ഇന്നലെ നടന്ന ഇന്ത്യൻ സൂപ്പർ ലീഗ് പ്ലെ ഓഫിൽ റഫറിയിങ് പിഴവ് മൂലം മത്സരം പാതിവഴിയിൽ അവസാനിപ്പിച്ചിരുന്നു കേരള ബ്ലാസ്റ്റേഴ്സ്. പ്ലേ ഓഫിൽ അധിക സമയംവരെ പോരാടിയ ബ്ലാസ്‌റ്റേഴ്‌സിനെതിരെ ബംഗളൂരു നേടിയ ഗോൾ വിവാദമായതോടെയാണ് ബ്ലാസ്റ്റേഴ്സ് മത്സരം പൂർത്തിയാക്കാതെ കളം വിട്ടത്. സുനിൽ ഛേത്രിയാണ്‌ അധിക സമയത്തിന്റെ ആദ്യപകുതിയിൽ ബംഗളൂരുവിനായി ഗോളടിച്ചത്‌. ഇത് കേരള ബ്ലാസ്റ്റേഴ്സ് ചോദ്യം ചെയ്തെങ്കിലും റഫറി തീരുമാനത്തിൽ ഉറച്ച് നിന്നതോടെ കേരള ബ്ലാസ്റ്റേഴ്സ് മുഖ്യ പരിശീലകൻ ഇവാൻ വുകോമനോവിച്ച് താരങ്ങളെ മൈതാനത്ത് നിന്ന് പിൻവലിക്കുകയായിരുന്നു.
97-ാം മിനിറ്റിൽ ഇന്ത്യൻ ക്യാപ്റ്റൻ ഫ്രീകിക്ക് ഗോളാക്കി മാറ്റിയപ്പോൾ ബെംഗളൂരു എഫ്‌സി ലീഡ് നേടി.എന്നാൽ ഛേത്രി കിക്കെടുക്കുന്നതിന് മുമ്പ് വിസിൽ അടിച്ചില്ലെന്നും കളിക്കാർ തയ്യാറായില്ലെന്നും എതിർവാദത്തോടെ, ഇത് നിയമാനുസൃതമായ ഗോളായി പ്രഖ്യാപിക്കാനുള്ള റഫറി തീരുമാനത്തിൽ അഡ്രിയാൻ ലൂണയുടെ നേതൃത്വത്തിലുള്ള സംഘം പ്രതിഷേധിച്ചതോടെ മത്സരം നാടകീയതയിലേക്ക് നീങ്ങി.സെർബിയൻ പരിശീലകൻ ഇവാൻ വുകോമാനോവിച്ച് തന്റെ കളിക്കാരെ തിരികെ വിളിക്കുകയും ചെയ്തു.ലൂണ തന്റെ ക്യാപ്റ്റന്റെ ആം-ബാൻഡ് അഴിച്ചുമാറ്റുകയും കളിക്കാർ ക്യാപ്ടന്റെയും പരിശീലന്റെയും നിർദേശം പാലിക്കുകയും ചെയ്തു.എക്‌സ്‌ട്രാ ടൈമിലെ ഗോളിന്റെ ബലത്തിൽ ബെംഗളൂരു എഫ്‌സിയെ വിജയികളായി പ്രഖ്യാപിച്ചു.
ഇതിന്റെ പേരിൽ പേരില്‍ ബ്ലാസ്റ്റേഴ്സിനെ കാത്ത് വലിയ നടപടി ഉണ്ടാകുമെന്ന് ഉറപ്പാണ്.ഒന്നുകില്‍ ബ്ലാസ്റ്റേഴ്സിനെ നിശ്ചിത കളികളില്‍ നിന്നും വിലക്കും. ഇന്ത്യയിലെ ഏറ്റവും വലിയ ഫാന്‍ബേസ് ഉള്ള ടീമെന്ന നിലയില്‍ ഇത്തരത്തിലൊരു കടുത്ത നടപടി എടുക്കുന്നത് ഇന്ത്യന്‍ ഫുട്‌ബോളിനു ഗുണമാകില്ല. ലീഗിനെയും അതു ബാധിക്കും.കേരള ബ്ലാസ്റ്റേഴ്സിന് സസ്പെൻഷൻ ലഭിക്കാനോ പോയിന്റ് കുറക്കാനോ സാധ്യതയുണ്ട്.ഈ വിഷയത്തിൽ അന്വേഷണവും വാദവും നടന്നതിനു ശേഷം ആകും അച്ചടക്ക കമ്മിറ്റി നടപടി പ്രഖ്യാപിക്കുക.
അങ്ങനെ സംഭവിക്കുക ആണെങ്കിൽ അത് ക്ലബിന് വലിയ തിരിച്ചടിയാകും. ഐഎസ്എൽ അധികൃതരിൽ നിന്ന് കനത്ത ഉപരോധം നേരിടേണ്ടി വരുമെന്നുറപ്പാണ്. 2012ലെ ഐ-ലീഗിലെ കൊൽക്കത്ത ഡെർബിയ്‌ക്കിടെ മോഹൻ ബഗാൻ മൈതാനത്ത് ഈസ്റ്റ് ബംഗാൾ സ്റ്റാൻഡിൽ നിന്ന് കാണികൾ അവരുടെ വിങ്ങർ സയ്യിദ് റഹീം നബിക്ക് നേരെ കല്ലെറിഞ്ഞതിനെത്തുടർന്ന് ഇത്തരമൊരു സംഭവം മുമ്പ് കണ്ടിരുന്നു.