2022-ൽ നടന്ന ലോകകപ്പ് ഫൈനൽ മത്സരത്തിൽ അർജന്റീന പ്രമുഖ നാഷണൽ ടീമായ ഫ്രാൻസിനെ തകർത്തു കൊണ്ടാണ് കിരീടം ചൂടുന്നത്. മത്സരത്തിൽ ഉടനീളം അർജന്റീന ആധിപത്യം നേടിയിരുന്നെങ്കിലും സെക്കന്റ ഹാഫിനു ശേഷം എംബാപ്പെയുടെ മിന്നും ഗോളുകൾ അർജന്റീനയെ പ്രതീക്ഷ നഷ്ടപ്പെടുത്തുകയാണ് ഉണ്ടായത്.എന്നാൽ കൊടിയ പോരാട്ടത്തിനൊടുവിൽ കളി 3- 3 എന്ന ഗോളിലാണ് കലാശിച്ചത്.
ഇഞ്ചോടിഞ്ചുള്ള പോരാട്ടത്തിൽ ഫ്രാൻസിനെ പെനാൽറ്റിയിൽ തോൽപ്പിച്ചാണ് സ്കലോണിയുടെ സംഘം കപ്പുയർത്തിയത്. 2022 ഖത്തറിൽ നടന്ന വേൾഡ് കപ്പ് മത്സരം വിജയിച്ചതിന് പിന്നാലെ അർജന്റീന പ്രമുഖ താരമായ ഏയ്‌ഞ്ചൽ ഡി മരിയ ഈയിടെ നവമാധ്യമങ്ങളിൽ പറഞ്ഞിട്ടുള്ള വാക്കുകളാണ് ഇപ്പോൾ സോഷ്യൽ മീഡിയ ഒട്ടാകെ ഏറ്റെടുത്തിട്ടുള്ളത്.
അദ്ദേഹം പറയുന്നു:”2022 ലെ ഖത്തറിൽ നടന്ന ലോക കപ്പ് മത്സരത്തിൽ കപ്പുയർത്താൻ എനിക്ക് സാധിച്ചു. വേൾഡ് കപ്പ് കാണാനും,സ്പർശിക്കാനും കഴിയുന്നത് തന്നെ എന്നെ സംബന്ധിച്ചിടത്തോളം ഏറ്റവും മനോഹരമായ കാര്യമാണ്. ഞാൻ അതിലേക്ക് നോക്കുമ്പോൾ എനിക്ക് അർജന്റീന ഇതിഹാസമായിരുന്ന സാക്ഷാൽ മറഡോണയുടെ വേൾഡ് കപ്പ് ഉയർത്തുന്ന വീഡിയോ ദൃശ്യങ്ങൾ ഓർമ്മ വന്നു .ഇപ്പോൾ ഈ സാധ്യത എനിക്കുണ്ടായത് തന്നെ എന്നെ സംബന്ധിച്ചിടത്തോളം മറക്കാനാവാത്ത ഒരു അനുഭവം കൂടിയാണ്.” എന്നാണ് തന്റെ വാക്കുകളിലൂടെ അദ്ദേഹം അറിയിച്ചത്.
Ángel Di María on the World Cup trophy: “Being able to have it and touch it is the most beautiful thing. When I look at it, I always remember Diego's video. Now having this possibility is something unforgettable for me.” 🏆 pic.twitter.com/aM2TaAPs1e
— All About Argentina 🛎🇦🇷 (@AlbicelesteTalk) October 19, 2023
ഓരോ താരങ്ങളെ സംബന്ധിച്ചിടത്തോളം അവരുടെ വ്യക്തിഗത പുരസ്കാരങ്ങൾക്കും ട്രോഫികൾക്കും പുറമേ അവർ ഏറ്റവും ആഗ്രഹിക്കുന്നത് തന്റെ രാജ്യാന്തര തരത്തിലുള്ള വേൾഡ് കപ്പ് മത്സരത്തിൽ കപ്പുയർത്തുക എന്നതാണ്. 2022ൽ നടന്ന ഖത്തർ ലോകകപ്പിൽ വളരെയധികം ബുദ്ധിമുട്ടുകൾ അനുഭവിച്ചു കൊണ്ട് നേടിയ കപ്പ് അർജന്റീന താരങ്ങളെ സംബന്ധിച്ചിടത്തോളം വളരെയധികം സംതൃപ്തിയും, ആനന്ദവും നൽകുന്നതാണ്.