കോപ്പ ലിബർട്ടഡോസിൽ ബ്രസീലിയൻ ക്ലബ്ബുകളുടെ ആധിപത്യം| Copa Libertadores

കോപ്പ ലിബർട്ടഡോസിൽ തുടർച്ചയായി നാലാമത്തെ ഓൾ-ബ്രസീൽ ഫൈനൽ തടയാൻ കഴിയുന്ന ഏക ടീമാണ് അർജന്റീനയുടെ ബൊക്ക ജൂനിയേഴ്‌സ്. 2020ലും 2021 ലും ടൂർണമെന്റിലെ ജേതാക്കളായ പാൽമിറാസ് ആയിരിക്കും സെമി ഫൈനലിൽ ബൊക്കയുടെ എതിരാളികൾ. ബ്രസീലിയൻ ക്ലബ്ബുകളായ ഇന്റർനാഷണലും ഫ്ലുമിനെൻസും തമ്മിലുള്ള മത്സരമാണ് മറ്റൊരു സെമിഫൈനൽ.

ബുധനാഴ്ച നടന്ന ക്വാർട്ടർ മത്സരത്തിൽ അർജന്റീനിയൻ ക്ലബായ റേസിംഗിനെതിരെ പെനാൽറ്റി ഷൂട്ട് ഔട്ടിൽ കീഴടക്കിയാണ് ബൊക്ക സെമിയിലേക്ക് മുന്നേറിയത്. മത്സരത്തിലെ രണ്ടു പാദവും ഗോൾ രഹിത സമനിലയിൽ അവസാനിച്ചതോടെയാണ് ഷൂട്ട് ഔട്ടിലേക്ക് കടന്നത്.കൊളംബിയയുടെ ഡിപോർട്ടീവോ പെരേരയോട് ഗോൾ രഹിത സമനില വഴങ്ങിയതിന് ശേഷം പാൽമീറസ് അവസാന നാലിൽ ഇടം നേടി.

ആദ്യ പാദം 4-0ന് ബ്രസീലിയൻ ക്ലബ് വിജയിച്ചിരുന്നു. മറ്റൊരു ക്വാർട്ടറിൽ പോർട്ടോ അലെഗ്രെയിൽ ഇക്വഡോർ ഇന്റർനാഷണൽ എന്നെർ വലൻസിയയുടെ രണ്ട് ഗോളുകൾക്ക് ഇന്റർനാഷണൽ ബൊളിവറിനെ 2-0 ന് പരാജയപ്പെടുത്തി. ലാപാസിൽ നടന്ന ആദ്യപാദത്തിൽ ബ്രസീൽ ടീം 1-0ന് ജയിച്ചിരുന്നു.

കോപ്പ ലിബർട്ടഡോർസിൽ ഇതുവരെ വിജയിക്കാത്ത ഏക സെമിഫൈനലിസ്റ്റായ ഫ്ലുമിനെൻസ് അസുൻസിയോണിൽ നടന്ന രണ്ടാം പഥത്തിൽ പരാഗ്വേയുടെ ഒളിമ്പിയയെ 3-1 ന് പരാജയപ്പെടുത്തി.എവേ വിജയം റിയോ ആസ്ഥാനമായുള്ള ടീമിന് മൊത്തം 5-1 ജയം നൽകി.2020, 2021 കോപ്പ ലിബർട്ടഡോർസ് കിരീടങ്ങൾ സാന്റോസിനെയും ഫ്ലെമെംഗോയെയും പരാജയപ്പെടുത്തിയാണ് പാൽമിറാസ് കിരീടം നേടിയത്.