കഴിഞ്ഞ ആഴ്ച്ചയാണ് സൗദി അറേബ്യൻ ക്ലബ് അൽ നസ്ർ പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയെ വൻ വിലകൊടുത്ത് സ്വന്തമാക്കിയത്. മാഞ്ചസ്റ്റർ യൂണൈറ്റഡുമായി കരാർ അവസാനിപ്പിച്ച റൊണാൾഡോയെ 2025 വരെയാണ് സൗദി ക്ലബ് ടീമിലെടുത്തത്. എന്നാൽ റൊണാൾഡോയിൽ മാത്രം ഒതുക്കാനല്ല സൗദി ക്ലബ് ഉദ്ദേശിച്ചിരിക്കുന്നത്, 37 കാരന് പിന്നാലെ റയൽ വിങ്ങർ ഈഡൻ ഹസാഡിനെയും ടീമിലെത്തിക്കാനുള്ള ഒരുക്കത്തിലാണ് അൽ നസ്ർ.
2019- ൽ വൻ പ്രതീക്ഷകളുമായി ചെൽസിയിൽ നിന്നുമെത്തിയ ഹസാഡിന് പരിക്കും മറ്റ് പ്രശ്നങ്ങളും മൂലം തന്റെ പ്രതിഭകൊത്ത പ്രകടനം പുറത്തെടുക്കാൻ സാധിച്ചില്ല. പരിക്ക് മൂലം കൂടുതൽ സമയം റയലിന്റെ പുറത്തായിരുന്നു ബെൽജിയൻ താരത്തിന്റെ സ്ഥാനം.പ്രീമിയർ ലീഗിൽ ചെൽസിയിൽ താൻ കാണിച്ച നിലവാരത്തിനടുത്തൊന്നും തന്റെ മാഡ്രിഡ് കരിയറിനെ വിജയമാക്കുന്നതിലും ഹസാഡ് പരാജയപെട്ടു.ലോകത്തിലെ ഏറ്റവും ഡിമാൻഡുള്ള ക്ലബ്ബിൽ ഏതെങ്കിലും തരത്തിലുള്ള സ്വാധീനം ചെലുത്തുന്നതിൽ അദ്ദേഹം സമ്പൂർണ പരാജയം തന്നെയായിരുന്നു.
സൗദി അറേബ്യൻ ടീമായ അൽ-നാസറിൽ റൊണാൾഡോയ്‌ക്കൊപ്പം കളിക്കാനുള്ള അവസരം ഹസാഡ് തള്ളിക്കളയാനുള്ള സാദ്ധ്യതകൾ കുറവാണ്.അൽ നാസർ മാനേജർ റൂഡി ഗാർസിയയിൽ നിന്ന് ഈഡൻ ഹസാർഡിന് ഒരു കോൾ ലഭിച്ചുവെന്ന് മാധ്യമപ്രവർത്തകരായ സാന്റി ഔനയും ദഹ്ബിയ ഹട്ടബിയും ഫുട്‌മെർകാഡോയ്ക്ക് വേണ്ടി റിപ്പോർട്ട് ചെയ്തിരുന്നു. തുർക്കിഷ് ക്ലബ് മുമ്പ് ഫെനർബാച്ചെ വിംഗറിൽ താൽപ്പര്യം പ്രകടിപ്പിച്ചിരുന്നു.3 വർഷത്തിനിടെ റയൽ മാഡ്രിഡിനായി 51 തവണ ലാലിഗയിൽ കളിച്ച 31-കാരൻ വെറും നാല് ഗോളുകൾ മാത്രമാണ് നേടിയത്.
🚨Info: Eden Hazard 🇧🇪💫.
— Santi Aouna (@Santi_J_FM) January 6, 2023
▫️Al-Nassr 🇸🇦 veut Hazard 🇧🇪 l'été prochain.
▫️ Rudi Garcia 🇫🇷 a appelé l'attaquant du Real Madrid pour lui faire de son envie de le recruter.
Avec @DahbiaHattabi https://t.co/rSMCr4v4ax
ചെൽസിക്ക് വേണ്ടി അദ്ദേഹം ഏകദേശം 300 ലീഗ് മത്സരങ്ങൾ കളിക്കുകയും 80 ഗോളുകൾ നേടുകയും ചെയ്തു. അദ്ദേഹത്തിന്റെ അവശ്വസനീയമായ തകർച്ചയാണ് കഴിഞ്ഞ വർഷങ്ങളിൽ കാണാൻ സാധിച്ചത്. ഒരു കാലത്ത് റൊണാൾഡോക്ക് പകരക്കാരനായാണ് ഹസാഡ് റയലിലെത്തിയത് എന്നാൽ ഇപ്പോൾ റൊണാൾഡോകൊപ്പം കളിക്കാനാണ് താരമെത്തുന്നത്.