ഇന്ത്യൻ സൂപ്പർ ലീഗിന്റെ അടുത്ത സീസണിൽ VAR അവതരിപ്പിക്കാൻ എഐഎഫ്എഫ് | ISL | AIFF

അടുത്ത സീസൺ മുതൽ ഇന്ത്യൻ സൂപ്പർ ലീഗിൽ വെർച്വൽ അസിസ്റ്റൻ്റ് റഫറിയെ (വിഎആർ) യാതൊരു ചെലവും കൂടാതെ അവതരിപ്പിക്കുന്നത് അസാധ്യമല്ലെന്ന് ഓൾ-ഇന്ത്യ ഫുട്ബോൾ ഫെഡറേഷൻ. എഐഎഫ്എഫിന്റെ വാർഷിക യോ​ഗത്തിലാണ് ഇക്കാര്യം അവതരിപ്പിച്ചത്.ഇന്ത്യൻ റഫറിയിംഗിൻ്റെ നിലവിലെ അവസ്ഥയെക്കുറിച്ചും VAR അവതരിപ്പിക്കാനുള്ള സാധ്യതയെക്കുറിച്ചും ചർച്ച നടത്തി.

എഐഎഫ്എഫ് ചീഫ് റഫറിയിംഗ് ഓഫീസർ തൻ്റെ റിപ്പോർട്ട് സമർപ്പിക്കുകയും നിലവിലെ സീസണിൽ ഓൺ-പിച്ച് റഫറിയിംഗ് തീരുമാനങ്ങളിൽ 85 ശതമാനവും ശരിയാണെന്ന് ചൂണ്ടിക്കാണിക്കുകയും ചെയ്തു.”ഇന്ന് ഇന്ത്യയിൽ VAR നടപ്പിലാക്കുന്നതിലേക്ക് ഞങ്ങൾ ഒരു ചുവട് മുന്നോട്ട് നീങ്ങി,” AIFF പ്രസിഡൻ്റ് കല്യാൺ ചൗബെ ജനറൽ ബോഡി യോഗത്തിന് ശേഷം TOI യോട് പറഞ്ഞു.“ഞങ്ങൾ ഇപ്പോൾ ഫിഫയ്ക്കും IFABക്കും (ഇൻ്റർനാഷണൽ ഫുട്ബോൾ അസോസിയേഷൻ ബോർഡ്, ഫുട്ബോൾ നിയമങ്ങളുടെ സ്വതന്ത്ര രക്ഷാധികാരികൾ) കത്തെഴുതുകയാണ്. ആ രണ്ട് ബോഡികളിൽ നിന്നും അനുമതി ലഭിച്ചുകഴിഞ്ഞാൽ, ഞങ്ങൾ നടപ്പാക്കലിൻ്റെ അടുത്ത ഘട്ടത്തിലേക്ക് നീങ്ങും” അദ്ദേഹം കൂട്ടിച്ചേർത്തു.

VAR-ൽ സ്പെഷ്യലൈസ് ചെയ്ത അഞ്ച് പ്രശസ്ത ഏജൻസികളുമായി ഫെഡറേഷൻ ചർച്ച നടത്തിയിട്ടുണ്ട്, എല്ലാം ഫിഫയിൽ രജിസ്റ്റർ ചെയ്തിട്ടുണ്ട്. ഇന്ത്യൻ സൂപ്പർ ലീഗിൽ (ഐഎസ്എൽ) VAR നടപ്പിലാക്കുന്നതിന് അഞ്ച് വർഷത്തേക്ക് ഏകദേശം 25-30 കോടി രൂപ ചെലവ് വരുമെന്ന സൂചനകളോടെ ഒരു സാധ്യതാ റിപ്പോർട്ടും തയ്യാറാക്കിയിട്ടുണ്ട്. മുമ്പ് ഐഎസ്എല്ലിൽ വാർ നിയമം കൊണ്ടുവരാൻ ആലോചന നടത്തിയിരുന്നു. ഇതു സംബന്ധിച്ച കൂടുതൽ ചർച്ചകൾ മേയ് ആദ്യവാരം മറ്റൊരു യോഗത്തിൽ നടത്താമെന്നും ധാരണയായി.

എങ്കിലും പണമില്ലെന്ന കാരണത്താൽ എഐഎഫ്എഫ് ഇതിൽ നിന്ന് പിന്മാറി.VAR സാങ്കേതികവിദ്യ നേരത്തെ രണ്ട് തവണ ഇന്ത്യൻ മണ്ണിൽ ഉപയോഗിച്ചിരുന്നു.2022 ജനുവരി-ഫെബ്രുവരി മാസങ്ങളിൽ നടന്ന AFC വനിതാ ഏഷ്യൻ കപ്പിലും കഴിഞ്ഞ വർഷം ഒക്ടോബറിൽ നടന്ന FIFA അണ്ടർ 17 വനിതാ ലോകകപ്പിലും.