❛❛എന്ത്‌കൊണ്ടാണ് ലിവർപൂളിനെതിരെയുള്ള കരീം ബെൻസെമയുടെ ഗോൾ അനുവദിക്കാതിരുന്നത് ?  ❜❜|Karim Benzema

തന്റെ പേരിൽ 15 ഗോളുകളുമായി സീസൺ അവസാനിപ്പിച്ച കരിം ബെൻസെമ ചാമ്പ്യൻസ് ലീഗ് കാമ്പെയ്‌നിൽ മികച്ച പ്രകടനമാണ് നടത്തിയത്. ടൂർണമെന്റിന്റെ നോക്കൗട്ട് ഘട്ടത്തിൽ ചെൽസിക്കെതിരെയും മാഞ്ചസ്റ്റർ സിറ്റിക്കെതിരെയും റയൽ മാഡ്രിഡ് നിർണായക ഗോളുകൾ നേടി വിജയത്തിൽ ഫ്രഞ്ച് സ്‌ട്രൈക്കർ നിർണായക പങ്കുവഹിച്ചു. എന്നാൽ യുവേഫ ചാമ്പ്യൻസ് ലീഗ് ഫൈനലിൽ റയൽ മാഡ്രിഡ് സ്‌ട്രൈക്കർക്ക് ഗോൾ കണ്ടെത്താണ് സാധിച്ചില്ല.

യുവേഫ ചാമ്പ്യൻസ് ലീഗ് ഫൈനലിന്റെ ആദ്യ പകുതിയിൽ കരീം ബെൻസെമയ്ക്ക് റയൽ മാഡ്രിഡിന് ലീഡ് നൽകിയിരുന്നു പക്ഷേ ഓഫ്സൈഡ് കാരണം അദ്ദേഹത്തിന്റെ ഗോൾ അനുവദിച്ചില്ല. ലിവർപൂൾ ഗോൾമൗത്തിന് മുന്നിൽ നടന്ന ബഹളത്തിൽ മധ്യനിര താരം ഫാബീഞ്ഞോ പന്ത് ക്ലിയർ ചെയ്യുന്നതിൽ പരാജയപ്പെട്ടതിന് ശേഷമാണ് സ്‌ട്രൈക്കർ ഗോൾ നേടിയത്. കരീം ബെൻസെമ ഓഫ്‌സൈഡായിരുന്നുവെന്നും ഗോൾ നിലനിൽക്കില്ലെന്നും VAR അവലോകനം സ്ഥിരീകരിച്ചു. കരിം ബെൻസെമയുടെ ഗോൾ നിലനിന്നിരുന്നെങ്കിൽ അത് സീസണിലെ 16-ാം ഗോളാകുമായിരുന്നു.

കരീം ബെന്‍സേമക്ക് മുന്നിൽ ഒരു ലിവര്‍പൂള്‍ ഔട്‍ഫീൽഡ് താരമുണ്ടായിരുന്നിട്ടും ഗോൾ ഓഫ്‌സൈഡ് ആകാൻ കാരണം അപ്പോഴുള്ള അലിസണിന്റെ പൊസിഷനാണ്.ഗോൾകീപ്പർ അവസാനത്തെ രണ്ടാമത്തെ എതിരാളിയാവുകയും നിങ്ങൾ എതിർ താരത്തിന്റെ പിന്നിലാണെങ്കിലും ഓഫ്സൈഡായി കണക്കാക്കുമെന്ന് നിയമം പറയുന്നു.ഫെഡെ വാൽവെർഡെ ബെൻസേമക്ക് പാസ് നൽകുമ്പോൾ അലിസൺ ബെൻസിമയുടെ പിറകിലായിരുന്നു. ആൻഡി റോബർട്സൺ മാത്രമായിരുന്നു അപ്പോൾ ബെൻസേമക്ക് മുൻപിൽ ഉണ്ടായിരുന്നത്.

