തകർപ്പൻ ഗോളോടെ ലോകകപ്പിൽ അർജന്റീനയുടെ രക്ഷകനായി മാറിയ അലക്‌സിസ് മാക് അലിസ്റ്റർ |Qatar 2022 |Lionel Messi

തന്റെ പ്രസിദ്ധമായ കരിയറിൽ അര്ജന്റീന താരം കാർലോസ് മാക് അലിസ്റ്റർ ഡീഗോ മറഡോണയോടൊപ്പം ബോക ജൂനിയേഴ്സിലും അർജന്റീനയിലും വളരെക്കാലം കളിച്ചിട്ടുണ്ട്. ഇന്നലെ ഖത്തർ വേൾഡ് കപ്പിൽ ദോഹയിലെ സ്‌റ്റേഡിയം 974-ൽ അദ്ദേഹത്തിന്റെ മകൻ അലക്‌സിസ് ഈ തലമുറയിലെ മികച്ചവരിൽ ഒരാളായ ലയണൽ മെസ്സിയുമായി ഒരുമിച്ച് കളിക്കുന്നത് കാണാൻ സാധിച്ചു.

ഇന്നലെ പോളണ്ടിനെതിരെ നടന്നാ മത്സരത്തിൽ മാക് അലിസ്റ്റർ അര്ജന്റീന ജേഴ്സിയിൽ തന്റെ ആദ്യ ഗോൾ നേടുകയും വിജയത്തിൽ നിർണായകമാവുകയും ചെയ്തു. ലയണൽ മെസ്സി ആദ്യ പകുതിയിൽ പെനാൽറ്റി നഷ്ടപ്പെടുത്തിയതിന് ശേഷം മാക് അലിസ്റ്റർ ആണ് രണ്ടാം പകുതിയുടെ തുടക്കത്തിൽ അർജന്റീനക്ക് ലീഡ് നേടിക്കൊടുത്തത്.ഒരിക്കൽ മെസ്സിക്ക് ചുറ്റും ഉണ്ടായിരുന്ന ലജ്ജാശീലനായ ആൺകുട്ടിയിൽ നിന്ന് മെസിക്കൊപ്പം നിന്ന് അർജന്റീനക്ക് വേണ്ടി പോരാടുന്ന താരമായി 23 കാരൻ വളർന്നു.

ലോകത്തിലെ ഏറ്റവും മികച്ച കളിക്കാരിൽ ഒരാളെ കണ്ടുമുട്ടിയപ്പോൾ ഞാൻ ശെരിക്കും അസ്വസ്ഥനായിരുന്നു എന്ന് ഒരിക്കൽ മാക് അലിസ്റ്റർ പറഞ്ഞ.“ഇത് ഞാൻ മറക്കാൻ പോകുന്നില്ല. എന്റെ അച്ഛൻ മറഡോണയ്‌ക്കൊപ്പം കളിച്ചതും എനിക്ക് ലയണൽ മെസ്സിക്കൊപ്പം പരിശീലിക്കാൻ കഴിഞ്ഞതും മാജിക് ആയിരുന്നു”.ആദ്യ പകുതിയിൽ മെസ്സിക്ക് ലഭിച്ച പെനാൽറ്റി വോയ്‌സിക്ക് ഷ്‌സെസ്‌നി സേവ് ചെയ്തു, 45 മിനിറ്റിലുടനീളം ചില അതിശയിപ്പിക്കുന്ന സേവുകൾ പുറത്തെടുത്ത് അർജന്റീനയെ നിരാശപ്പെടുത്തി. അർജന്റീനയ്ക്ക് അവസാന 16-ൽ സ്ഥാനം ഉറപ്പിക്കാൻ ജയം അനിവാര്യമായതിനാൽ, പകുതി സമയത്ത് ആരാധകർക്ക് ആകാംക്ഷയുടെ നിമിഷങ്ങളുണ്ടായിരുന്നു.

രണ്ടാം പകുതിയുടെ തുടക്കത്തിൽ നഹുവൽ മോലിനയുടെ ഒരു പാസ് സ്വീകരിച്ച മാക് അലിസ്റ്റർ മികച്ചൊരു ഷോട്ടിലൂടെ ഷ്സെസ്നിയെ കീഴ്പെടുത്തി പന്ത് വലയിലാക്കി.ഇത് അദ്ദേഹത്തിന്റെ ആദ്യ അന്താരാഷ്ട്ര ഗോളായിരുന്നു, അർജന്റീനയെ ശാന്തമാക്കിയതായി തോന്നിക്കുന്ന ഒന്ന്, രണ്ടാമത്തെ ജൂലിയൻ അൽവാരസ് ഗോളും നേടി വിജയം ഉറപ്പാക്കി.സ്കോർഷീറ്റിൽ തന്റെ പേര് കണ്ടെത്തി തരാം മത്സരത്തിലുടനീളം മിഡ്ഫീൽഡിൽ മികച്ച പ്രകടനം നടത്തുകയും മെസിയുമായി മികച്ച ഒത്തിണക്കം കാണിക്കുകയും ചെയ്തു.തന്റെ ക്ലബ്ബായ ബ്രൈറ്റൺ ആൻഡ് ഹോവ് അൽബിയോണിൽ എന്താണ് ചെയ്യുന്നത് അത് തന്നെയാണ് അദ്ദേഹം ഇന്നലെ 10 അന്താരാഷ്ട്ര മത്സരത്തിൽ അർജന്റീനക്ക് വേണ്ടി ചെയ്തത്.

രണ്ട് വർഷം മുമ്പ് അര്ജന്റീന സീനിയർ ടീമിലേക്ക് വിളിച്ചപ്പോൾ മാക് അലിസ്റ്ററിന് ഏറ്റവും ഊഷ്മളമായ സ്വീകരണം ലഭിച്ചില്ല. അലിസ്റ്ററിന്റെ മുടിയുടെ നിറം കാരണവും , ഐറിഷ് വംശജനായത് കൊണ്ടും അദ്ദേഹത്തിന് “ഇഞ്ചി” എന്ന വിളിപ്പേര് നേടിക്കൊടുത്തു. “എല്ലാവരും എന്നെ കോളോ എന്നാണ് വിളിച്ചിരുന്നത്, അർജന്റീനയിൽ ഇത് ‘ഇഞ്ചി’ എന്നാണ്. എനിക്ക് ഇത് അത്ര ഇഷ്ടമല്ല, മെസ്സി ടീമംഗങ്ങളോട് പറഞ്ഞു, ‘അവൻ കോളോ എന്ന് വിളിക്കുന്നത് ഇഷ്ടപ്പെടുന്നില്ല, അതിനാൽ അവനെ അങ്ങനെ വിളിക്കരുത്!’മാക് അലിസ്റ്റർ പറഞ്ഞു.അന്ന് മെസ്സി അദ്ദേഹത്തെ സംരക്ഷിച്ചു ഇന്ന് മാക് അലിസ്റ്റർ മെസ്സിക്ക് വേണ്ടി സംരക്ഷിച്ചിരിക്കുകയാണ്.