ബ്രസീലിയൻ യുവ പ്രതിഭയായ വിറ്റോർ റോക്യുവാണ് ഇപ്പോൾ പ്രധാനപ്പെട്ട സംസാര വിഷയങ്ങളിൽ ഒന്ന്.അണ്ടർ 20 സൗത്ത് അമേരിക്കൻ ചാമ്പ്യൻഷിപ്പിൽ ഏവരെയും അത്ഭുതപ്പെടുത്തുന്ന പ്രകടനമാണ് ഈ 17 കാരൻ പുറത്തെടുക്കുന്നത്. ബ്രസീലിനുവേണ്ടി 6 ഗോളുകൾ നേടാൻ അദ്ദേഹത്തിന്റെ കഴിഞ്ഞിട്ടുണ്ട്.ഗോൾഡൻ ബൂട്ട് പോരാട്ടത്തിൽ അദ്ദേഹം മുന്നോട്ട് കുതിക്കുകയാണ്.
റോക്യൂവിനെ പലരും ഇപ്പോൾ ലൂയിസ് സുവാരസിന്റെ കൗമാരക്കാലത്തെ കരിയറുമായി താരതമ്യം ചെയ്തു തുടങ്ങിയിട്ടുണ്ട്.പുതിയ സുവാരസ് എന്ന വിളിപ്പേര് വരെ ഈ ബ്രസീലിയൻ വണ്ടർ കിഡിന് ലഭിച്ചു കഴിഞ്ഞിട്ടുണ്ട്.ബ്രസീലിയൻ ക്ലബ്ബായ അത്ലറ്റിക്കോ പരാനൻസിന് വേണ്ടിയാണ് ഇദ്ദേഹം കളിച്ചുകൊണ്ടിരിക്കുന്നത്.2022 ഏപ്രിൽ മാസത്തിലായിരുന്നു ക്രൂസയ്റോയിൽ നിന്നും കേവലം 4 മില്യൻ പൗണ്ടിന് താരത്തെ പരാനൻസ് സ്വന്തമാക്കിയത്.ക്ലബ്ബിന് വേണ്ടിയും മികച്ച പ്രകടനം അദ്ദേഹം പുറത്തെടുക്കുന്നുണ്ട്.ആകെ കളിച്ച 36 മത്സരങ്ങളിൽ നിന്ന് ഏഴു ഗോളുകളും മൂന്ന് അസിസ്റ്റുകളും നേടാൻ ഈ 17 വയസ്സുകാരന് കഴിഞ്ഞിട്ടുണ്ട്.
സ്പാനിഷ് ക്ലബ്ബായ എഫ്സി ബാഴ്സലോണയുടെ നമ്പർ 9 പൊസിഷനിൽ ഇപ്പോൾ റോബർട്ട് ലെവൻഡോസ്ക്കിയാണ് കളിക്കുന്നത്.അദ്ദേഹത്തിന് ഒരു ബാക്കപ്പ് എന്ന ഓപ്ഷനിൽ ബാഴ്സ ഇപ്പോൾ റോക്യുവിനെ പരിഗണിക്കുന്നുണ്ട്.അടുത്ത സീസണിൽ അദ്ദേഹത്തെ ടീമിലേക്ക് എത്തിക്കാൻ ആണ് ഇപ്പോൾ ബാഴ്സ ഉദ്ദേശിക്കുന്നത്.അതുകൊണ്ടുതന്നെ താരത്തിന് വേണ്ടി ബാഴ്സ അത്ലറ്റിക്കോ പരാനൻസ് ക്ലബ്ബിനെ സമീപിച്ച് കഴിഞ്ഞതായി ഫിഷാജസ് റിപ്പോർട്ട് ചെയ്തിട്ടുണ്ട്.
താരത്തിന്റെ കാര്യത്തിൽ ഉടൻതന്നെ കരാറിലെത്തി അടുത്ത സമ്മറിൽ ടീമിനോട് ഒപ്പം ചേർക്കാനാണ് ഇപ്പോൾ ബാഴ്സ ആഗ്രഹിക്കുന്നത്.എന്നാൽ ബാഴ്സക്ക് ഒട്ടും കാര്യങ്ങൾ എളുപ്പമാവില്ല.നേരത്തെ പിഎസ്ജിക്ക് ഈ താരത്തിൽ താല്പര്യമുണ്ടായിരുന്നു.ഇപ്പോൾ പ്രീമിയർ ലീഗ് ക്ലബ്ബുകൾ ആയ മാഞ്ചസ്റ്റർ യുണൈറ്റഡ്,ചെൽസി എന്നിവരും ഈ താരത്തിൽ താല്പര്യം പ്രകടിപ്പിച്ചിട്ടുണ്ട്.പക്ഷേ ബാഴ്സയുടെ നീക്കങ്ങൾ തന്നെയാണ് ഇപ്പോൾ മുന്നിട്ട് നിൽക്കുന്നത്.
Barcelona 'open negotiations to sign wonderkid Vitor Roque who has been dubbed 'the new Luis Suarez'https://t.co/dv6MXm7jXt
— VCP Soccer (@VCPSoccer) February 8, 2023
താരത്തിന് വേണ്ടി ചുരുങ്ങിയത് 30 മില്യൺ പൗണ്ട് എങ്കിലും ക്ലബ്ബ് ചിലവഴിക്കേണ്ടി വന്നേക്കും.52 മില്യൻ പൗണ്ട് ആണ് അദ്ദേഹത്തിന്റെ റിലീസ് ക്ലോസ്.അത്ലറ്റിക്കോ വിടാൻ താല്പര്യപ്പെടുന്നില്ലെങ്കിൽ ഈ റിലീസ് ക്ലോസ് നൽകാൻ ക്ലബ്ബ് നിർബന്ധിതരായേക്കും. തകർപ്പൻ പ്രകടനം കാഴ്ചവെക്കുന്ന ഈ 17കാരന് ഇപ്പോൾ യൂറോപ്പിൽ ആവശ്യക്കാർ ഏറെയാണ്.