മെസ്സിക്ക് മറ്റൊരു സ്ത്രീയുമായി ബന്ധമെന്ന് ബ്രസീൽ മീഡിയ, രൂക്ഷമായി പ്രതികരിച്ച് സെസ്ക് ഫാബ്രിഗസിന്റ ഭാര്യ | Lionel Messi

കഴിഞ്ഞ ദിവസമാണ് ബ്രസീലിയൻ മാധ്യമം ഏറെക്കുറെ വിവാദം സൃഷ്ടിച്ചേക്കാവുന്ന ഒരു ആരോപണം ലയണൽ മെസ്സിയെ കുറിച്ച് റിപ്പോർട്ട് ചെയ്തത്. അതിനെതിരെ രൂക്ഷമായി പ്രതികരണം നടത്തിയിരിക്കുകയാണ് ലയണൽ മെസ്സിയുടെ മുൻ സഹതാരമായ സെസ്ക് ഫാബ്രിഗസിന്റ ഭാര്യ.

തിയാഗോ, മാറ്റിയോ, സിറോ എന്നീ മൂന്ന് മക്കളാണ് മെസിക്കും ഭാര്യ റൊക്കൂസോക്കുമുള്ളത്. ഇവർ ഇവരുടെ ദാമ്പത്യത്തിലെ ഏറ്റവും വലിയ പ്രതിസന്ധി നേരിടുന്നുണ്ടെന്നാണ് ബ്രസീലിയൻ മാധ്യമം വെള്ളിയാഴ്ച അവകാശപ്പെട്ടത്. ഇന്റർ മിയാമി താരം മെസ്സിക്ക് അർജന്റീനിയൻ പത്രപ്രവർത്തകയുമായി ബന്ധമുണ്ടെന്നാണ് ആരോപണം, അത് അവരുടെ ദാമ്പത്യത്തെ ബാധിച്ചിട്ടുണ്ട് എന്നും ബ്രസീലിയൻ മീഡിയ അവകാശപ്പെട്ടു.

മെസ്സിയും റൊക്കൂസോയും അഞ്ച് വയസ്സ് മുതൽ പരസ്പരം അറിയാം, ബാല്യകാല പ്രണയിനികൾ 2017-ലാണ് ഔദ്യോഗികമായി വിവാഹിതരായത്. 2022 ലോകകപ്പ് ജേതാവായ മെസ്സി ബാഴ്‌സലോണയിലെ മുൻ സഹതാരം ഫാബ്രിഗാസിന്റെ ഭാര്യയുമായി മെസ്സിയും റൊക്കൂസോയും അടുത്തബന്ധമുണ്ട്. ഈ വാർത്തക്കെതിരെ അവർ രൂക്ഷമായി പ്രതികരിച്ചു. ഡാനിയേല സെമാൻ (ഫാബ്രിഗസിന്റെ ഭാര്യ) മെസ്സിക്കും റൊക്കൂസോയ്‌ക്കുമൊപ്പം പതിവായി അവധിക്കാലം ആഘോഷിക്കുന്നയാളാണ്. സെമാൻ ഇൻസ്റ്റാഗ്രാമിൽ പറഞ്ഞു: “ഇത് എന്ത് പ്രസിദ്ധീകരണമാണ്, ഒരു അർത്ഥവുമില്ല..ഇതൊന്നും ശരിയുമല്ല.”

നിലവിൽ മെസ്സിയും ഭാര്യയും മക്കളും അമേരിക്കയിൽ വെക്കേഷൻ ആഘോഷിച്ചു കൊണ്ടിരിക്കുകയാണ്. ബ്രസീൽ മാധ്യമത്തിനെതിരെ നടപടി സ്വീകരിക്കുമോയെന്ന് നോക്കിക്കാണുകയാണ് ആരാധകർ. അർജന്റീന യോടുള്ള തോൽവിയിൽ ബ്രസീൽ മാധ്യമം പടച്ചു വിട്ട തെറ്റായ വാർത്തയാണെന്നാണ് മറ്റു യൂറോപ്യൻ മാധ്യമങ്ങളും റിപ്പോർട്ട് ചെയ്യുന്നത്.