ലയണൽ മെസ്സി ടീമിൽ ,ലോകകപ്പ് യോഗ്യതാ മത്സരങ്ങൾക്കുള്ള അർജന്റീന ടീമിനെ പ്രഖ്യാപിച്ചു |Argentina |Lionel Messi

ഒക്ടോബറിൽ നടക്കുന്ന ലോകകപ്പ് യോഗ്യതാ മത്സരങ്ങൾക്കുള്ള അർജന്റീന ടീമിനെ പ്രഖ്യാപിച്ചു. പരിക്കിന്റെ പിടിയിലുള്ള സൂപ്പർ താരം ലയണൽ മെസ്സി ടീമിൽ ഇടം നേടിയപ്പോൾ ബെൻഫിക്ക താരം ഏഞ്ചൽ ഡി മരിയയെ ടീമിൽ ഉൾപ്പെടുത്തിയിട്ടില്ല. പരിക്ക് മൂലം ലയണൽ മെസ്സിക്ക് ഇന്റർ മയാമിയുടെ നാല് മത്സരങ്ങൾ നഷ്ടപ്പെട്ടിരുന്നു.ഇന്നലെ ചിക്കാഗോ ഫയറിനെതിരെയുള്ള മത്സരത്തിലും മെസ്സി കളിച്ചിരുന്നില്ല.

ഏഞ്ചൽ ഡി മരിയ പരിക്ക് മൂലം ടീമിൽ ഇടം നേടിയില്ലെങ്കിലും സെപ്തംബർ ലോകകപ്പ് യോഗ്യതാ മത്സരങ്ങൾക്കായി വിളിച്ച ടീമിൽ കോച്ച് ലയണൽ സ്‌കലോനി ചില മാറ്റങ്ങൾ വരുത്തിയിട്ടുണ്ട്. മൂന്നു പുതുമുഖങ്ങളെ പരിശീലകൻ സ്കെലോണി ടീമിൽ ഉൾപ്പെടുത്തിയിട്ടുണ്ട്.അർജന്റീന ദേശീയ ടീം പരിശീലകൻ സതാംപ്ടണിൽ നിന്നുള്ള കാർലോസ് അൽകാരാസ്, ഇന്റർ മിയാമിയുടെ ഫാകുണ്ടോ ഫാരിയാസ്, എസി മിലാന്റെ മാർക്കോ പെല്ലെഗ്രിനോ എന്നിവരെ ടീമിൽ ഉൾപ്പെടുത്തി. ഫിയോറന്റീനയിലെ ലൂക്കാസ് മാർട്ടിനെസ് ക്വാർട്ടയെപ്പോലെ പൗലോ ഡിബാലയും ടീമിൽ തിരിച്ചെത്തി.അർജന്റീനയുടെ ആദ്യ മത്സരം ഒക്ടോബർ 12-ന് പരാഗ്വേയ്‌ക്കെതിരെ നടക്കും. ഒക്ടോബർ 17ന് പെറുവിനെതിരെയാണ് ടീം രണ്ടാം മത്സരം കളിക്കുക.

ഗോൾകീപ്പർമാർ:എമിലിയാനോ മാർട്ടിനെസ് (ആസ്റ്റൺ വില്ല) ഫ്രാങ്കോ അർമാനി (റിവർ പ്ലേറ്റ്) ജുവാൻ മുസ്സോ (അറ്റലാന്റ) വാൾട്ടർ ബെനിറ്റസ് (PSV)

ഡിഫൻഡർമാർ:ജുവാൻ ഫോയ്ത്ത് (വില്ലറയൽ)ഗോൺസാലോ മോണ്ടിയേൽ (നോട്ടിംഗ്ഹാം ഫോറസ്റ്റ്)നഹുവൽ മോളിന (അത്‌ലറ്റിക്കോ മാഡ്രിഡ്) പെസെല്ല (റിയൽ ബെറ്റിസ്)ക്രിസ്റ്റ്യൻ റൊമേറോ (ടോട്ടനം ഹോട്സ്പർ)ലൂക്കാസ് മാർട്ടിനെസ് ക്വാർട്ട (ഫിയോറന്റീന)നിക്കോളാസ് ഒട്ടമെൻഡി (ബെൻഫിക്ക)മാർക്കോ പെല്ലെഗ്രിനോ (എസി മിലാൻ)മാർക്കോസ് അക്യൂന (സെവില്ല)നിക്കോളാസ് ടാഗ്ലിയാഫിക്കോ (ലിയോൺ)ലൂക്കാസ് എസ്ക്വിവൽ (അത്‌ലറ്റിക്കോ പരാനൻസ്)

മിഡ്ഫീൽഡർമാർ:ലിയാൻഡ്രോ പരേഡെസ് (എഎസ് റോമ) ഗൈഡോ റോഡ്രിഗസ് (റിയൽ ബെറ്റിസ്)എൻസോ ഫെർണാണ്ടസ് (ചെൽസി) റോഡ്രിഗോ ഡി പോൾ (അത്ലറ്റിക്കോ മാഡ്രിഡ്)എക്‌സിക്വൽ പലാസിയോസ് (ബേയർ ലെവർകുസെൻ) കാർലോസ് അൽകാരാസ് (സൗതാംപ്ടൺ)ജിയോവാനി ലോ സെൽസോ (ടോട്ടനം ഹോട്സ്പർ)അലക്സിസ് മാക് അലിസ്റ്റർ (ലിവർപൂൾ)തിയാഗോ അൽമാഡ (അറ്റ്ലാന്റ യുണൈറ്റഡ്)ബ്രൂണോ സപെല്ലി (അത്‌ലറ്റിക്കോ പരാനൻസ്)

ഫോർവേഡുകൾ:പൗലോ ഡിബാല (എഎസ് റോമ) ലയണൽ മെസ്സി (ഇന്റർ മിയാമി)ജൂലിയൻ അൽവാരസ് (മാഞ്ചസ്റ്റർ സിറ്റി) ലൗട്ടാരോ മാർട്ടിനെസ് (ഇന്റർ)ഫാകുണ്ടോ ഫാരിയാസ് (ഇന്റർ മിയാമി)ലൂക്കാസ് ബെൽട്രാൻ (ഫിയോറന്റീന)അലജാൻഡ്രോ ഗാർനാച്ചോ (മാഞ്ചസ്റ്റർ യുണൈറ്റഡ്) നിക്കോളാസ് ഗോൺസാലസ് (ഫിയോറന്റീന)ലൂക്കാസ് ഒകാമ്പോസ് (സെവില്ല)