ബാഴ്സലോണയിലെ ❝M.S.N❞ പിഎസ്ജിയിലെ ❝M.N.M❞ തമ്മിലുള്ള പ്രധാന വ്യത്യാസം ലയണൽ ചൂണ്ടിക്കാണിച്ച് മെസ്സി
ലയണൽ മെസ്സിയുടെ ബാഴ്സലോണയിൽ നിന്ന് പാരീസ് സെന്റ് ജർമെയ്നിലേക്കുള്ള ട്രാൻസ്ഫർ ലോകമെമ്പാടുമുള്ള ഫുട്ബോൾ ആരാധകരെ ഞെട്ടികച്ചതായിരുന്നു.ഒരു സൗജന്യ ട്രാൻസ്ഫറിലൂടെയാണ് താരം പിഎസ്ജി യിലെത്തുന്നത്.എഫ്‌സി ബാഴ്‌സലോണയുടെ എം‌എസ്‌എനും പാരീസ് സെന്റ് ജെർമെയ്‌നിന്റെ എം‌എൻ‌എം ത്രയവും തമ്മിലുള്ള വ്യത്യാസം എടുത്തു കാണിച്ചിരിക്കുകയാണ് മെസ്സി.മുൻ ബാഴ്സലോണ താരം നെയ്മറുമായി വീണ്ടും പാരിസിൽ ഒന്നിച്ച മെസ്സി നൗ ക്യാമ്പിൽ നേടിയ നേട്ടം ആവർത്തിക്കുമെന്ന പ്രതീക്ഷയിലാണ്. പാരിസിൽ ഇവർക്ക് കൂട്ടായി മൂന്നാമനായി എത്തുന്നത് യുവ താരം എംബാപ്പയാണ്.
ലീഗ് 1 ൽ മെസ്സി തന്റെ ആദ്യ ഗോൾ ഇതുവരെ രജിസ്റ്റർ ചെയ്തിട്ടില്ല, എന്നാൽ മാഞ്ചസ്റ്റർ സിറ്റിക്കെതിരായ PSG ചാമ്പ്യൻസ് ലീഗ് മത്സരത്തിൽ മെസ്സി ഗോൾ നേടിയിരുന്നു. മെസ്സി, നെയ്മർ, ലൂയിസ് സുവാരസ് എന്നീ മൂന്നുപേരുമായി താരതമ്യപ്പെടുത്തുമ്പോൾ ഈ മൂവരും എങ്ങനെ പ്രവർത്തിക്കുന്നു എന്നതാണ് പലരും കാണാൻ താൽപ്പര്യപ്പെടുന്ന ഒരു കാര്യം.ഫ്രാൻസ് ഫുട്ബോളുമായുള്ള ഒരു സംഭാഷണത്തിനിടയിൽ, സുവാരസിന്റെയും എംബാപ്പെയുടെയും കളി ശൈലിയും അവർ പരസ്പരം എങ്ങനെ വ്യത്യാസപ്പെട്ടിരിക്കുന്നു എന്നതിനെ കുറിച്ചും MNM- ഉം MSN- ഉം തമ്മിലുള്ള വ്യത്യാസവും മെസ്സി ചൂണ്ടി കാണിച്ചു.
“പ്രായമാണ് വ്യത്യാസം! നെയ്മറുമായി കളിക്കാൻ തുടങ്ങിയപ്പോൾ ഞങ്ങൾ ചെറുപ്പമായിരുന്നു ഇപ്പോൾ, യുവാവ് കൈലിയനാണ്. പിന്നെ കൈലിയനും ലൂയിസും വളരെ വ്യത്യസ്തരായ രണ്ട് കളിക്കാരാണ്. ലൂയിസ് ഒരു കംപ്ലീറ്റ് നമ്പർ 9 ആണ്, ഏക സ്‌ട്രൈക്കർ .പ്രത്യേകിച്ചും ബോക്സിൽ നിന്നും കൂടുതൽ ഗോളുകൾ നേടാൻ സാധിക്കുന്ന താരം”.”കൈലിയൻ പന്തിൽ കൂടുതൽ ഇഷ്ടപ്പെടുന്നു, അവൻ വളരെ ശക്തനും അതിവേഗ കളിക്കാരനുമാണ്. ചെറിയ സ്പേസ് ലഭിച്ചാൽ പോലും അതിൽ നിന്നും ഗോളുകൾ score ചെയ്യാൻ കഴിവുള്ള താരം കൂടിയാണ്.അവർ രണ്ടുപേരും അതിശയകരമായ കളിക്കാരാണ്, എന്നാൽ വളരെ വ്യത്യസ്തമായ ഗുണങ്ങളുള്ളവരാണ്, ”ലയണൽ മെസ്സി പറഞ്ഞു.
2021/22 സീസണിൽ പിഎസ്ജി ഇതുവരെ അസാധാരണമായിരുന്നു, കാരണം അവർ ഒൻപത് മത്സരങ്ങളിൽ നിന്ന് എട്ട് വിജയങ്ങളുമായി ലീഗ് 1 റാങ്കിംഗിൽ ഒന്നാമതെത്തി. ലീഗിലെ അവരുടെ എട്ട് ഗെയിമുകളുടെ വിജയ പരമ്പര റെന്നസിനോട് 2-0 നാണംകെട്ട തോൽവി നേരിട്ടപ്പോൾ അവസാനിപ്പിച്ചു. ആരാധകരുടെ പ്രതീക്ഷകൾക്കനുസരിച്ച് വിജയം കൈവരിക്കാൻ പിഎസ്ജി ക്ക് സാധിച്ചില്ല പ്രത്യേകിച്ച് മെസി, നെയ്മർ, എംബാപ്പെ എന്നീ മൂവരിൽ നിന്നും.അവരിൽ നിന്ന് മികച്ച പ്രകടനങ്ങൾ കാണുമെന്ന് ആരാധകർ പ്രതീക്ഷിക്കുന്നു. എംബാപ്പെക്ക് നാല് ഗോളുകളുണ്ട്, നെയ്മറും മെസ്സിയും ഒരു ഗോൾ വീതം മാത്രമാണ് നേടിയത്.