ഹോളണ്ടിനെതിരെയുള്ള വിവാദ സംഭവങ്ങൾ , അർജന്റീനയ്‌ക്കെതിരെ അച്ചടക്ക നടപടികൾ ആരംഭിച്ച് ഫിഫ |Qatar 2022
ഖത്തർ ലോകകപ്പ് കണ്ട ഏറ്റവും സംഭവബഹുലമായ മത്സരങ്ങളിൽ അർജന്റീനയും ഹോളണ്ടും തമ്മിലുള്ള ക്വാർട്ടർ ഫൈനൽ പോരാട്ടം.രണ്ടു ഗോളുകൾക്ക് അർജന്റീന മുന്നിലെത്തിയ മത്സരത്തിന്റെ എൺപത്തിമൂന്നാം മിനുട്ടിലും ഇഞ്ചുറി ടൈമിലും ഗോളുകൾ നേടി ഹോളണ്ട് തിരിച്ചു വന്നെങ്കിലും പെനാൽറ്റി ഷൂട്ടൗട്ടിൽ ലാറ്റിനമേരിക്കൻ ടീം വിജയം നേടി.
മത്സരത്തിനിടയിലും ശേഷവും ഇരു ടീമുകളുടെ താരങ്ങൾ പലപ്പോഴും മൈതാനത്ത് ഏറ്റുമുട്ടുന്നതും കാണാൻ സാധിച്ചു.മത്സരം നിയന്ത്രിച്ച റഫറി അന്റോണിയോ മത്തേയു ലഹോസ് കളിക്കാരെ നിയന്ത്രിക്കാൻ 19 മഞ്ഞകാർഡുകളാണ് പുറത്തെടുത്തത്. വിവാദ സംഭവങ്ങൾക്ക് ശേഷം ക്വാർട്ടർ ഫൈനൽ പോരാട്ടത്തിന് ശേഷം അർജന്റീനിയൻ, ഡച്ച് ഫുട്ബോൾ അസോസിയേഷനുകൾക്കെതിരെ അന്വേഷണം നടത്താൻ ഫിഫ തീരുമാനിച്ചിരിക്കുകയാണ്. അന്വേഷണത്തിന്റെ പശ്ചാത്തലത്തിൽ ക്രൊയേഷ്യക്കെതിരായ സെമിഫൈനൽ മത്സരത്തിൽ അർജന്റീനയ്ക്ക് വലിയ പ്രതിസന്ധി നേരിടേണ്ടി വന്നേക്കും.
നായകൻ ലയണൽ മെസ്സി വിലക്കപ്പെട്ടേക്കാം.അതിനാൽ സുപ്രധാന മത്സരം നഷ്ടമാവാനുള്ള സാധ്യത തള്ളിക്കളയാനാവില്ല.മാച്ച് റഫറി അന്റോണിയോ മത്തേയു ലഹോസിനെതിരെ അർജന്റീനിയൻ നായകൻ വിമർശിച്ചതിനെ തുടർന്ന് മെസ്സിക്കെതിരെ ഫിഫ അച്ചടക്ക നടപടികൾ ആരംഭിച്ചിരിക്കുന്നത്.നെതർലൻഡ്‌സും അർജന്റീനയും തമ്മിലുള്ള ക്വാർട്ടർ പോരാട്ടം രണ്ട് കനത്ത വമ്പന്മാർ തമ്മിലുള്ള കടുത്ത പോരാട്ടം തന്നെയായിരുന്നു.കളിയിൽ അച്ചടക്കം ഒരു പ്രധാന പ്രശ്‌നമായിരുന്നു, കാരണം ഇരു ടീമുകളിലെയും കളിക്കാരും കോച്ചിംഗ് സ്റ്റാഫും അവരുടെ ശാന്തത നഷ്ടപ്പെടുന്നതായി കാണപ്പെട്ടു.വാക്ക് തർക്കങ്ങൾക്ക് പുറമെ കളിക്കിടയിലും ശേഷവും വഴക്കുകൾ പൊട്ടിപ്പുറപ്പെട്ടതിനാൽ ഇരുവശത്തുനിന്നും കളിക്കാർ പലപ്പോഴും പരസ്പരം ഏറ്റുമുട്ടി.
FIFA have opened an investigation against the Argentine and Dutch FAs after the quarter-final #FIFAWorldCuphttps://t.co/AaN5l9UQSi
— Mirror Football (@MirrorFootball) December 10, 2022
നെതർലൻഡ്‌സിന്റെ ഡെൻസൽ ഡംഫ്രീസിന് രണ്ട് മഞ്ഞക്കാർഡ് ലഭിക്കുകയും ചെയ്തു.മത്സരശേഷം റഫറി അന്റോണിയോ മത്തേയു ലഹോസിനെ ലയണൽ മെസിയും അർജന്റീനിയൻ ഗോളി എമി മാർട്ടിനെസും വിമർശിച്ചു. അർജന്റീന ഫുട്ബോൾ അസോസിയേഷനെതിരെയും കളിക്കാർക്കുമെതിരെ അച്ചടക്ക നടപടികൾ ആരംഭിക്കാൻ ഫിഫ തീരുമാനിച്ചിരിക്കുകയാണ്.അതിനാൽ ലിയോ മെസ്സി കുറ്റക്കാരനാണെന്ന് കണ്ടെത്തിയാൽ, ക്രൊയേഷ്യക്കെതിരായ സെമിഫൈനൽ അദ്ദേഹത്തിന് നഷ്ടമാകാനുള്ള സാധ്യതെയുണ്ട്.
FIFA opens a disciplinary case against Argentina for the actions of the team's players during a contentious World Cup quarterfinal match against the Netherlands. https://t.co/Gs2RtBg3sV
— AP Sports (@AP_Sports) December 10, 2022
അർജന്റീനയ്‌ക്കെതിരെ, കളിക്കാരുടെയും ഒഫീഷ്യലുകളുടെയും മോശം പെരുമാറ്റവും മത്സരങ്ങളിലെ ക്രമവും സുരക്ഷയും കൈകാര്യം ചെയ്യുന്ന ആർട്ടിക്കിൾ 12, 16 എന്നിവയുടെ ലംഘനത്തെക്കുറിച്ച് ഫിഫ അന്വേഷണം ആരംഭിച്ചു. ഡച്ച് ഫുട്ബോൾ അസോസിയേഷനെതിരെ ആർട്ടിക്കിൾ 12-ന്റെ ലംഘനവും കണ്ടെത്തി.അർജന്റീന ഫുട്ബോൾ ഫെഡറേഷനെതിരായ കുറ്റങ്ങൾ കളിക്കാരുടെയും സ്റ്റാഫിന്റെയും മോശം പെരുമാറ്റം, “മത്സരങ്ങളിലെ ക്രമവും സുരക്ഷയും” എന്നിവയുമായി ബന്ധപ്പെട്ടതാണ്, ഫിഫ പ്രസ്താവനയിൽ പറഞ്ഞു.