‘ഗോൾ ഓഫ് ദി സീസൺ’ : ആസ്റ്റൺ വില്ലയ്‌ക്കെതിരെ എൻസോ ഫെർണാണ്ടസ് നേടിയ മനോഹരമായ ഫ്രീകിക്ക് ഗോൾ | Enzo Fernández

എഫ്എ കപ്പിൽ ഇന്നലെ നടന്ന നാലാം റൗണ്ട് മത്സരത്തിൽ ആസ്റ്റൺ വില്ലയെ ഒന്നിനെതിരെ മൂന്നു ഗോളുകൾക്ക് പരാജയപ്പെടുത്തി ചെൽസി.പത്ത് ദിവസം മുമ്പ് ഈ രണ്ട് ടീമുകളും സ്റ്റാംഫോർഡ് ബ്രിഡ്ജിൽ 0-0 ന് സമനിലയിൽ പിരിഞ്ഞിരുന്നു. അർജൻ്റീനിയൻ തരാം എൻസോ ഫെർണാണ്ട രണ്ടാം പകുതിയിൽ നേടിയ മനോഹരമായ ഫ്രീകിക്കായിരുന്നു മത്സരത്തിലെ ഹൈലൈറ്റ്.

രണ്ട് മത്സരങ്ങളിൽ നിന്ന് എട്ട് ഗോളുകൾ വഴങ്ങിയതിന് ശേഷം ബ്ലൂസിനും പ്രത്യേകിച്ച് കോച്ച് മൗറീഷ്യോ പോച്ചെറ്റിനോയ്ക്കും ഇത് കഠിനമായ ആഴ്ചയായിരുന്നു. ആദ്യത്തേത് 1-4ന് ലിവർപൂളിനെതിരെയും 2-4ന് വോൾവ്സിനെതിരെയും ആയിരുന്നു.
വില്ലയുടെ ഈ സീസണിലെ പ്രബലമായ ഹോം റെക്കോർഡ് അവരെ അവസാന 16-ലെ സ്ഥാനത്തിനായുള്ള ശക്തമായ മത്സരാർത്ഥികളാക്കി. എന്നാൽ മത്സരത്തിൽ ചെൽസി ശക്തമായ ആക്രമണ പ്രകടനം നടത്തി.വോൾവർഹാംപ്ടൺ വാണ്ടറേഴ്സിനോട് 4-2 ന് തോറ്റതിനെത്തുടർന്ന് പ്രീമിയർ ലീഗിൽ 11-ാം സ്ഥാനത്തായ ചെൽസി കടുത്ത സമ്മർദ്ദത്തിലാണ് ആസ്റ്റൺ വില്ലയെ നേരിടാൻ എത്തിയത്.

ടീമിന്റെ മോശം പ്രകടനത്തിൽ പരിശീലകൻ പോച്ചെറ്റിനോക്കെതിരെ കടുത്ത വിമര്ശനം ഉയരുകയും ചെയ്തു.വില്ലയ്‌ക്കെതിരായ ചെൽസിയുടെ വിജയം നിസ്സംശയമായും ഈ സീസണിലെ അവരുടെ മികച്ച പ്രകടനമായി നിലകൊള്ളുന്നു.വില്ല അവരുടെ 16 ഹോം ഗെയിമുകളിൽ രണ്ടെണ്ണത്തിൽ മാത്രമാണ് തോറ്റത്.മത്സരത്തിന്റെ പതിനൊന്നാം മിനിറ്റിൽ കോണോർ ഗല്ലഗർ നേടിയ ഗോളിൽ ചെൽസി മുന്നിലെത്തി. പത്തു മിനുട്ടിനു ശേഷം മാലോ ഗസ്റ്റോയുടെ ക്രോസിൽ നിന്ന് നിക്കോളാസ് ജാക്‌സൻ്റെ ഹെഡ്ഡർ അവരുടെ ലീഡ് ഇരട്ടിയാക്കി.മത്സരത്തിന്റെ ആദ്യ പകുതി പിന്നിട്ട് കഴിഞ്ഞപ്പോൾ എതിരില്ലാത്ത രണ്ടു ഗോളുകൾക്ക് ചെൽസി മുന്നിട്ട് നിൽക്കുകയായിരുന്നു.

വില്ലയുടെ തിരിച്ചുവരവിനെക്കുറിച്ചുള്ള ഏതൊരു പ്രതീക്ഷയും രണ്ടാം പകുതിയിൽ ഒമ്പത് മിനിറ്റിനുള്ളിൽ തകർന്നു.രണ്ടാം പകുതിയിൽ 54ആം മിനിട്ടിലാണ് അർജന്റൈൻ സൂപ്പർ താരമായ എൻസോ ഫെർണാണ്ടസിന്റെ ഗോൾ പിറന്നത്. ചെൽസിക്ക് ലഭിച്ച ഫ്രീകിക്ക് എൻസോ ഗോളാക്കി മാറ്റുകയായിരുന്നു. വില്ലയുടെ ഗോൾ പോസ്റ്റിൽ അർജന്റൈൻ ഗോൾകീപ്പർ ആയ എമിലിയാനോ മാർട്ടിനസായിരുന്നു ഉണ്ടായിരുന്നത്. അദ്ദേഹത്തെ മറികടന്നു കൊണ്ടാണ് എൻസോ ഈ ഗോൾ കരസ്ഥമാക്കിയത്. ഒരു പവർഫുൾ ഫ്രീകിക്ക് തന്നെയായിരുന്നു എൻസോയിൽ നിന്നും പിറന്നത്.

ബോക്സിന് കുറച്ചധികം വെളിയിൽ നിന്നുള്ള ഈ ഫ്രീകിക്ക് ഗോൾ ഏറെ ശ്രദ്ധ പിടിച്ചു പറ്റിയിട്ടുണ്ട്. ഗോൾ നേടിയതിനു ശേഷം തന്റെ ജേഴ്സി ഊരി എതിർടീം സ്റ്റേഡിയത്തിൽ പേര് ഉയർത്തി കാണിക്കുന്ന എൻസോയുടെ സെലിബ്രേഷനും അതിമനോഹരമായിരുന്നു.ഇഞ്ചുറി ടൈമിൽ മൂസ ദിയാബി ആസ്റ്റൺ വില്ലയുടെ ആശ്വാസ ഗോൾ നേടി.ഈ വിജയത്തോടെ ചെൽസി എഫ്എ കപ്പിൻ്റെ 16-ാം റൗണ്ടിലേക്ക് മുന്നേറി, അവിടെ ലീഡ്സ് യുണൈറ്റഡിനെ നേരിടും.