സ്‌പെയിനിനെതിരെ ചരിത്ര ജയം സ്വന്തമാക്കി കൊളംബിയ : സ്കോട്ട്ലൻഡിനെ തകർത്ത് കരുത്തറിയിച്ച് നെതർലൻഡ്‌സ്

സൗഹൃദ മത്സരത്തിൽ കരുത്തരായ സ്പെയിനിനെ അട്ടിമറിച്ച് ലാറ്റിനമേരിക്കൻ കരുത്തരായ കൊളംബിയ. രണ്ടാം പകുതിയിൽ അക്രോബാറ്റിക് കിക്ക് ഉപയോഗിച്ച് ഡാനിയൽ മ്യൂനോസ് സ്‌കോർ ചെയ്തപ്പോൾ എതിരില്ലാത്ത ഒരു ഗോളിന്റെ വിജയമാണ് കൊളംബിയ സ്പെയിനെതിരെ നേടിയത്.2010 ലോകകപ്പ് ചാമ്പ്യൻമാർക്കെതിരായ അവരുടെ ആദ്യ ജയം കൂടിയാണിത്.രണ്ട് മാനേജർമാരും നിരവധി പ്രധാന കളിക്കാർക്ക് വിശ്രമം നൽകിയാണ് ആദ്യ പകുതിയിൽ ഇറങ്ങിയത്.

ഇടവേളയ്ക്ക് ശേഷം കൊളംബിയ കൂടുതൽ തീവ്രതയോടെ തിരിച്ചെത്തി. പകരക്കാരനായി ഇറങ്ങിയ റയൽ മാഡ്രിഡിൻ്റെ മുൻ അറ്റാക്കിംഗ് മിഡ്ഫീൽഡർ ജെയിംസ് റോഡ്രിഗസ് തൻ്റെ ടീമിനെ അവരുടെ തുടർച്ചയായ അഞ്ചാം വിജയത്തിലേക്ക് നയിക്കുകയും അവരുടെ അപരാജിത കുതിപ്പ് 18 ഗെയിമുകളിലേക്ക് ഉയർത്തുകയും ചെയ്തു.ജെയിംസും ലൂയിസ് ദിയാസും സ്പാനിഷ് പ്രതിരോധത്തിന് സ്ഥിരമായ ഭീഷണിയായിരുന്നു. ദേശീയ ടീമിൽ അരങ്ങേറ്റം കുറിച്ച അത്‌ലറ്റിക് ക്ലബ് സെൻ്റർ ബാക്ക് ഡാനി വിവിയൻ ലിവർപൂൾ വിംഗറിനെ തടയാൻ പാടുപെടുകയായിരുന്നു.

ഇടത് വിംഗിൽ വേഗതയാർന്ന നീക്കങ്ങളുമായി മുന്നേറിയ ഡിയാസ് തൻ്റെ ടീമംഗങ്ങൾ പാഴാക്കാനുള്ള നിരവധി അവസരങ്ങൾ സൃഷ്ടിച്ചു, അതിൽ രണ്ടെണ്ണം ജെയിംസ് റോഡ്രിഗസിനായിരുന്നു. 61 ആം മിനുട്ടിൽ ജെയിംസ് നൽകിയ പാസ് സ്വീകരിച്ച് സ്പാനിഷ് ഡിഫെൻഡർമാരെ മറികടന്നു കുതിച്ച ഡിയാസ് ഇടതു വിങ്ങിൽ നിന്നും നൽകിയ പാസ് അക്രോബാറ്റിക് വോളിയിലൂടെ ക്രിസ്റ്റൽ പാലസ് ഡിഫൻഡർ മുനോസ് ഗോളാക്കി മാറ്റി.

ഗോൾ വീണതിന് ശേഷം ലീഡ് ഉയർത്താനുള്ള മറ്റ് നിരവധി അവസരങ്ങൾ കൊളംബിയ പാഴാക്കി.റോഡ്രി, ഡാനി കാർവാജൽ, അൽവാരോ മൊറാറ്റ എന്നിവരെ കൂടാതെ മറ്റ് നിരവധി പ്രധാന കളിക്കാർക്കും മാനേജർ ലൂയിസ് ഡി ലാ ഫ്യൂണ്ടെ വിശ്രമം നൽകി.ഒരു വർഷത്തിനിടെ സ്‌പെയിനിൻ്റെ ആദ്യ തോൽവിയാണിത്. വിവിയനും 17-കാരനായ ബാഴ്‌സലോണ ഡിഫൻഡർ പൗ ക്യൂബാർസിയും ഉൾപ്പെടെ മൂന്ന് കളിക്കാർക്ക് അദ്ദേഹം അന്താരാഷ്ട്ര അരങ്ങേറ്റം നൽകി.

ജോഹാൻ ക്രൈഫ് അരീനയിൽ വെള്ളിയാഴ്ച നടന്ന സൗഹൃദ മത്സരത്തിൽ നെതർലൻഡ്‌സ് എതിരില്ലാത്ത നാല് ഗോളുകൾക്ക് സ്കോട്ട്ലൻഡിനെ പരാജയപ്പെടുത്തി.തിജ്ജാനി റെയ്ൻഡേഴ്‌സ് (40′) ജോർജിനിയോ വൈനാൾഡാം (72′)വൗട്ട് വെഗോർസ്റ്റ് (84′)ഡോണയൽ മാലെൻ (86′) എന്നിവരാണ് ഡച്ച് എംഐനായി ഗോൾ നേടിയത്.

40-ാം മിനിറ്റിൽ ബോക്‌സിന് പുറത്ത് നിന്ന് തിജ്ജാനി റെയ്ൻഡേഴ്‌സ് നേടിയ ഗോളിൽ നെതർലൻഡ്‌സ് ലീഡ് നേടി.33 കാരനായ ജോർജിനിയോ വൈനാൾഡാം 72-ാം മിനിറ്റിൽ ക്ലോസ് റേഞ്ചിൽ നിന്ന് ഹെഡ്ഡറിലൂടെ നേട്ടം ഇരട്ടിയാക്കി.പകരക്കാരായ വൗട്ട് വെഗോർസ്റ്റും ഡോണേൽ മാലനും അവസാന ആറ് മിനിറ്റിനുള്ളിൽ രണ്ടു ഗോളുകൾ കൂടി നേടി വിജയമുറപ്പിച്ചു.