❝ഖത്തർ ലോകകപ്പിനുള്ള ഫേവറിറ്റുകളിൽ ബ്രസീലിനെയും ഫ്രാൻസിനെയും ഉൾപ്പെടുത്തി ലിയാൻഡ്രോ പരേഡെസ്❞ |Qatar 2022

ഈ വർഷം അവസാനം ഖത്തറിൽ നടക്കുന്ന 2022 FIFA ലോകകപ്പിനുള്ള തന്റെ നാല് ഫേവറിറ്റുകളായി ബ്രസീൽ, ഫ്രാൻസ്, ഇംഗ്ലണ്ട്, സ്പെയിൻ എന്നീ ടീമുകളെ അർജന്റീനയുടെ മിഡ്ഫീൽഡർ ലിയാൻഡ്രോ പരേഡസ് തിരഞ്ഞെടുത്തു.ജർമ്മനി ഒരു ശക്തിയായി മാറാൻ സാധ്യതയുണ്ടെന്നും പിഎസ്ജി മിഡ്ഫീൽഡർ പറഞ്ഞു.27 കാരനായ മിഡ്ഫീൽഡർ ലോകകപ്പിൽ ലോകത്തിലെ ഏറ്റവും മികച്ച ടീമുകളെ നേരിടാൻ കാത്തിരിക്കുകയാണ്.

“എന്നെ സംബന്ധിച്ചിടത്തോളം വളരെ നല്ല ചില ദേശീയ ടീമുകളുണ്ട്. ഫ്രാൻസ് ഫേവറിറ്റാണെന്നു ഞാൻ വിശ്വസിക്കുന്നു.ബ്രസീലും ഇംഗ്ലണ്ടും സ്‌പെയിനും നന്നായി കളിക്കുന്നു. ജർമ്മനി എല്ലായ്‌പ്പോഴും എന്നപോലെ എല്ലാവരുടെയും മുകളിൽ നിൽക്കാൻ പോരാടുന്നു.മികച്ചവരുമായി കളിക്കാനാണ് എനിക്കിഷ്ടം. തീർച്ചയായും ഇത് വളരെ ബുദ്ധിമുട്ടായിരിക്കും. പക്ഷേ ലോകകപ്പ് പോലെ പ്രധാനപ്പെട്ട ഒന്നിൽ ചാമ്പ്യനാകാൻ തീർച്ചയായും എല്ലാവരോടും ജയിക്കണം”ഫിലോ ന്യൂസിന് നൽകിയ അഭിമുഖത്തിൽ (മുണ്ടോ ആൽബിസെലെസ്റ്റെ വഴി) പരേഡസ് പറഞ്ഞു.

2022-ൽ ഖത്തറിൽ നടക്കാനിരിക്കുന്ന ഫിഫ ലോകകപ്പ് മേൽപ്പറഞ്ഞ ടീമുകൾ തമ്മിലുള്ള അടുത്ത പോരാട്ടമായിരിക്കും. 1962-ൽ ബ്രസീലിന് ശേഷം കിരീടം നിലനിർത്തുന്ന ആദ്യ ടീമായി മാറാനാണ് ഫ്രാൻസ് നിലവിലെ ചാമ്പ്യൻമാരായി ടൂർണമെന്റിൽ ഇറങ്ങുന്നത്.അതേസമയം, മികച്ച ഫോമിലാണ് അർജന്റീന ഖത്തറിലേക്ക് പോകുന്നത്.

രണ്ട് തവണ ലോക ചാമ്പ്യൻമാരായ അവർ കഴിഞ്ഞ വേനൽക്കാലത്ത് കോപ്പ അമേരിക്ക നേടി, ഈ മാസം ആദ്യം നടന്ന 2022 ഫൈനൽസിമയിൽ ഇറ്റലിയെ പരാജയപ്പെടുത്തി. നിലവിൽ 33 മത്സരങ്ങളിൽ അപരാജിത കുതിപ്പിലാണ് ആൽബിസെലെസ്റ്റെ.അവരുടെ ചിരവൈരികളായ ബ്രസീലിനും 2022 ഫിഫ ലോകകപ്പിൽ വെല്ലുവിളി ഉയർത്താൻ കഴിവുള്ള ഒരു മികച്ച ടീമുണ്ട്. നെയ്മർ, മാർക്വീഞ്ഞോസ്, ഫാബിഞ്ഞോ തുടങ്ങിയ താരങ്ങൾ സെലെക്കാവോയുടെ നിരയിലുണ്ട്.

സൗദി അറേബ്യ, മെക്സിക്കോ, പോളണ്ട് എന്നിവർ അണിനിരക്കുന്ന ഗ്രൂപ്പിലാണ് ബ്രസീലിന്റെ സ്ഥാനം.ആധുനിക ഗെയിമിലെ ഏറ്റവും മാരകമായ ഫോർവേഡുകളിൽ ഒരാളായ റോബർട്ട് ലെവൻഡോവ്‌സ്‌കിയെയും കഴിഞ്ഞ ഏഴ് ലോകകപ്പ് മത്സരങ്ങളിൽ റൗണ്ട് ഓഫ് 16 ൽ ഇടം നേടിയ മെക്സിക്കോയെയും അര്ജന്റീന നേരിടണം.ർജന്റീന അവരുടെ ഫിഫ ലോകകപ്പ് കാമ്പെയ്‌ൻ സൗദി അറേബ്യയ്‌ക്കെതിരെ നവംബർ 22 ന് ലുസൈലിൽ ആരംഭിക്കും.