കഴിഞ്ഞ വർഷം ലോക ഫുട്ബോളിനെ ഞെട്ടിക്കുന്ന ഒന്നായിരുന്നു ലയണൽ മെസ്സിയുടെ പാരീസ് സെന്റ് ജെർമെയ്‌നിലേക്കുള്ള കൂടുമാറ്റം . സ്പാനിഷ് ക്ലബ്ബിലെ 15 വർഷത്തിലധികം നീണ്ട കളി ജീവിതം അവസാനിപ്പിച്ചാണ് അർജന്റീന സൂപ്പർ താരം പിഎസ്ജിയിലെത്തിയത്. നെയ്മർ, എംബാപ്പെ എന്നിവക്കൊപ്പം ചേർന്ന് മികച്ചൊരു മുന്നേറ്റനിര സഖ്യം സൃഷ്‌ടിച്ച് ക്ലബിന്റെ ചാമ്പ്യൻസ് ലീഗ് മോഹങ്ങൾ നിറവേറ്റാൻ താരത്തിന് കഴിയുമെന്ന് ഏവരും പ്രതീക്ഷിച്ചിരുന്നു. എന്നാൽ വളരെ ദൗർഭാഗ്യകരമായ രീതിയിൽ റയൽ മാഡ്രിഡിനോടു തോറ്റ് ചാമ്പ്യൻസ് ലീഗിൽ നിന്നും പുറത്തു പോവുകയായിരുന്നു ഫ്രഞ്ച് ക്ലബ്.
ഫുട്ബോൾ എസ്പാന വഴി മുണ്ടോ ഡിപോർട്ടീവോ പറയുന്നതനുസരിച്ച് മെസ്സി അടുത്ത സീസണിൽ പാരീസ് സെന്റ് ജെർമെയ്നിൽ തുടരും എന്നാൽ ഫ്രഞ്ച് ടീമിനൊപ്പം ചാമ്പ്യൻസ് ലീഗ് ജേതാക്കളാകുമെന്ന അദ്ദേഹത്തിന്റെ പ്രതീക്ഷകൾ അപ്രത്യക്ഷമായിരിക്കുകയാണ്.കന്നി ചാമ്പ്യൻസ് ലീഗ് കിരീടത്തിനായുള്ള PSG യുടെ അന്വേഷണം കുറഞ്ഞത് ഒരു സീസണിലേക്കെങ്കിലും തുടരും. 2020 ഫൈനലിൽ എത്തിയ അവരുടെ പ്രകടനമാണ് ഇപ്പോഴും അവരുടെ മികച്ച ഫിനിഷ് .
ഈ സീസണിലെ ചാമ്പ്യൻസ് ലീഗിൽ നിന്നുമുള്ള പുറത്താകലിനു ശേഷം പിഎസ്ജി ക്ലബ് നേതൃത്വത്തിനെതിരെ രൂക്ഷവിമർശനമാണ് ആരാധകർ നടത്തിയത്. കൃത്യമായൊരു പദ്ധതിയില്ലാതെ മുന്നോട്ടു പോകുന്ന ക്ലബ് നേതൃത്വം ഒരു ഘടന സൃഷ്‌ടിച്ച് ടീമിനെ മുന്നോട്ടു കൊണ്ടു പോകുന്നതിനു പകരം വമ്പൻ താരങ്ങളെ വാങ്ങി ചാമ്പ്യൻസ് ലീഗ് വിജയം നേടാനുള്ള കുറുക്കുവഴിയാണ് നോക്കുന്നതെന്ന് ആരാധകർ പറഞ്ഞിരുന്നു.
മെസ്സിയുടെ അവസാന ചാമ്പ്യൻസ് ലീഗ് വിജയം 2014-15 സീസണിൽ ബാഴ്‌സലോണയ്‌ക്കൊപ്പമായിരുന്നു – ഫൈനലിൽ യുവന്റസിനെ പരാജയപ്പെടുത്തിയാണ് കിരീടം നേടിയത്.ഇവാൻ റാക്കിറ്റിച്ച്, ലൂയിസ് സുവാരസ്, നെയ്മർ എന്നിവർ നേടിയ ഗോളുകളിൽ കാറ്റലോണിയൻ വമ്പന്മാർ ഇറ്റാലിയൻ ടീമിനെ 3-1 ന് പരാജയപ്പെടുത്തി.ഈ വിജയം മെസ്സിയുടെ അഞ്ചാമത്തെ ചാമ്പ്യൻസ് ലീഗ് വിജയമായി അടയാളപ്പെടുത്തി – മുമ്പ് 2005-06, 2008-09, 2010-11, 2014-15 വർഷങ്ങളിൽ ബാഴ്‌സലോണയ്‌ക്കൊപ്പം കിരീടം നേടിയിരുന്നു.
Lionel Messi 'has given up on future Champions League glory with Paris Saint-Germain' https://t.co/J5oXUEj7i8
— MailOnline Sport (@MailSport) April 21, 2022
ഈ സീസണിൽ 21 ലീഗ് 1 മത്സരങ്ങളിൽ നിന്ന് മൂന്ന് ഗോളുകൾ മാത്രമാണ് മെസ്സി നേടിയത്. റയൽ മാഡ്രിഡിനെതിരായ ചാമ്പ്യൻസ് ലീഗിലെ നിരാശാജനകമായ പ്രകടനത്തിനും അദ്ദേഹം കടുത്ത വിമർശനത്തിന് വിധേയനായിരുന്നു. മത്സരത്തിൽ ഒരു പെനാൽറ്റിയും നഷ്ടമായി. തുടർന്നുള്ള കളികളിൽ മുൻ ബാഴ്‌സലോണ താരത്തെ പിഎസ്ജി ആരാധകർ കൂവി വിളിക്കുകയും ചെയ്തിരുന്നു.