ലോക ഫുട്ബോൾ ചരിത്രത്തിൽ തന്നെ എക്കാലത്തെയും മികച്ച ഡിഫൻഡർമാരിൽ ഒരാളായിക്കൊണ്ട് കണക്കാക്കപ്പെടുന്ന താരമാണ് ഇതിഹാസതാരം പൗലോ മാൾഡീനി. തന്റെ കരിയർ മുഴുവനും എസി മിലാനിൽ ചിലവഴിച്ച ഈ ഡിഫൻഡർ ഒരുപാട് കാലം ഇറ്റലിയുടെ ദേശീയ ടീമിന്റെ പ്രതിരോധനിരയിലും ഉണ്ടായിരുന്നു. ഇപ്പോൾ എസി മിലാന്റെ ടെക്നിക്കൽ ഡയറക്ടർ ആയിക്കൊണ്ടാണ് ഇദ്ദേഹം വർക്ക് ചെയ്യുന്നത്.
ലോക ഫുട്ബോളിലെ ഒട്ടേറെ മുന്നേറ്റ നിര താരങ്ങൾ പ്രശംസിച്ചിട്ടുള്ള ഒരു ഡിഫൻഡറാണ് മാൾഡീനി.ആ മാൾഡീനി തന്നെ ഇപ്പോൾ പറയുകയാണ് തന്റെ ജീവിതത്തിൽ കണ്ട ഏറ്റവും മികച്ച താരങ്ങളിൽ ഒരാളാണ് ലയണൽ മെസ്സി എന്ന്.മറഡോണ, ബ്രസീലിയൻ റൊണാൾഡോ എന്നിവരെയാണ് മറ്റുള്ള താരങ്ങളായി കൊണ്ട് ഇപ്പോൾ മാൾഡീനി ഉൾപ്പെടുത്തിയിരിക്കുന്നത്.
‘ ഞാൻ ഇതുവരെ കണ്ടിട്ടുള്ള ഏറ്റവും മികച്ച താരങ്ങൾ അത് ലയണൽ മെസ്സിയും മറഡോണയും ബ്രസീലിയൻ റൊണാൾഡോയുമാണ് ‘ ഇതാണ് മാൾഡീനി പറഞ്ഞിട്ടുള്ളത്.ഇതിൽ മറഡോണ, റൊണാൾഡോ നസാരിയോ എന്നിവരെ നേരിട്ട് പരിചയമുള്ള താരമാണ് മാൾഡീനി.എന്നാൽ മെസ്സിയെ ഇദ്ദേഹം അഭിമുഖീകരിച്ചിട്ടില്ല. മെസ്സിക്കെതിരെ കളിക്കേണ്ട ഒരു മത്സരം കരിയറിൽ വന്നപ്പോൾ മാൾഡീനി പരിക്ക് മൂലം പുറത്തിരിക്കുകയായിരുന്നു.മെസ്സിയെ നേരിടേണ്ടി വരാത്തതിൽ അദ്ദേഹം പിന്നീട് ആ പരിക്കിന്റെ കാര്യത്തിൽ ദൈവത്തോട് നന്ദി പറയുന്നതും ഒരു അഭിമുഖത്തിൽ നാം കണ്ടിരുന്നു.
❗️🇮🇹 Paolo Maldini to @dazngroup: “Best players i’ve ever seen are Messi, Maradona and Brazilian Ronaldo.” 🇦🇷🇧🇷 pic.twitter.com/HUWPcZnj72
— All About Argentina 🛎🇦🇷 (@AlbicelesteTalk) September 22, 2022
35കാരനായ മെസ്സിയെ ലോക ഫുട്ബോളിലെ ഒട്ടുമിക്ക പ്രതിരോധനിരക്കാനും പ്രശംസിച്ചിട്ടുണ്ട്. നേരിട്ടതിൽ വെച്ച് ഏറ്റവും കടുത്ത എതിരാളിയായി കൊണ്ട് പലരും കണക്കാക്കുന്നത് ലയണൽ മെസ്സിയെയാണ്. ഈ സീസണിലും ഇപ്പോൾ മെസ്സി തന്നെ മികവ് തുടരുകയാണ്. വരുന്ന ഖത്തർ വേൾഡ് കപ്പിലാണ് ലയണൽ മെസ്സിക്ക് ഇനി ഒരുപാട് കാര്യങ്ങൾ ചെയ്യാനുള്ളത്.