ക്രിസ്റ്റ്യാനോ റൊണാൾഡോ 2018 ൽ റയൽ മാഡ്രിഡിൽ നിന്ന് പുറത്തുപോയതോടെ ലാ ലിഗയുടെ ഗംഭീരതയും രാജകീയതയും കൂടെ പോയിരുന്നു.പോർച്ചുഗീസ് ഇന്റർനാഷണലിന്റെ പുറത്താകൽ ലാ ലിഗയുടെ മൊത്തത്തിലുള്ള ആകർഷണത്തെ വൻതോതിൽ സ്വാധീനിച്ചു. തന്റെ ഏറ്റവും വലിയ എതിരാളിയായ ലയണൽ മെസ്സി പോർച്ചുഗീസ് താരത്തിന്റെ പാദ പിന്തുടരാൻ അധിക സമയം വേണ്ടിവന്നില്ല, കഴിഞ്ഞ വേനൽക്കാലത്ത് അർജന്റീനക്കാരൻ പാരീസ് സെന്റ് ജെർമെയ്‌നിൽ ചേർന്നു.
ഇപ്പോൾ റോബർട്ട് ലെവൻഡോസ്‌കിയെ സൈനിംഗ് ചെയ്യുന്നതായി ബാഴ്സലോണ പ്രഖ്യാപിച്ചപ്പോൾ സ്പാനിഷ് ടോപ്പ് ലീഗിന് ശുദ്ധവായു ലഭിചിരിക്കുകയാണ്.33 കാരനായ ബയേൺ മ്യൂണിക്കിൽ നിന്ന് 45 മില്യൺ + 5 മില്യൺ യൂറോ വിലമതിക്കുന്ന ഒരു കരാറിൽ ഒപ്പുവച്ചു.പ്രതിവർഷം 9 മില്യൺ യൂറോയുടെ നാല് വർഷത്തെ കരാർ ആണ് ഒപ്പിട്ടത്.ലോകത്തിലെ ഏറ്റവും മികച്ച കളിക്കാരിൽ ഒരാളായും ഏറ്റവും മികച്ച സ്‌ട്രൈക്കറിൽ ഒരാളായും കണക്കാക്കുന്ന ലെവൻഡോവ്‌സ്‌കിയുടെ പ്രശസ്തിയും കളി മികവും ബാഴ്‌സലോണക്ക് വരുന്ന സീസണിൽ വലിയ മുൻ തൂക്കം നൽകും. മെസ്സിയുടെ വലിയ അഭാവം ഒരു പരിധി വരെ പോളിഷ് സ്‌ട്രൈക്കർ നികത്തും.
ലാ ലിഗയുടെ വീക്ഷണകോണിൽ ലെവൻഡോസ്‌കിയുടെ കാറ്റലോണിയയിലേക്കുള്ള വരവ് മുന്നേറ്റ നിരയിൽ മത്സരത്തിന്റെ പുനരുജ്ജീവനത്തിന് തിരികൊളുത്തിയേക്കാം. ലെവൻഡോവ്‌സ്‌കിയുടെയും കരീം ബെൻസേമയുടെയും രൂപത്തിലുള്ള പ്രായമായ രണ്ട് സ്‌ട്രൈക്കർമാരുടെ പോരാട്ടമായിരിക്കും ഇത്തവണ നടക്കുക.റൊണാൾഡോയുടെ വിടവാങ്ങൽ മുതൽ റയൽ മാഡ്രിഡിന്റെ മുൻനിരയിലെ അനിഷേധ്യ നേതാവാണ് ബെൻസെമ. വാസ്തവത്തിൽ പോർച്ചുഗീസ് ഐക്കണിന്റെ എക്സിറ്റ് ഗുണമായി തീർന്നത് ഫ്രഞ്ച് താരത്തിനാണ്.റൊണാൾഡോ പൊയു്അതിനു ശേഷം വെറ്ററൻ ലാ ലീഗയിൽ നാല് സീസണുകളിലായി 92 ഗോളുകൾ നേടി.റ്റേതൊരു കളിക്കാരനേക്കാളും വളരെ കൂടുതലാണ്.
കഴിഞ്ഞ സീസണിൽ ചാമ്പ്യൻസ് ലീഗിലും ലാലിഗയിലും റയൽ മാഡ്രിഡിനെ വിജയിപ്പിക്കുന്നതിൽ ബെൻസിമയുടെ പ്രകടനങ്ങൾ നിർണായകമായിരുന്നു. 2022/23 സീസണിലേക്ക് കടക്കുമ്പോൾ ലെവൻഡോവ്‌സ്‌കി നയിക്കുന്ന ബാഴ്സലോണ ആക്രമണത്തിനെതിരെ ഫ്രഞ്ചുകാരൻ കടുത്ത പോരാട്ടത്തെ അഭിമുഖീകരിക്കാൻ ഒരുങ്ങുകയാണ്.പോളിഷ് ഇന്റർനാഷണൽ താരം ബുണ്ടസ്‌ലിഗയിലെ അവസാന മൂന്ന് സീസണുകളിലും 30 ഗോളുകൾ വീതം നേടിയിട്ടുണ്ട്. 2021/22 കാമ്പെയ്‌നിനിടെ ഗെർഡ് മുള്ളറുടെ 40 ഗോളുകളുടെ റെക്കോർഡ് അദ്ദേഹം തകർത്തു, എന്നിരുന്നാലും ബാലൺ ഡി ഓർ കിരീടം നഷ്‌ടമായതിൽ ഫോർവേഡ് നിരാശനായിരുന്നു.
ബുണ്ടസ്‌ലിഗയിലെ തന്റെ നേട്ടങ്ങൾക്ക് പുറമേ ലയണൽ മെസ്സിയെയും ക്രിസ്റ്റ്യാനോ റൊണാൾഡോയെയും അപേക്ഷിച്ച് ചാമ്പ്യൻസ് ലീഗിൽ നിലവിൽ ലെവൻഡോവ്‌സ്‌കി ഓരോ ഗെയിം ഗോൾ അനുപാതത്തിലും മുന്നിലാണ്.ക്വാർട്ടർ ഫൈനലിൽ ബയേൺ പുറത്തായെങ്കിലും കഴിഞ്ഞ സീസണിൽ അദ്ദേഹം 13 ഗോളുകൾ നേടി.ബെൻസെമയും ചാമ്പ്യൻസ് ലീഗിൽ മികച്ച പ്രകടനം കാഴ്ചവച്ചു.നിലവിൽ ചാമ്പ്യൻസ് ലീഗിലെ എക്കാലത്തെയും ഗോൾ സ്‌കോറർമാരുടെ പട്ടികയിൽ ലെവൻഡോവ്‌സ്‌കിയുമായി ബെൻസേമ ഒപ്പത്തിനൊപ്പമാണ്.ഇരുവരും 86 തവണ വലകുലുക്കി.
ബാഴ്‌സലോണയെയും റയൽ മാഡ്രിഡിനെയും യൂറോപ്യൻ ഫുട്‌ബോളിന്റെ നെറുകയിലേക്ക് ഇരുവരും തിരികെ കൊണ്ടുപോകുമ്പോൾ തന്നെ ലാലിഗയുടെ കിരീടപ്പോരാട്ടത്തിലേക്ക് വീണ്ടും ജീവൻ വെച്ചിരിക്കുകയാണ്. ല ലീഗയുടെ പഴയ പ്രതാപം വീണ്ടെടുക്കാൻ ഇരു താരങ്ങൾക്കും സാധിക്കുമോ എന്ന് കണ്ടറിഞ്ഞു കാണാം.