യുവ താരങ്ങളുടെ പിൻബലത്തിൽ ഖത്തറിൽ കിരീടമുയർത്താൻ ബ്രസീൽ|Qatar 2022 |Brazil
ഖത്തർ ലോകകപ്പ് നേടാൻ ഏറ്റവും കൂടുതൽ സാധ്യത കൽപ്പിക്കപ്പെടുന്ന ടീമുകളിൽ ഒന്നാണ് അഞ്ചു തവണ ചാമ്പ്യന്മാരായ ബ്രസീൽ. 2002 ൽ നേടിയ അഞ്ചാം കിരീടത്തിനു ശേഷം 2022 ആറാം കിരീടം നേടാൻ ഉറച്ചു തന്നെയാണ് നെയ്മറും സംഘവും ഇറങ്ങുന്നത്. യുവ പ്രതിഭകൾ നിറഞ്ഞ മികച്ചൊരു ടീമുമായിട്ടാണ് ബ്രസീൽ ഇത്തവണ വേൾഡ് കപ്പിനെത്തുന്നത്.
കൂടാതെ ബ്രസീലിന്റെ പ്രധാന താരങ്ങളെല്ലാം മികച്ച ഫോമിലുമാണ്. ലോക ഫുട്ബോളിലെ ഏറ്റവും മികച്ച യുവ പ്രതിഭകളായ റയൽ മാഡ്രിഡ് ആക്രമണകാരികളായ വിനീഷ്യസ് ജൂനിയർ, റോഡ്രിഗോ, ബാഴ്‌സലോണയുടെ റാഫിൻഹ, ആഴ്‌സണൽ സ്‌ട്രൈക്കിംഗ് ജോഡികളായ ഗബ്രിയേൽ ജീസസ്, ഗബ്രിയേൽ മാർട്ടിനെല്ലി തുടങ്ങി എല്ലാവരും ഖത്തറിലേക്കുള്ള ടിറ്റേയുടെ ബ്രസീൽ ടീമിൽ ഇടം പിടിച്ചു.ന്യൂകാസിൽ യുണൈറ്റഡ് മിഡ്ഫീൽഡർ ബ്രൂണോ ഗുയിമാരേസ്, മാഞ്ചസ്റ്റർ യുണൈറ്റഡിന്റെ ഇലക്‌ട്രിഫൈയിംഗ് വിംഗർ ആന്റണി, ടോട്ടൻഹാം ഹോട്‌സ്‌പർ ഫോർവേഡ് റിച്ചാർലിസണും ബ്രസീലിന്റെ ശക്തി വർധിപ്പിക്കുന്നു.ഈ കളിക്കാരെല്ലാം 25 വയസോ അതിൽ താഴെയോ പ്രായമുള്ളവരാണ്, ഇതിനകം തന്നെ ലോകോത്തര നിലവാരത്തിൽ കളിക്കുന്നവരുമാണ്.
ഇത് തന്റെ അന്താരാഷ്ട്ര കരിയറിലുടനീളം ഒരു രാജ്യത്തിന്റെ പ്രതീക്ഷകൾ സ്വന്തമായി കൊണ്ടുനടന്ന ഫോർവേഡ് നെയ്മറിന്റെ (30) സമ്മർദ്ദം കുറയ്ക്കുമെന്ന് പരിശീലകൻ ടിറ്റെ വിശ്വസിക്കുന്നു.പാരീസ് സെന്റ് ജെർമെയ്‌നിൽ ഇതുവരെ ഒരു മികച്ച സീസണാണ് നെയ്മർ ഉള്ളത്, യൂറോപ്പിലെ അഞ്ച് പ്രധാന ലീഗുകളിൽ ഗോളുകളും അസിസ്റ്റുകളും സമന്വയിപ്പിച്ച് ഏറ്റവും കൂടുതൽ ഗോൾ സംഭാവനകൾ നൽകിയ കളിക്കാരിൽ ഒരാളാണ് നെയ്മർ.മികച്ച ഫോമിലുള്ള നെയ്മറിനൊപ്പം യുവതാരങ്ങളുടെ ഉയർച്ച ബ്രസീലിന് ആറാം ലോകകപ്പ് കിരീടം നേടാനാകുമെന്ന ആവേശവും ആത്മവിശ്വാസവും നൽകി.“ഈ യുവ കളിക്കാരുടെ വരവ് നെയ്‌മറിന് പിച്ചിലും പുറത്തും നല്ലതായിരിക്കുമെന്ന് എനിക്ക് തോന്നുന്നു,മികച്ച സാങ്കേതിക ശേഷിയുള്ള മറ്റ് കളിക്കാർ ഉള്ളപ്പോൾ നെയ്മറുടെ ജോലി ഭാരം കുറയും” ടിറ്റെ പറഞ്ഞു.