ഓഫ്‌സൈഡ് നിയമപ്രകാരം അലിസൺ ബെൻസിമക്ക് പിറകിലായിരുന്നതിനാൽ ഓഫ്‌സൈഡ് ആകാതിരിക്കാൻ ബെൻസേമക്ക് മുന്നിൽ രണ്ട് ലിവർപൂൾ താരങ്ങളെങ്കിലും വേണമായിരുന്നു. എന്നാൽ ഒരു ലിവർപൂൾ താരം – റോബർട്സൺ – മാത്രമാണ് ബെൻസേമക്ക് മുന്നിലുണ്ടായിരുന്നത്. ബെൻസെമയുടെ ഫിനിഷിംഗിന് മുമ്പുള്ള അവസാന ടച്ച് ഫാബിഞ്ഞോയിൽ നിന്ന് വന്നതായി തോന്നുമെങ്കിലും അത് ആകസ്മികമായി കണക്കാക്കപ്പെട്ടു. ലൈൻ റഫറി ഇക്കാര്യം കൃത്യമായി കണ്ടെത്തിയതോടെയാണ് ബെന്‍സേമയുടെ ഗോള്‍ നിഷേധിച്ചത്. പിന്നീട് വിഎആർ പരിശോധന നടത്തി ഓഫ്സൈഡാണെന്ന് ഉറപ്പിക്കുകയും ചെയ്തു.

59ആം മിനുറ്റിലെ വിനീഷ്യസ് ജൂനിയറിന്റെ ഗോൾ ഇരു ടീമുകൾക്കുമിടയിൽ എല്ലാ മാറ്റങ്ങളും വരുത്തിയപ്പോൾ ലിവർപൂളിന് സ്‌കോറുകൾ പോലും നിഷേധിക്കാൻ അവിശ്വസനീയമായ സേവുകൾ നടത്തി തിബോ കോർട്ടോയ്‌സിന് വിജയത്തിൽ വലിയ പങ്കുണ്ട്.58-ാം മിനിറ്റിൽ ഫെഡറിക്കോ വാൽവെർഡെ 18 വാര അകലെ നിന്നും ബോക്‌സിന്റെ അരികിൽ നിന്ന് നൽകിയ ഒരു ലോ ക്രോസിൽ നിന്ന് ഒഴിഞ്ഞ വലയിലേക്ക് നിറയൊഴിച്ചാണ് വിനീഷ്യസ് ഗോൾ നേടിയത്.കിരീട നാല് ചാമ്പ്യൻസ് ലീഗ് ട്രോഫികൾ നേടുന്ന ആദ്യ പരിശീലകനാണ് കാർലോ ആൻസലോട്ടി.എസി മിലാൻ (2003, 2007), മാഡ്രിഡ് (2014) എന്നിവയ്‌ക്കൊപ്പമാണ് ആൻസലോട്ടി മുമ്പ് യൂറോപ്യൻ കിരീടങ്ങൾ നേടിയത്.

കഴിഞ്ഞ മാസം മാഡ്രിഡ് ലാലിഗയിൽ മുത്തമിട്ടതോടെ യൂറോപ്പിലെ അഞ്ച് പ്രധാന ലീഗുകളിലും ലീഗ് കിരീടങ്ങൾ നേടുന്ന ആദ്യ മാനേജരായി ഇറ്റാലിയൻ കോച്ച് മാറി. കിരീട നേട്ടത്തോടെ ഏറ്റവും കൂടുതൽ ചാമ്പ്യൻസ് ലീഗ് കിരീടങ്ങൾ സ്വന്തമാക്കിയ താരമെന്ന ക്രിസ്റ്റ്യാനോ റൊണാൾഡോയുടെ റെക്കോർഡിനൊപ്പമെത്തി 9 റയൽ മാഡ്രിഡ് താരങ്ങൾ.കരിം ബെൻസേമ, ലൂക്ക മോഡ്രിച്ച്, ടോണി ക്രൂസ്, കസമീറോ, ഡാനി കർവഹാൾ, മാഴ്‌സെലോ, ഗാരെത് ബെയിൽ, ഇസ്കോ, നാച്ചോ എന്നിവരുടെ അഞ്ചാം ചാമ്പ്യൻസ് ലീഗ് കിരീടനേട്ടമായിരുന്നു ഇന്നലെത്തേത്.