിൽ അസന്തുഷ്ടനായ ക്രിസ്റ്റ്യാനോ റൊണാൾഡോ ട്രാൻസ്ഫർ മാർക്കറ്റിനെ ബ്ലോക്ക് ചെയ്തു

ക്രിസ്റ്റ്യാനോ റൊണാൾഡോ Transfermarkt ഔദ്യോഗിക ഇൻസ്റ്റാഗ്രാം അക്കൗണ്ട് ബ്ലോക്ക് ചെയ്തു.ക്രിസ്റ്റ്യാനോ റൊണാൾഡോ Transfermarkt ഔദ്യോഗിക ഇൻസ്റ്റാഗ്രാം അക്കൗണ്ട് ബ്ലോക്ക് ചെയ്തത്.ഫുട്ബോൾ ഡാറ്റ വെബ്‌സൈറ്റിൽ തന്റെ വിപണി മൂല്യനിർണ്ണയം കാണുകയും അതിനെക്കുറിച്ച് തന്റെ അതൃപ്തി വ്യക്തമായി അറിയിക്കുകയും ചെയ്തു.ട്രാൻസ്ഫർ മാർക്കറ്റിന്റെ ഇൻസ്റ്റഗ്രാം അക്കൗണ്ടാണ് താരം ബ്ലോക് ചെയ്തത്.

കഴിഞ്ഞ വർഷം മാർച്ചിലാണ് സംഭവം.75 മില്യൺ യൂറോയാണ് ട്രാൻസ്ഫർമാർക്കറ്റ് റൊണാൾഡോക്ക് വില നിശ്ചയിച്ചിരുന്നത്.റൊണാൾഡോയുടെ അഭിപ്രായത്തിൽ അത് വളരെ താഴെയാണ്.ജോർജ് മെൻഡിസ് ഇലവൻ എന്ന പേരിൽ തങ്ങളുടെ ഔദ്യോഗിക ഇൻസ്റ്റഗ്രാം അക്കൗണ്ടിൽ ട്രാൻസ്ഫർ മാർക്കറ്റ് പങ്കുവച്ച പോസ്റ്ററിൽ വില കുറഞ്ഞതാണ് റോണോയെ ചൊടിപ്പിച്ചത്. റൊണാൾഡോ യുവന്റസിൽ ആയിരുന്നപ്പോഴാണ് ട്രാൻസ്ഫർമാർക്ക് അദ്ദേഹത്തിന്റെ മൂല്യനിർണയം നടത്തിയത്.

അഞ്ച് തവണ ബാലൺ ഡി ഓർ ജേതാവ് സൈറ്റ് നൽകിയ മൂല്യനിർണ്ണയത്തിൽ പ്രകോപിതനാകുകയും അവരുടെ ജീവനക്കാരോട് പ്രശ്നം പറയുകയും ചെയ്തിരുന്നു.75 മില്യൺ യൂറോ (62 മില്യൺ/84 മില്യൺ പൗണ്ട്) വിലയിൽ അതൃപ്തനായ റൊണാൾഡോ, പരാതിപ്പെടാൻ വെബ്‌സൈറ്റിലേക്ക് ഒരു സ്വകാര്യ സന്ദേശം അയയ്ക്കുകയും ഒടുവിൽ അവരെ ബ്ലോക്ക് ചെയ്യുകയും ചെയ്തു.മാഞ്ചസ്റ്റർ സിറ്റിയുടെ പോർച്ചുഗീസ് താരം ബെർണാഡോ സിൽവയായിരുന്നു ഇലവനിലെ മൂല്യം കൂടിയ കളിക്കാരൻ, 100 ദശലക്ഷം യൂറോ. രണ്ടാമതായിരുന്നു ക്രിസ്റ്റ്യാനോ. എയ്ഞ്ചൽ ഡി മരിയ (40 മില്യൺ യൂറോ), ജെയിംസ് റോഡ്രിഗസ് (40 മില്യൺ യൂറോ), റൂബൻ നെവസ് (50 മില്യൺ യൂറോ), ഫാബിഞ്ഞോ (70 മില്യൺ യൂറോ), സെമെഡോ (40 മില്യൺ യൂറോ), പൗളിസ്റ്റോ (22 മില്യൺ യൂറോ), ഡിയാസ് (38 മില്യൺ യൂറോ), കാൻസെലോ (50 മില്യൺ യൂറോ), എഡേഴ്‌സൺ (70 മില്യൺ യൂറോ) എന്നിങ്ങനെയായിരുന്നു ഇലവനിലെ മറ്റു കളിക്കാരുടെ മൂല്യം.

ദ അത്‌ലറ്റിക്കിന് നൽകിയ അഭിമുഖത്തിൽ, ട്രാൻസ്‌ഫർമാർക്കിന്റെ യുകെ മാനേജർ ഡാനിയൽ ബുഷ്, റൊണാൾഡോയുടെ മൂല്യം പ്രതീക്ഷിച്ചതിലും കുറവായത് എന്തുകൊണ്ടാണെന്ന് വിശദീകരിക്കുകയും ചെയ്തു.വെബ്‌സൈറ്റിലെ സോഷ്യൽ ഡിപ്പാർട്ട്‌മെന്റ് ജീവനക്കാർ റൊണാൾഡോയോട് ഇങ്ങനെ മറുപടി പറയുകയും ചെയ്തതായി ട്രാൻസ്‌ഫർമാർക്ക് കോർഡിനേറ്റർ ക്രിസ്റ്റ്യൻ സ്വാർട്ട്സ് വെളിപ്പെടുത്തി.”നിങ്ങളുടെ സ്വന്തം പ്രായത്തിലുള്ള ആളുകളിൽ നിങ്ങളാണ് ഒന്നാം നമ്പർ”. മറുപടിയായി പോർച്ചുഗീസ് സൂപ്പർതാരം ചില സ്മൈലി അയച്ചു, തുടർന്ന് അവരെ ബ്ലോക്ക് ചെയ്തു “ഇപ്പോൾ ഏറ്റവും പ്രധാനപ്പെട്ട ഘടകങ്ങളിലൊന്നാണ് പ്രായം,” റൊണാൾഡോയ്ക്ക് പ്രായമുണ്ട്, ലയണൽ മെസ്സിക്കും സമാനമാണ്, അവരുടെ പ്രായം കാരണം അവർക്ക് അവരുടെ മൂല്യം കുറയും ഷ്വാർസ് പറഞ്ഞു.