ബ്രസീലിയൻ സൂപ്പർ താരം നെയ്മർ ജൂനിയറുടെ ബൂട്ടുകളിൽ പ്രതീക്ഷയർപ്പിച്ചാണ് പിഎസ്ജി അവരുടെ കന്നി ഫൈനലിനിറങ്ങുന്നത്. ഈ ചാമ്പ്യൻസ് ലീഗിലുടനീളം പിഎസ്ജിയെ മുന്നോട്ട് നയിക്കുന്നതിൽ നെയ്മർ വഹിച്ച പങ്കാളിത്തം ചെറുതൊന്നുമല്ല. കഴിഞ്ഞ രണ്ട് തവണയും നെയ്മർക്ക് പരിക്ക് വില്ലനായപ്പോൾ നോക്കോട്ട് റൗണ്ടിൽ പിഎസ്ജിക്ക് കാലിടറി. എന്നാൽ ഇപ്രാവശ്യം അത്‌ സംഭവിച്ചില്ല. നെയ്മറും എംബാപ്പെയും ഡിമരിയയും ഇകാർഡിയും നവാസും സിൽവയുമെല്ലാം ഒന്നിച്ചു നിന്നപ്പോൾ പിഎസ്ജിയുടെ കുതിപ്പ് എത്തിനിൽക്കുന്നത് ഫൈനലിലാണ്. ബയേണിനെ കീഴടക്കാനായാൽ ഒരു ആരാധകകൂട്ടത്തിന്റെയും ഒരു ജനതയുടെയും ചിരകാലാഭിലാഷം പൂവണിയും. […]