❝യുവതാരങ്ങളുടെ പ്രകടനം ഖത്തർ വേൾഡ് കപ്പിൽ ബ്രസീലിയൻ ടീമിൽ നിർണായകമാകും❞|Brazil
20 വർഷമായി നീണ്ടു നിൽക്കുന്ന കാത്തിരിപ്പ് അവസാനിപ്പിക്കാനാണ് ബ്രസീൽ ഖത്തറിൽ എത്തുന്നത്.2002 ൽ കിരീടം നേടിയതിനു ശേഷം അവർക്ക് ഫൈനലിലെത്താൻ പോലും സാധിച്ചിട്ടില്ല.കഴിഞ്ഞ സീസണിൽ യൂറോപ്യൻ ഫുട്‌ബോളിൽ മികച്ച പ്രകടനം കാഴ്ചവെച്ച യുവ താരങ്ങളുടെ ഉയർച്ചയിൽ ബ്രസീൽ മാനേജർ ടൈറ്റ് ആവേശഭരിതനാണ്.നവംബറിൽ ഖത്തറിൽ നടക്കുന്ന ലോകകപ്പിൽ ആറാം കിരീടം നേടാനുള്ള ഒരുക്കത്തിലാണ് ബ്രസീൽ ടീം.
യുവ താരങ്ങളുടെ മികച്ച ഫോം ബ്രസിലിന്റെ കിരീട സ്വപ്നങ്ങൾക്ക് കൂടുതൽ ശക്തിയേകും.പുതിയ തലമുറയിലെ പ്രതിഭകളിൽ റയൽ മാഡ്രിഡ് താരങ്ങളായ ബാഴ്സലോണ മാർക്വീ സൈനിംഗ് റാഫിൻഹ, ടോട്ടൻഹാം ഹോട്സ്പറിന്റെ പുതിയ സ്ട്രൈക്കർ റിച്ചാർലിസൺ, ന്യൂകാസിൽ യുണൈറ്റഡിന്റെ ഓൾ-പർപ്പസ് മിഡ്ഫീൽഡർ ബ്രൂണോ ഗുയിമാരസ്,അജാക്‌സ് ആംസ്റ്റർഡാമിന്റെ ഇലക്‌ട്രിഫൈയിംഗ് വിംഗർ ആന്റണിയും അത്‌ലറ്റിക്കോ മാഡ്രിഡിന്റെ ഫോർവേഡ് മാത്യൂസ് കുൻഹയും മികച്ച ഫോമിലാണ്.
കരിയറിൽ തന്റെ തലമുറയിലെ ബ്രസീലിയൻ സൂപ്പർസ്റ്റാറായി ഭാരം വഹിച്ച പാരീസ് സെന്റ് ജെർമെയ്ൻ ഫോർവേഡ് നെയ്മറിന്റെ (30) സമ്മർദ്ദം കുറയ്ക്കുമെന്ന് ടിറ്റെ വിശ്വസിക്കുന്നു.“ഈ യുവ കളിക്കാരുടെ വരവ് നെയ്‌മറിന് പിച്ചിലും പുറത്തും നല്ലതായിരിക്കുമെന്ന് എനിക്ക് തോന്നുന്നു, പുതിയ തന്റെ പുതിയ ടീമംഗങ്ങളെക്കുറിച്ച് നെയ്മർ മതിപ്പുളവാക്കിയെന്നും “ടിറ്റെ റോയിട്ടേഴ്‌സിന് നൽകിയ അഭിമുഖത്തിൽ പറഞ്ഞു. യുവ താരങ്ങൾ കഴിവുള്ളവരാണെന്നും അവരിൽ ആരെ കളത്തിലിറക്കും എന്നത് വലിയ തലവേദനയാണെന്നും കഴിഞ്ഞ ദിവസം നെയ്മർ പറഞ്ഞതായി ടിറ്റെ വെളിപ്പെടുത്തി.
മികച്ച സാങ്കേതിക ശേഷിയുള്ള മറ്റ് കളിക്കാർ ഉള്ളപ്പോൾ, ഞങ്ങളുടെ എതിരാളികളുടെ ശ്രദ്ധ നെയ്മറിൽ നിന്നും മറ്റു കളിക്കാരിലേക്ക് മാറുന്നു. ഇത് സൂപ്പർ താരത്തിൽ മേലുള്ള സമ്മർദം കുറയുമെന്ന് അദ്ദേഹം കൂട്ടിച്ചർത്തു. യുവ താരങ്ങളെ മുന്നിൽ നിർത്തി നെയ്മറെ സെൻട്രൽ റോളിൽ ഉപയോഗിക്കുമെന്ന് പ്രതീക്ഷിക്കുന്നതായി ടിറ്റെ പറഞ്ഞു.1982 ലും 1986 ലും ടെലി സാന്റാനയ്ക്ക് ശേഷം തുടർച്ചയായി രണ്ട് ടൂർണമെന്റുകളിൽ ബ്രസീലിനെ പരിശീലിപ്പിക്കുന്ന ആദ്യത്തെ മാനേജരാണ് ടിറ്റെ. നാല് വർഷം മുമ്പ് റഷ്യയിൽ ഉണ്ടായിരുന്നതിനേക്കാൾ മികച്ച പരിശീലകനാണ് എന്ന ആത്മവിശ്വാസമുണ്ടെന്നും അദ്ദേഹം പറഞ്ഞു.