‘വിനീഷ്യസ് ബാലൺ ഡി ഓർ നേടുന്നതിന് അടുത്താണെന്ന് ഞാൻ വിശ്വസിക്കുന്നു’: റയൽ മാഡ്രിഡ് മാനേജർ കാർലോ ആൻസലോട്ടി | Vinicius Jr

യുവേഫ ചാമ്പ്യൻസ് ലീഗ് സെമിഫൈനലിൽ ബയേൺ മ്യൂണിക്കിനെ തോൽപ്പിച്ച് ഫൈനലിൽ സ്ഥാനം പിടിച്ച റയൽ മാഡ്രിഡ് ചരിത്രത്തിലെ ഏറ്റവും മികച്ച ക്ലബ്ബായത് എന്തുകൊണ്ടാണെന്ന് ഒരിക്കൽ കൂടി തെളിയിച്ചു.വേഗമേറിയ രണ്ട് ഗോളുകളുമായി റയൽ മാഡ്രിഡ് ഫോർവേഡ് ഹോസെലു മത്സരത്തിന്റെ ഗതി മാറ്റിമറിച്ചു. ബ്രസീലിയൻ താരം വിനീഷ്യസ് ജൂനിയർ മത്സരത്തിൽ റയലിനായി മിന്നുന്ന പ്രകടനമാണ് പുറത്തെടുത്തത്.

ഈ വർഷത്തെ ബാലൺ ഡി ഓർ ജേതാവ് വിനീഷ്യസ് ജൂനിയറാണെന്ന് മത്സര ശേഷം റയൽ പരിശീലകൻ ആൻസലോട്ടി പറഞ്ഞു.”വിനീഷ്യസ് ബാലൺ ഡി ഓർ നേടുന്നതിന് അടുത്താണെന്ന് ഞാൻ വിശ്വസിക്കുന്നു,” അദ്ദേഹം പറഞ്ഞു. മത്സരത്തിൽ വിനീഷ്യസ് ജൂനിയർ മൂന്ന് ഷോട്ടുകൾ ലക്ഷ്യത്തിലെത്തിച്ചു, രണ്ട് അവസരങ്ങൾ സൃഷ്ടിച്ചു, കൂടാതെ ഏഴ് വിജയകരമായ ഡ്രിബിളുകൾ പൂർത്തിയാക്കി.ഗോൾ നേടിയില്ലെങ്കിലും അവിശ്വസനീയമായ പ്രകടനമാണ് വിനി കാഴ്ചവെച്ചത്.

ഒരു ലോകോത്തര കളിക്കാരനാകാൻ എന്താണ് വേണ്ടതെന്ന് കുറച്ച് അറിവുള്ള കാർലോ ആൻസലോട്ടിയുടെ അഭിപ്രായത്തിൽ വിനീഷ്യസ് ലോകത്തിലെ ഏറ്റവും മികച്ച കളിക്കാരനാണ്. റയൽ മാഡ്രിഡിനൊപ്പം അവിശ്വസനീയമായ സീസണിൽ ട്രെബിൾ നേടാനുള്ള ശ്രമത്തിലാണ് അദ്ദേഹം യുവേഫ ചാമ്പ്യൻസ് ലീഗ് ഫൈനലിൽ ബൊറൂസിയ ഡോർട്ട്മുണ്ടിനെ കളിക്കുമ്പോൾ വിനീഷ്യസ് ജൂനിയറിന് മികച്ച അവസരമുണ്ട്.

17 വർഷത്തിന് മുൻപാണ് ഒരു ബ്രസീലിയൻ താരത്തിന് അവസാനമായി ബാലൺ ഡി ഓർ ലഭിക്കുന്നത് .2007-ൽ എസി മിലാനൊപ്പം കാക്കയാണ് അവസാനമായി ഫുട്ബോൾ ലോകത്തെ ഏറ്റവും വലിയ വ്യക്തിഗത അവാർഡ് നേടിയത്.എഫ്‌സി ബാഴ്‌സലോണയ്‌ക്കൊപ്പം യൂറോപ്യൻ ഫുട്ബോളിലേക്ക് നെയ്മർ ചുവടു വെച്ചപ്പോൾ ആ വരൾച്ച അവസാനിപ്പിക്കും എന്ന് ആരാധകർ കരുതിയെങ്കിലും അത് സാധിച്ചില്ല. അതിന് ശേഷം അദ്ദേഹം സ്പാനിഷ് ക്ലബ് വിട്ട് പാരീസ് സെന്റ് ജെർമെയ്‌നിലേക്ക് പോവുകയും ചെയ്തു.

ഏഴു തവണ ബാലൺ ഡി ഓർ നേടിയ ലയണൽ മെസ്സിയുടെ നിഴലിൽ നിന്നും മാറുന്നതിനായാണ് നെയ്മർ ഫ്രാൻസിലേക്ക് മാറിയത്.എന്നാൽ പരിക്കുകളും മറ്റു പ്രശ്നനങ്ങളും ഒരു ബാലൺ ഡി ഓറിനായുള്ള ശ്രമങ്ങളെ തടസ്സപ്പെടുത്തി.1995-ൽ യൂറോപ്യന്മാരല്ലാത്ത താരങ്ങൾ ഒരു യൂറോപ്യൻ ക്ലബിനായി കളിച്ചാൽ അവാർഡിന് അർഹത നേടുന്നതിന് യോഗ്യതാ നിയമങ്ങൾ മാറ്റിയതോടെ ലോക ഫുട്ബോളിലെ പ്രബല ശക്തിയായ ബ്രസീലിന്റെ ആധിപത്യം ബാലൺ ഡി ഓർ അവാർഡുകളിൽ കാണാൻ സാധിച്ചു.

1997 ൽ ബ്രസീലിയൻ സൂപ്പർ താരം റൊണാൾഡോ ബാലൺ ഡി ഓർ സ്വന്തമാക്കി. 1999 ൽ റിവാൾഡോയും ലോകത്തിലെ ഏറ്റവും മികച്ച ഫുട്ബോൾ വ്യക്തിഗത അവാർഡിൽ മുത്തമിട്ടു. 2002 ൽ ബ്രസീലിനു വേൾഡ് കപ്പ് നേടികൊടുത്തതോടെ റൊണാൾഡോ രണ്ടാമതും അവാർഡിന് അർഹനായി മാറി.അതിനു ശേഷം 2005 ൽ ബാഴ്‌സലോണയ്ക്ക് വേണ്ടി കളിക്കുമ്പോൾ റൊണാൾഡീഞ്ഞോയും 2007 കക്കയും അവാർഡ് കരസ്ഥമാക്കി.