ഇംഗ്ലീഷ് പ്രീമിയർ ലീഗിന്റെ 26-ാമത് മാച്ച് വീക്കിൽ ആവേശകരമായ നിരവധി മത്സരങ്ങളാണ് നടന്നത്.ആദ്യ മത്സരത്തിൽ മാഞ്ചസ്റ്റർ സിറ്റി ന്യൂകാസിൽ യുണൈറ്റഡിനെ പരാജയപ്പെടുത്തി. മാഞ്ചസ്റ്റർ സിറ്റിക്കായി ഫിൽ ഫോഡനും ബെർണാഡോ സിൽവയും നേടിയ ഗോളുകൾ 2-0ന് ജയിച്ചു. ജയത്തോടെ 58 പോയിന്റുമായി മാഞ്ചസ്റ്റർ സിറ്റി പ്രീമിയർ ലീഗ് പോയിന്റ് പട്ടികയിൽ രണ്ടാം സ്ഥാനത്ത് തുടരുന്നു.
മറ്റൊരു മത്സരത്തിൽ ആസ്റ്റൺ വില്ല ജയിച്ചു. വില്ല പാർക്കിൽ ക്രിസ്റ്റൽ പാലസിനെതിരെ ആസ്റ്റൺ വില്ല 1-0ന് ജയിച്ചു.ആവേശകരമായ മത്സരമായിരുന്നു എമിറേറ്റ്‌സ് സ്റ്റേഡിയത്തിൽ നടന്നത്. ആഴ്‌സണലും ബോൺമൗത്തും തമ്മിലുള്ള മത്സരത്തിന്റെ ആദ്യ മിനിറ്റിൽ തന്നെ മത്സരത്തിന്റെ ഗതിവേഗം അങ്ങോട്ടും ഇങ്ങോട്ടും പോകുകയും അത് ആവേശഭരിതമാവുകയും ചെയ്തു. ഫിലിപ്പ് ബില്ലിംഗിന്റെയും മാർക്കോസ് സെനെസിയുടെയും ഗോളുകൾ വകവയ്ക്കാതെ ആഴ്സണൽ തകർപ്പൻ തിരിച്ചുവരവ് നടത്തി, ബോൺമൗത്ത് പ്രീമിയർ ലീഗ് ടോപ്പർമാരെ ഞെട്ടിക്കും എന്ന് കരുതിയെങ്കിലും തകർപ്പൻ തിരിച്ചു വരവാണ് ആഴ്സണൽ കാഴ്ചവെച്ചത്.
തോമസ് പാർട്ടിയുടെയും ബെൻ വൈറ്റിന്റെയും ഗോളിൽ സമനില നേടിയ ആഴ്‌സണലിനായി 90+7 മിനിറ്റിൽ റെയ്‌സ് നെൽസൺ വിജയ ഗോൾ നേടി.തുടർച്ചയായ തോൽവികളിൽ നിന്ന് കരകയറി വിജയവഴിയിലേക്ക് തിരിച്ചെത്തിയിരിക്കുകയാണ് ചെൽസി.കഴിഞ്ഞ രണ്ട് മത്സരങ്ങളും പരാജയപ്പെട്ട ചെൽസി സ്റ്റാംഫോർഡ് ബ്രിഡ്ജിൽ ലീഡ്‌സ് യുണൈറ്റഡിനെ 1-0ന് പരാജയപ്പെടുത്തി. വെസ്ലി ഫൊഫാനയാണ് ചെൽസിയുടെ വിജയ ഗോൾ നേടിയത്. അദാമ ട്രോറിന്റെ ഗോളിൽ വോൾവ്‌സ് ടോട്ടൻഹാമിനെതിരെ 1-0ന് ജയിച്ചു.
Wesley Fofana vs Leeds pic.twitter.com/r1EMchEpLv
— َ (@CheIseaComps) March 4, 2023
മറ്റൊരു മത്സരത്തിൽ ബ്രൈറ്റൺ ആൻഡ് ഹോവ് അൽബിയോൺ വെസ്റ്റ് ഹാം യുണൈറ്റഡിനെതിരെ 4-0ന് ഉജ്ജ്വല വിജയം ഉറപ്പിച്ചു. ഫാൽമർ സ്റ്റേഡിയത്തിൽ നടന്ന മത്സരത്തിൽ അലക്സിസ് മക്അലിസ്റ്റർ, ജോയൽ വെൽറ്റ്മാൻ, കൗരു മിറ്റോമ, ഡാനി വെൽബെക്ക് എന്നിവർ ബ്രൈറ്റൺ ആൻഡ് ഹോവ് അൽബിയോണിന് വേണ്ടി ഗോൾ നേടി. തുടർച്ചയായ തോൽവികളിൽ നിന്നുള്ള ചെൽസിയുടെ ബ്രേക്ക്, ആഴ്സണലിന്റെ മികച്ച തിരിച്ചുവരവ്, ബ്രൈറ്റൺ ആൻഡ് ഹോവ് അൽബിയോണിന്റെ തകർപ്പൻ ജയം എന്നിവയെല്ലാം പ്രീമിയർ ലീഗിലെ ഹൈലൈറ്റുകളായിരുന്നു.