❝മെസ്സിയെയും നെയ്മറെയും എംബാപ്പയെയും വരെ ബാധിക്കുന്ന വിവാദ നിയമങ്ങളുമായി പിഎസ്ജി❞|PSG

വരുന്ന സീസണിൽ യൂറോപ്പിൽ തങ്ങളുടെ സ്ഥാനം അടയാളപ്പെടുത്തുക എന്ന വലിയ ശ്രമവുമായാണ് പിഎസ്ജി എത്തുന്നത്. ലോകത്തിലെ ഏറ്റവും മികച്ച കളിക്കാർ ഉണ്ടായിട്ടും കഴിഞ്ഞ വർഷങ്ങളിൽ അതിനു സാധിച്ചിരുന്നില്ല. മികച്ചവരാകാൻ അവർ വലിയ മാറ്റങ്ങൾ കൊണ്ട് വരേണ്ടതുണ്ട് ,ആ മാറ്റങ്ങൾക്കായി അവർ മാറി ചിന്തിച്ചിരിക്കുകയാണ്.

ക്ലബ്ബിലെ പുതിയ വിവാദ നിയമങ്ങൾ പിച്ചിന് പുറത്തും അകത്തും ലയണൽ മെസിയെയും നെയ്‌മറെയും കൈലിയൻ എംബാപ്പെയെയും വരെ ബാധിക്കുന്നതാണ്. യുവേഫ ചാമ്പ്യൻസ് ലീഗിൽ കിരീടം നേടുക എന്നതാണ് പിഎസ്ജി യുടെ ഏറ്റവും വലിയ ലക്‌ഷ്യം. ഓരോ വർഷവും വമ്പൻ സൂപ്പർ താരങ്ങളെ കൊണ്ടുവന്നിട്ടും ഫ്രഞ്ച് ടീമിന് ഈ മത്സരത്തിൽ വിജയിക്കാൻ കഴിഞ്ഞില്ല. ചാമ്പ്യൻസ് ലീഗ് എന്ന ലക്‌ഷ്യം മുൻനിർത്തി ചില മാറ്റങ്ങൾ കഴിഞ്ഞ വർഷം മുതൽ പിഎസ്ജി ആരംഭിച്ചിട്ടുണ്ടായിരുന്നു. ഈ സീസണിനായി അവർ മൗറീഷ്യോ പോച്ചെറ്റിനോയെ പുറത്താക്കുകയും ക്രിസ്റ്റോഫ് ഗാൽറ്റിയറിനെ പുതിയ പരിശീലകനായി നിയമിക്കുകയും മാത്രമല്ല, ടീമിനെ അടിയിൽ നിന്നും പുനഃക്രമീകരിക്കാൻ ബോർഡിൽ ചില മാറ്റങ്ങൾ വരുത്തുകയും ചെയ്തു.

PSG മാറിയിരിക്കുകയാണ്, ആ മാറ്റത്തിന്റെ ഭാഗമായി അവർ ലൂയിസ് കാംപോസിനെ സ്‌പോർട്‌സ് ഡയറക്ടറായി കൊണ്ടുവന്നത്.കൂടുതൽ മത്സരാധിഷ്ഠിത ടീമിനെ ലഭിക്കുന്നതിന് അദ്ദേഹം ഉടൻ തന്നെ ചില വിവാദ നിയമങ്ങൾ കൊണ്ട് വരുകയും ചെയ്തു. ടീമിന് ഏറ്റവും മികച്ചതെന്ന് താൻ കരുതുന്നതെന്തും ചെയ്യാൻ കാംപോസിന് ഉടമകളിൽ നിന്നും പൂർണ സ്വാതന്ത്ര്യം ലഭിച്ചിട്ടുണ്ട്.PSG-യിലെ പുതിയ നിയമങ്ങൾ മുഴുവൻ സ്ക്വാഡും ഒരുമിച്ച് പ്രഭാതഭക്ഷണവും ഉച്ചഭക്ഷണവും കഴിക്കുന്നത് മുതൽ ഫോൺ കോളുകൾ അനുവദനീയമല്ല എന്നത് വരെയുണ്ട്. ഗ്രൂപ്പ് ബന്ധങ്ങൾ പ്രോത്സാഹിപ്പിക്കുന്നതിനാണു ഈ നിയമങ്ങൾ.എന്നിരുന്നാലും പരിശീലന ക്യാമ്പുകളിൽ മൊബൈൽ ഫോണുകൾ നിരോധിക്കില്ല.

ഒരുപക്ഷേ ഏറ്റവും വിവാദമായ പുതിയ നടപടി പുറത്ത് പോകുന്നതിനുള്ള നിരോധനമാണ്. ളിക്കാർക്ക് രാത്രികളിൽ പുറത്തിറങ്ങാൻ കഴിയാത്തതിനാൽ പാർട്ടികളിൽ നിന്ന് ശ്രദ്ധ തിരിക്കാൻ സാധിക്കുമെന്ന് സ്‌പോർട്‌സ് ഡയറക്‌ടർ വിശ്വസിക്കുന്നു.കളിക്കാർക്ക് നിയമങ്ങളെക്കുറിച്ച് അറിയാം, അത് കാര്യങ്ങൾ മാറ്റുമെന്ന് അവർക്ക് ഉറപ്പുണ്ട്. “ലൈനിൽ നിന്ന് പുറത്തുകടക്കുന്ന കളിക്കാരുണ്ടെങ്കിൽ അവരെ പുറത്താക്കും. ഒരു കളിക്കാരനും ഗ്രൂപ്പിന് മുകളിലായിരിക്കില്ല”, പുതിയ നടപടികളെക്കുറിച്ച് ക്രിസ്റ്റഫ് ഗാൽറ്റിയർ പറഞ്ഞു.ഇതുവരെ ഒരു പിഎസ്ജി കളിക്കാരും ഈ നടപടികളെ എതിർത്തിട്ടില്ല. 2019 ൽ ലിയോനാർഡോയുടെ വരവോടെ ചില നിയമങ്ങൾ സ്ഥാപിക്കാനുള്ള ആഗ്രഹവും ഉണ്ടായിരുന്നു എന്നാൽ ഒന്നും ഫലവത്തായിരുന്നില്ല.