‘എനിക്കുണ്ടായിട്ടുള്ളതിൽ വച്ച് ഏറ്റവും മോശം പരിശീലകനാണ് വാൻ ഗാൽ, അത് പറഞ്ഞ് ഞാൻ ഒരിക്കലും മടുക്കില്ല’ : ഏഞ്ചൽ ഡി മരിയ | Ángel Di María

മുൻ മാഞ്ചസ്റ്റർ യുണൈറ്റഡ് ബോസ് ലൂയിസ് വാൻ ഗാൽ താൻ ഇതുവരെ പ്രവർത്തിച്ചിട്ടുള്ളതിൽ വച്ച് ഏറ്റവും മോശം മാനേജരാണെന്ന തൻ്റെ മുൻ അവകാശവാദം എയ്ഞ്ചൽ ഡി മരിയ വീണ്ടും ആവർത്തിച്ചിരിക്കുകയാണ്. റൊസാരിയോ സെൻട്രൽ, ബെൻഫിക്ക, റയൽ മാഡ്രിഡ്, യുണൈറ്റഡ്, പാരീസ് സെൻ്റ് ജെർമെയ്ൻ, യുവൻ്റസ് എന്നിവയ്ക്കായി കളിച്ച 36 കാരനായ അര്ജന്റീന വിംഗർ തിളങ്ങുന്ന കരിയർ ആസ്വദിച്ചു.

മാഞ്ചസ്റ്റർ യുണൈറ്റഡ് ഒഴികെയുള്ള എല്ലാ ടീമുകൾക്ക് വേണ്ടിയും അദ്ദേഹം മിന്നുന്ന പ്രകടനമാണ് പുറത്തടുത്തത്.2014-15 സീസണിൽ 32 മത്സരങ്ങളിൽ നിന്ന് വെറും നാല് ഗോളുകൾ മാത്രമാണ് അദ്ദേഹം നേടിയത്.2014 ജൂലൈ മുതൽ 2016 മെയ് വരെ ഓൾഡ് ട്രാഫോർഡിൻ്റെ ചുമതല വഹിച്ചിരുന്ന വാൻ ഗാൽ – മാഞ്ചസ്റ്ററിലെ തൻ്റെ കഠിനമായ സമയത്തിന് ഡി മരിയ ആവർത്തിച്ച് കുറ്റപ്പെടുത്തി. “ഏറ്റവും മോശം മാനേജർ വാൻ ഗാൽ ആണ്, നിങ്ങൾക്ക് അത് ഉറപ്പിക്കാം. നിങ്ങൾക്ക് എന്തെങ്കിലും സംശയമുണ്ടെങ്കിൽ, ഞാൻ അത് ഇപ്പോൾ തന്നെ നിങ്ങൾക്കായി തീർത്ത് തരാം’ESPN അർജൻ്റീനയോട് സംസാരിച്ച ഡി മരിയ പറഞ്ഞു.ഡി മരിയ തൻ്റെ നെറ്റ്ഫ്ലിക്സ് ഡോക്യുമെൻ്ററിയായ ‘ബ്രേക്കിംഗ് ഡൗൺ ദ വാൾ’-ൽ വീണ്ടും വാൻ ഗാലിനെതിരെ ആഞ്ഞടിച്ചു.

2022 ലോകകപ്പിൽ ഡി മരിയ അർജൻ്റീനയുടെ ഭാഗമായിരുന്നു, ക്വാർട്ടർ ഫൈനൽ പെനാൽറ്റി ഷൂട്ടൗട്ടിൽ 2-2 സമനിലയിൽ വാൻ ഗാലിൻ്റെ ഡച്ച് ടീമിനെ പരാജയപ്പെടുത്തിയാണ് ഇരുവരും അവസാനമായി ഏറ്റുമുട്ടിയത്.’ലൂയിസ് വാൻ ഗാൽ എനിക്ക് ഉണ്ടായിട്ടുള്ളതിൽ വച്ച് ഏറ്റവും മോശം പരിശീലകനാണ്, അത് പറഞ്ഞ് ഞാൻ ഒരിക്കലും മടുക്കില്ല’ ഡി മരിയ പറഞ്ഞു.തന്റെ മുൻ ക്ലബായ റയൽ മാഡ്രിനെ ഡി മരിയ പ്രശംസിക്കുകയും ചെയ്തു.”റയൽ മാഡ്രിഡിൽ ജോയിൻ ചെയ്യുക എന്നുള്ളത് ലോകത്തെ ഏറ്റവും മികച്ച പത്തോ പതിനഞ്ചോ താരങ്ങളിൽ ഉൾപ്പെടുന്നതിന് തുല്യമാണ്. അങ്ങനെയാണ് നമുക്ക് അനുഭവപ്പെടുക. ലോകത്തെ ഏറ്റവും വലിയ ക്ലബ്ബ് റയൽ മാഡ്രിഡ് ആണ്. ആ ക്ലബ്ബിൽ കളിക്കുന്നത് ദേശീയ ടീമിനെ പ്രതിനിധീകരിക്കുന്നതിന് തുല്യമാണ് “ ഡി മരിയ പറഞ്ഞു.

2019-ൽ ബിബിസി സ്‌പോർട്ടിന് നൽകിയ അഭിമുഖത്തിനിടെ യുണൈറ്റഡിലെ ഡി മരിയയുടെ പോരാട്ടങ്ങളെക്കുറിച്ച് വാൻ ഗാലിനോട് ചോദിച്ചു.’ഡി മരിയ പറയുന്നത് എൻ്റെ പ്രശ്നമായിരുന്നു എന്നാണ്.എല്ലാ ആക്രമണ പൊസിഷനിലും ഞാൻ അവനെ കളിച്ചു. നിങ്ങൾക്ക് അത് പരിശോധിക്കാം. ആ സ്ഥാനങ്ങളിലൊന്നും അദ്ദേഹം എന്നെ ബോധ്യപ്പെടുത്തിയിട്ടില്ല. പ്രീമിയർ ലീഗിൽ പന്തിന്മേലുള്ള തുടർച്ചയായ സമ്മർദ്ദം നേരിടാൻ അദ്ദേഹത്തിന് കഴിഞ്ഞില്ല. അതായിരുന്നു അവൻ്റെ പ്രശ്നം’ വാൻ ഗാൽ പറഞ്ഞു.