ലയണൽ മെസ്സിയിലും ക്രിസ്റ്റ്യാനോ റൊണാൾഡോയിലും ഫ്രാൻസ് ഫുട്ബോൾ തിരയുന്ന “മിസ്റ്റർ പെർഫെക്റ്റ്” മോൾഡിന് അനുയോജ്യമല്ലാത്തതിനാൽ വർഷങ്ങളായി ബാലൺ ഡി ഓർ അംഗീകാരത്തിനായി നിരന്തരം അവഗണിക്കപ്പെട്ടുവെന്ന് സ്ലാറ്റൻ ഇബ്രാഹിമോവിച്ച് പറഞ്ഞു.
തന്റെ അഭിപ്രായം പറയാൻ ഇഷ്ടപ്പെടുന്നതിനാൽ അഭിമാനകരമായ വ്യക്തിഗത ബഹുമതികൾക്കായി താൻ എല്ലായ്പ്പോഴും അവഗണിക്കപ്പെടുമെന്ന് സ്ഥിരമായിരിക്കുകയാണെന്നും സ്വീഡിഷ് സ്‌ട്രൈക്കർ അഭിപ്രായപ്പെട്ടു.ആധുനിക യുഗത്തിലെ ഏറ്റവും മികച്ച താരങ്ങളായ മെസ്സിയും റൊണാൾഡോയും കൂടി 12 ബാലൺ ഡി ഓർ നേടിയിട്ടുണ്ട്.40 വയസ്സിലും എസി മിലാന് വേണ്ടി ഗോളടിച്ചുകൂട്ടുന്ന ഇബ്രയുടെ അതിശയകരമായ കരിയറിൽ 500-ലധികം ക്ലബ് ഗോളുകൾ നേടിയിട്ടുണ്ട്.
Zlatan Ibrahimovic knows retiring will be very sad… for everybody else 😅 pic.twitter.com/up4wUVRltD
— GOAL (@goal) March 22, 2022
ബാലൺ ഡി ഓർ നേടാൻ കഴിവുള്ള താരമായിരുന്നിട്ടും 2013ൽ നാലാം സ്ഥാനത്തു വന്നതാണ് ഇതുമായി ബന്ധപ്പെട്ടുള്ള സ്ലാട്ടൻറെ ഏറ്റവുമുയർന്ന നേട്ടം.“ഇവ രാഷ്ട്രീയ അവാർഡുകളാണ്. അവർക്ക് ‘മിസ്റ്റർ പെർഫെക്റ്റ്’ വേണം.നിങ്ങൾ സംസാരിക്കുകയും പറയുകയും ചെയ്താൽ നിങ്ങൾക്ക് അവ ലഭിക്കില്ല.’മിസ്റ്റർ നൈസ് ഗയ്ക്ക്’ പുരസ്‌കാരം നൽകുക എളുപ്പമാണ്. അതെന്നിൽ ഒരു മാറ്റവും ഉണ്ടാക്കുന്നില്ല, ഞാൻ നല്ലതോ മോശമോ ആകുന്നില്ല” ഇബ്രാഹിമോവിച് പറഞ്ഞു.
ദീർഘകാലത്തിന്‌ ശേഷം 2021-22 സീസണിൽ സിരി എ കിരീടം നേടാൻ ഒരുങ്ങുകയാണ് ഇബ്രയും എ സി മിലാനും.ബാലൺ ഡി ഓർ നേട്ടത്തിൽ 2013ൽ നാലാം സ്ഥാനം നേടിയതാണ് അദ്ദേഹത്തിന്റെ മികച്ച ഫിനിഷിംഗ്.ആ വര്ഷം റൊണാൾഡോ അവാർഡ് നേടിയപ്പോൾ മെസ്സി റണ്ണേഴ്‌സ് അപ്പ് ബഹുമതി നേടി, ബയേൺ മ്യൂണിച്ച് വിംഗർ ഫ്രാങ്ക് റിബറി വെങ്കല മെഡൽ ബെർത്തിൽ ഫിനിഷ് ചെയ്തു. സ്വീഡന് വേണ്ടി 120 മത്സരങ്ങൾ കളിച്ച ഇബ്ര തന്റെ ബൂട്ടുകൾ തൂക്കിയിടാൻ ഒരു ദിവസം വരുമ്പോൾ എക്കാലത്തെയും മികച്ച താരങ്ങൾക്കിടയിൽ ഇടം പിടിക്കും എന്നുറപ്പാണ്.
മാൽമോ, അജാക്‌സ്, യുവന്റസ്, ഇന്റർ, ബാഴ്‌സലോണ, എസി മിലാൻ, പാരിസ് സെന്റ് ജെർമെയ്ൻ, മാഞ്ചസ്റ്റർ യുണൈറ്റഡ് എന്നിവിടങ്ങളിൽ അവിസ്മരണീയമായ പ്രകടനങ്ങൾ നടത്തിയിട്ടുള്ള ഇബ്ര യൂറോപ്പിലെ ബിഗ് ലീഗിൽ ജർമനിയിൽ മാത്രമാണ് കളിക്കാതിരുന്നത്.