❝കണ്ണുകളുടെ തെളിച്ചത്തേക്കാൾ ചർമ്മത്തിന്റെ നിറത്തിന് പ്രാധാന്യം നൽകുന്നിടത്തോളം യുദ്ധം ഉണ്ടാകും❞-അധിക്ഷേപത്തിന് മറുപടിയായി വിനീഷ്യസ് ജൂനിയർ

സ്പാനിഷ് ഫുട്ബോൾ ഏജന്റുമാരുടെ പ്രസിഡന്റ് പെഡ്രോ ബ്രാവോയിൽ നിന്ന് തനിക്ക് ലഭിച്ച വംശീയ അധിക്ഷേപത്തിന് മറുപടിയായി ഒരു വൈകാരിക പ്രസ്താവന പുറത്തിരിക്കുകയാണ് വിനീഷ്യസ് ജൂനിയർ .ലാ ലീഗയിൽ റയൽ മല്ലോർക്കയ്‌ക്കെതിരായ മത്സരത്തിൽ ഗോൾ നേടിയതിനു ശേഷം ഡാൻസ് ആഘോഷത്തെ തുടർന്ന് റയൽ മാഡ്രിഡിന്റെ ബ്രസീലിയൻ ഫോർവേഡ് വിനീഷ്യസ് ജൂനിയർ വംശീയ വിദ്വേഷത്തിന് വിധേയനായത്.

വിവാദ സ്പാനിഷ് ചാനലായ എൽ ചിറിൻഗുയിറ്റോയിലെ തത്സമയ സംപ്രേക്ഷണത്തിനിടെ ബ്രസീലുകാരനെക്കുറിച്ച് ചർച്ച ചെയ്യുമ്പോൾ ബ്രാവോ പറഞ്ഞു. “നിങ്ങൾ നിങ്ങളുടെ എതിരാളികളെ ബഹുമാനിക്കണം, നിങ്ങൾ ഒരു ഗോൾ നേടുമ്പോൾ, നിങ്ങൾക്ക് സാംബ നൃത്തം ചെയ്യണമെങ്കിൽ, നിങ്ങൾ ബ്രസീലിലെ സാംബോഡ്രോമോയിൽ പോകണം.നിങ്ങളുടെ സഹ താരങ്ങളെ ബഹുമാനിക്കുക, കുരങ്ങിനെ പോലെ കളിക്കുന്നത് നിർത്തുക.”സോഷ്യൽ മീഡിയയിലെ പ്രതികരണത്തെ തുടർന്ന് ബ്രാവോ തന്റെ അഭിപ്രായത്തിന് ക്ഷമാപണം നടത്തുകയും വിനീഷ്യസ് “വിഡ്ഢിത്തം ചെയ്യുകയാണ്” എന്ന് പറയാൻ “കുരങ്ങ്” എന്ന പ്രയോഗം ഉപയോഗിച്ചതായി വ്യക്തമാക്കുകയും ചെയ്തു. എന്നാൽ അതിനെതിരെ നിരവധി കോണുകളിൽ നിന്നും വലിയ വിമര്ശനം വരുന്നുണ്ട്. വിനിഷ്യസിന് പിന്തുണയുമായി സഹ താരങ്ങളും റയൽ മാഡ്രിഡും രംഗത്ത് വരുകയും ചെയ്തു.

റയൽ മാഡ്രിഡ് സൂപ്പർ താരം ട്വിറ്ററിൽ വീഡിയോയിലൂടെ ശക്തമായ ഒരു പ്രസ്താവന പുറത്തിറക്കി.”കണ്ണുകളുടെ തെളിച്ചത്തേക്കാൾ ചർമ്മത്തിന്റെ നിറത്തിന് പ്രാധാന്യം നൽകുന്നിടത്തോളം യുദ്ധം ഉണ്ടാകും.ആ വാചകം എന്റെ ശരീരത്തിൽ പച്ചകുത്തിയിട്ടുണ്ട്. ഈ ചിന്ത എന്റെ തലയിൽ സ്ഥിരമായി ഉണ്ട്. എന്റെ ജീവിതത്തിൽ ഈ തത്വശാസ്ത്രത്തെ യാഥാർത്ഥ്യമാക്കുന്ന മനോഭാവങ്ങളുണ്ട്. യൂറോപ്പിൽ വിജയിച്ച ഒരു കറുത്ത ബ്രസീലിയന്റെ സന്തോഷം അവരെ കൂടുതൽ വിഷമിപ്പിക്കുന്നു.പക്ഷേ, വിജയിക്കാനുള്ള എന്റെ ആഗ്രഹവും എന്റെ പുഞ്ചിരിയും എന്റെ കണ്ണുകളിലെ തിളക്കവും അതിനേക്കാൾ വളരെ വലുതാണ്, അത് എത്രയാണെന്ന് സങ്കൽപ്പിക്കാൻ പോലും ശ്രമിക്കരുത്.അവ ലോകത്തിന്റെ സാംസ്കാരിക വൈവിധ്യം ആഘോഷിക്കാനുള്ള നൃത്തങ്ങളാണ്. അത് സ്വീകരിക്കൂ! ബഹുമാനിക്കൂ! എന്തായാലും ഞാൻ നിർത്തില്ല! “വിനീഷ്യസ് ജൂനിയർ പറഞ്ഞു.

