36 വർഷത്തിന് ശേഷം അർജന്റീന ദേശീയ ടീം വീണ്ടും ഫിഫ ലോകകപ്പ് നേടിയപ്പോൾ ആരാധകരും ലോകമെമ്പാടുമുള്ള മുൻ കളിക്കാരും ഉൾപ്പെടെ നിരവധി ആളുകൾ അർജന്റീന ടീം അംഗങ്ങളെ, പ്രത്യേകിച്ച് 2022 ലോകകപ്പിൽ മികച്ച പ്രകടനം കാഴ്ചവച്ച ക്യാപ്റ്റൻ ലയണൽ മെസ്സിയെ അഭിനന്ദിച്ചു.എന്നാൽ, 2004 മുതൽ 2015 വരെ അർജന്റീന ദേശീയ ടീമിന്റെ ഭാഗമായിരുന്ന കാർലോസ് ടെവസ് 2022 ലോകകപ്പ് ഫൈനലിന് ശേഷം ലയണൽ മെസ്സിക്ക് ഒരു സന്ദേശം പോലും അയച്ചിട്ടില്ലെന്ന് വെളിപ്പെടുത്തി.
അടുത്തിടെ സൂപ്പർ മിറ്ററിന് നൽകിയ അഭിമുഖത്തിൽ കാർലോസ് ടെവസ് ഇക്കാര്യം വെളിപ്പെടുത്തി. കാരണം വളരെ രസകരമായി അദ്ദേഹം വിശദീകരിച്ചു. ലോകകപ്പ് ഫൈനലിന് ശേഷം ലയണൽ മെസ്സിയുടെ ഫോൺ മെസ്സേജുകൾ കൊണ്ടും കോളുകൾ കൊണ്ടും അദ്ദേഹത്തിന്റെ ഫോൺ തിരക്കുപിടിച്ച ഒരു അവസ്ഥയിൽ ആയിരിക്കും എന്നുള്ളത് അറിയാമായിരുന്നെന്നും കാർലോസ് ടെവസ് പറഞ്ഞു.താൻ മെസ്സിയെ ഉടൻ കാണുമെന്നും മെസിയെ കെട്ടിപ്പിടിക്കാൻ ആഗ്രഹിക്കുന്നുവെന്നും അർജന്റീനിയൻ ഇതിഹാസവും പറഞ്ഞു. തന്റെ കുട്ടികൾ മെസ്സിയുടെ ഗോളുകൾ ആഘോഷിക്കുന്നതിനെക്കുറിച്ചും കാർലോസ് ടെവസ് സംസാരിച്ചു.
‘ ഞാൻ വലിയ രൂപത്തിൽ ഒന്നും തന്നെ ഖത്തർ വേൾഡ് കപ്പിനെ ഫോളോ ചെയ്തിരുന്നില്ല. പക്ഷേ ഫ്രാൻസിനെ ഞാൻ നന്നായി ഫോളോ ചെയ്തിരുന്നു.കാരണം ഞാൻ ഇഷ്ടപ്പെട്ടിരുന്ന ടീമാണ് അത്. വേൾഡ് കപ്പ് കിരീടം നേടിയതിനു ശേഷം മെസ്സിക്ക് ഞാൻ മെസ്സേജ് അയച്ചിരുന്നില്ല. കാരണം മെസ്സേജുകൾ കൊണ്ടും കോളുകൾ കൊണ്ടും അദ്ദേഹത്തിന്റെ ഫോൺ തിരക്കുപിടിച്ച ഒരു അവസ്ഥയിൽ ആയിരിക്കും എന്നുള്ളത് എനിക്കറിയാമായിരുന്നു.പക്ഷേ ലയണൽ മെസ്സിയുടെ ഗോളുകൾ എന്റെ കുട്ടികൾ വളരെയധികം ആഘോഷിച്ചത് എനിക്ക് സന്തോഷം നൽകിയ ഒരു കാര്യമായിരുന്നു ‘ കാർലോസ് ടെവസ് പറഞ്ഞു.
🗣 Carlos Tevez: “I didn’t write to Messi because his phone must have exploded. It makes me very happy that my kids scream (celebrate) his goals.” Via @SuperMitre. pic.twitter.com/yoI9HdgzHu
— Roy Nemer (@RoyNemer) January 7, 2023
“ഞാൻ ലോകകപ്പ് അൽപ്പം പിന്തുടർന്നു. എനിക്ക് ഇഷ്ടപ്പെട്ട ടീമായതിനാൽ ഞാൻ ഫ്രാൻസിനെ ഒരുപാട് പിന്തുടർന്നു,” മുൻ അർജന്റീന സ്ട്രൈക്കർ പറഞ്ഞു. കാർലോസ് ടെവസ് അർജന്റീന ദേശീയ ടീമിനൊപ്പം രണ്ട് ലോകകപ്പുകളിൽ കളിച്ചിട്ടുണ്ട്. 2006, 2010 ലോകകപ്പുകളിൽ കാർലോസ് ടെവസ് കളിച്ചിട്ടുണ്ട്. എട്ട് ലോകകപ്പ് മത്സരങ്ങളിൽ നിന്ന് മൂന്ന് ഗോളുകളും ഒരു അസിസ്റ്റും കാർലോസ് ടെവസിനുണ്ട്. അർജന്റീനയ്ക്ക് വേണ്ടി 76 മത്സരങ്ങൾ കളിച്ചിട്ടുള്ള കാർലോസ് ടെവസ് 13 ഗോളുകൾ നേടിയിട്ടുണ്ട്.