“എന്ത് വന്നാലും സമ്മർദ്ദം നെയ്മറിനുമേലായിരിക്കും, അവൻ ബ്രസീലിന്റെ സൂപ്പർസ്റ്റാറാണ്, അദ്ദേഹത്തോടൊപ്പം ആരു കളിക്കുന്നു എന്നത് പ്രശ്നമല്ല,“തീർച്ചയായും കഴിഞ്ഞ മൂന്ന് ലോകകപ്പുകളിൽ ബ്രസീലിന് ഉണ്ടായിരുന്നതിനേക്കാൾ മികച്ച ടീമാണിത്. എന്നാൽ ഉത്തരവാദിത്തം എല്ലായ്പ്പോഴും ഏറ്റവും വലിയ താരത്തിനാണ്, അത് നെയ്മറിനാണ്.”രണ്ട് തവണ ലോകകപ്പ് ജേതാവുമായ റൊണാൾഡോ ഒക്ടോബറിൽ അഭിപ്രായപ്പെട്ടു.തനിക്ക് ചുറ്റുമുള്ള ബ്രസീലിന്റെ യുവ ആക്രമണകാരികളെ മുൻനിർത്തി കേന്ദ്ര റോളിലാണ് നെയ്മറെ ടിറ്റെ കളിക്കുന്നത്. ടുണീഷ്യയെ 5-1 നും ഘാന 3-0 നും തോൽപ്പിച്ച രണ്ടു മത്സരത്തിലും ഈ രീതിയാണ് ബ്രസീൽ സ്വീകരിച്ചത്.
ലോകകപ്പിൽ 26 കളിക്കാർ വരെയുള്ള ടീമുകളും അഞ്ച് സബ്സ്റ്റിറ്റ്യൂഷനുകളും അനുവദിച്ചിരിക്കുന്നതിനാൽ ഖത്തറിനായി ഒമ്പത് ഫോർവേഡുകളെയാണ് ടിറ്റെ തെരെഞ്ഞെടുത്തത്. പ്രതിരോധത്തിൽ അവർ ഉറച്ചുനിൽക്കുന്നു, അലിസണിലും എഡേഴ്സണിലുമുള്ള ലോകത്തിലെ ഏറ്റവും മികച്ച രണ്ട് ഗോൾകീപ്പർമാരും PSG യുടെ മാർക്വിനോസ്, ചെൽസിയുടെ തിയാഗോ സിൽവ, റയൽ മാഡ്രിഡിന്റെ എഡർ മിലിറ്റാവോ, യുവന്റസിന്റെ ബ്രെമർ എന്നിവർ അണിനിരക്കും.കഴിഞ്ഞ രണ്ട് ഗെയിമുകളിൽ മൂന്ന് സെന്റർ ബാക്കുകളുള്ള ഒരു സിസ്റ്റം പരീക്ഷിക്കാൻ ടൈറ്റിനെ പ്രേരിപ്പിച്ച ഫുൾ ബാക്ക് പൊസിഷനുകളാണ് അവരുടെ ഒരേയൊരു പോരായ്മ. മികച്ച വിങ്ങർമാരുടെ അഭാവമാണ് 39 കാരനായ ഡാനി ആൽവ്സിന്റെ ബ്രസീൽ ടീമിലേക്കുള്ള തീരിച്ചു വരവ് അർത്ഥമാക്കുന്നത് .