“വിദ്വേഷത്തിന്റെയും വംശീയ വിദ്വേഷത്തിന്റെയും ഇരയായിരുന്നു ഞാൻ. എന്നാൽ ഇതൊന്നും ഇന്നലെ തുടങ്ങിയതല്ല.ആഴ്ചകൾക്ക് മുമ്പ്, ചിലർ എന്റെ നൃത്തത്തെ വിമർശിക്കാൻ തുടങ്ങി. എന്നാൽ നൃത്തം എന്റേത് മാത്രമല്ല. റൊണാൾഡീഞ്ഞോ, നെയ്മർ, ലൂക്കാസ് പാക്വെറ്റ, ഗ്രീസ്മാൻ, ജോവോ ഫെലിക്സ്, മാത്യൂസ് കുൻഹ… ബ്രസീലിയൻ ഫങ്ക് ഗായകരും സാംബ നർത്തകരും, ലാറ്റിൻ റെഗ്ഗെടൺ ഗായകരും. , കറുത്ത അമേരിക്കക്കാർ എല്ലാവരും ഈ നൃത്തം ചെയ്യും” വിനീഷ്യസ് പറഞ്ഞു.”ദാരിദ്ര്യം വളരെ കൂടുതലുള്ള ഒരു നാട്ടിൽ നിന്നാണ് ഞാൻ വരുന്നത്, ആളുകൾക്ക് വിദ്യാഭ്യാസം ലഭ്യമല്ല, ആളുകൾക്ക് പലപ്പോഴും ഭക്ഷണം ലഭ്യമല്ല!.പൊതുവിദ്യാലയങ്ങളിലെ കുട്ടികളെ പഠിപ്പിക്കാൻ ഞാൻ ഒരു ആപ്പ് വികസിപ്പിച്ചെടുത്തു. ആരുടെയും സാമ്പത്തിക സഹായമില്ലാതെ! ഞാൻ എന്റെ പേരിൽ ഒരു സ്കൂൾ പണിയുന്നു. വിദ്യാഭ്യാസത്തിനായി ഞാൻ കൂടുതൽ കാര്യങ്ങൾ ചെയ്യും. വരും തലമുറകൾ എന്നെപ്പോലെ തയ്യാറാകണമെന്ന് ഞാൻ ആഗ്രഹിക്കുന്നു. വംശീയവാദികളോടും വിദ്വേഷത്തോടും പോരാടാൻ” വിനിഷ്യസ് കൂട്ടിച്ചേർത്തു.

ബ്രസീലിയൻ ഇതിഹാസം പെലെയും പിഎസ്ജി സൂപ്പർ താരം നെയ്മറും ഉൾപ്പെടെ വിനീഷ്യസിന്റെ നിരവധി സഹതാരങ്ങളും സുഹൃത്തുക്കളും മുന്നേറ്റത്തിന് പിന്തുണയുമായി രംഗത്തെത്തിയിട്ടുണ്ട്.അന്താരാഷ്ട്ര തലത്തിൽ റയൽ മാഡ്രിഡ് താരത്തിനൊപ്പം കളിച്ചിട്ടുള്ള ന്യൂകാസിൽ മിഡ്ഫീൽഡർ ബ്രൂണോ ഗുയിമാരേസ്, പെഡ്രോ ബ്രാവോയുടെ അഭിപ്രായത്തിൽ വെറുപ്പ് പ്രകടിപ്പിക്കുകയും അദ്ദേഹത്തെ അറസ്റ്റ് ചെയ്യണമെന്ന് ആവശ്യപ്പെടുകയും ചെയ്തു.