2022-ൽ ഖത്തറിൽ നടക്കുന്ന ലോകകപ്പ് ബെൽജിയത്തിന്റെ “സുവർണ്ണ തലമുറ”ക്ക് തങ്ങളുടെ കഴിവ് തെളിയിക്കുനന്തിനുള്ള അവസാന അവസരമായാണ് കണക്കാക്കുന്നത്.ലോകകപ്പിനുള്ള ബെൽജിയം 26 അംഗ ടീമിനെ ഇന്ന് പരിശീലകൻ റോബർട്ടോ മാർട്ടിനെസ് പ്രഖ്യാപിക്കുകയും ചെയ്തു.
ഈ സീസണിൽ ഇന്റർ മിലാന് വേണ്ടി അഞ്ച് മത്സരങ്ങൾ മാത്രം കളിച്ച റൊമേലു ലുക്കാക്കുവിനെ ടീമിൽ തെരഞ്ഞെടുത്തു.68 ഗോളുകളുമായി ദേശീയ ടീമിന്റെ റെക്കോർഡ് സ്‌കോററായ ലുക്കാക്കു പരിക്ക് മൂലം പുറത്താണ്. ചെൽസിയിൽ നിന്ന് ലോണിൽ ചേർന്നതിന് ശേഷം രണ്ടാം സ്പെല്ലിലാണ് ലുക്കാക്കുവിന് സീസണിന്റെ തുടക്കത്തിൽ ഹാംസ്ട്രിംഗ് പരിക്ക് കാരണം രണ്ട് മാസം നഷ്ടമായത്.തുടർന്ന് ഇന്ററിലേക്കുള്ള തിരിച്ചുവരവിൽ രണ്ട് ഗെയിമുകൾ തുടയ്ക്ക് പരിക്ക് പറ്റിയതോടെ നഷ്ടമായി.മാഞ്ചസ്റ്റർ സിറ്റി താരം കെവിൻ ഡി ബ്രൂയ്ൻ, റയൽ മാഡ്രിഡ് താരങ്ങളായ ഈഡൻ ഹസാർഡ്, തിബോ ക്വാർട്ടുവ എന്നീ പ്രധാന കളിക്കാരെല്ലാം ടീമിലിടം നേടിയിട്ടുണ്ട്.
കാനഡ, മൊറോക്കോ, ക്രൊയേഷ്യ എന്നിവർക്കൊപ്പം ഗ്രൂപ്പ് എഫിലാണ് ബെൽജിയം. നിൽവിൽ ലോക റാങ്കിങ്ങിൽ രണ്ടാം സ്ഥാനത്താണ് ബെൽജിയം.ഈ ടീം ആക്രമണത്തിൽ ആഴമേറിയതും അപകടകരവുമാണ്, എന്നാൽ ടീമുകൾക്ക് മുതലെടുക്കാൻ കഴിയുന്ന നിരവധി ബലഹീനതകൾ അവർക്ക് ഉണ്ട്. എന്നിരുന്നാലും, തന്റെ കളിക്കാരെ വിജയിക്കാൻ ഏറ്റവും മികച്ച സ്ഥാനത്ത് നിർത്തിക്കൊണ്ട് അവരെ എങ്ങനെ പരമാവധി ചൂഷണം ചെയ്യാമെന്ന് അറിയാവുന്ന ഒരു മികച്ച പരിശീലകനാണ് മാർട്ടിനെസ്.മുൻ ടൂർണമെന്റുകളിലേതു പോലെ ഏറ്റവും ശക്തമായ നിരയാണ് ഇത്തവണ ബെൽജിയത്തിനുള്ളതെന്ന് പറയാൻ കഴിയില്ലെങ്കിലും ഏതു ടീമിനെയും തകർക്കാനുള്ള കരുത്ത് അവർക്കുണ്ട്. പ്രതിരോധമാണ് ടീമിന്റെ പ്രധാന ദൗർബല്യം.
Official. Here’s Belgium squad for the World Cup 🚨🇧🇪 #WorldCup2022
— Fabrizio Romano (@FabrizioRomano) November 10, 2022
Lukaku, De Ketelaere, Mertens and Trossard in. Divock Origi, out. pic.twitter.com/EVzMwemyGN
ഗോൾകീപ്പർമാർ: കോയിൻ കാസ്റ്റീൽസ് (വുൾഫ്സ്ബർഗ്), തിബോട്ട് കോർട്ടോയിസ് (റിയൽ മാഡ്രിഡ്), സൈമൺ മിഗ്നോലെറ്റ് (ക്ലബ് ബ്രൂഗ്).
ഡിഫൻഡർമാർ: ടോബി ആൽഡർവെയ്‌ൽഡ് (റോയൽ ആന്റ്‌വെർപ്പ്), സെനോ ഡിബാസ്റ്റ് (ആൻഡെർലെക്റ്റ്), ലിയാൻഡർ ഡെൻഡോങ്കർ (ആസ്റ്റൺ വില്ല), വൗട്ട് ഫെയ്സ് (ലീസെസ്റ്റർ), ആർതർ തിയേറ്റ് (റെന്നസ്), ജാൻ വെർട്ടോംഗൻ (ബെൻഫിക്ക), തോമസ് മ്യൂണിയർ (ബൊറൂസിയ ഡോർട്ട്മുണ്ട്), ടിമോ ഡോർട്ട്മുണ്ട് ലെസ്റ്റർ)
മിഡ്ഫീൽഡർമാർ: കെവിൻ ഡി ബ്രൂയ്ൻ (മാഞ്ചസ്റ്റർ സിറ്റി), അമാഡൗ ഒനാന (എവർട്ടൺ), യൂറി ടൈലിമാൻസ് (ബെൽജിയം), ഹാൻസ് വനാകെൻ (ക്ലബ് ബ്രൂഗ്), ആക്സൽ വിറ്റ്സെൽ (ബൊറൂസിയ ഡോർട്ട്മുണ്ട്), യാനിക്ക് കരാസ്കോ (അത്ലറ്റിക്കോ മാഡ്രിഡ്), തോർഗൻ ഹസാർഡ് (ബൊറൂസ്)
ഫോർവേഡ്‌സ്: മിച്ചി ബാറ്റ്‌ഷുവായി (ഫെനർബാഷ്), ചാൾസ് ഡി കെറ്റെലറെ (എസി മിലാൻ), ജെറമി ഡോകു (റെന്നസ്), ഈഡൻ ഹസാർഡ് (റിയൽ മാഡ്രിഡ്), റൊമേലു ലുക്കാക്കു (ഇന്റർ മിലാൻ), ഡ്രൈസ് മെർട്ടൻസ് (ഗലറ്റാസറേ), ലോയിസ് ഓപ്പൻഡ (ലെൻസ്), ലിയാൻഡ്രോ ട്രോസാർഡ് (ബ്രൈടൺ)