ക്രിസ്റ്റ്യാനോ റൊണാൾഡോയുടെ സൈനിംഗ് അൽ നാസറിന് വലിയ കുതിപ്പാണ് നൽകിയത്.പോർച്ചുഗീസ് സൂപ്പർ താരത്തിന്റെ സൗദി ക്ലബിലേക്കുള്ള നീക്കം അവരുടെ ജനപ്രീതി വർധിപ്പിക്കുക മാത്രമല്ല, സൗദി ലീഗിന് മുഴുവൻ കൂടുതൽ ശ്രദ്ധ നൽകുകയും ചെയ്തു. റൊണാൾഡോയുടെ വരവോടെ സൗദി ക്ലബ്ബുകൾ മികച്ച പ്രതിഭകളുടെ ആകർഷണ കേന്ദ്രമായി മാറി.
ഇപ്പോൾ അൽ നാസർ യുവേഫ ചാമ്പ്യൻസ് ലീഗിൽ ഇടം നേടാനുള്ള വഴിയിലാണ്.അൽ നാസറിന്റെ ജനപ്രീതിയിൽ റൊണാൾഡോയുടെ വരവ് ചെലുത്തിയ സ്വാധീനം വിസ്മരിക്കാനാവില്ല. എന്നാൽ റൊണാൾഡോയുടെ സ്വാധീനം അൽ നാസറിന്റെ ജനപ്രീതി വർധിപ്പിക്കുന്നതിലും അപ്പുറമാണ്.പിച്ചിലെ ടീമിന്റെ പ്രകടനവും അദ്ദേഹത്തിന്റെ വരവിനുശേഷം കാര്യമായ പുരോഗതി കാണുകയും നിലവിൽ 18 മത്സരങ്ങളുടെ തോൽവിയില്ലാദി കുതിക്കുകയാണ്. ഇപ്പോൾ മുൻനിര യൂറോപ്യൻ ടീമുകൾക്കെതിരെ അൽ നാസറിന് അവരുടെ കഴിവ് പ്രകടിപ്പിക്കാനുള്ള അവസരം യാഥാർത്ഥ്യമായേക്കാം.
2024 ലെ യുവേഫ ചാമ്പ്യൻസ് ലീഗിൽ പങ്കെടുക്കാൻ അൽ നാസർ സൗദി ക്ലബ്ബിന് ക്ഷണം നൽകാൻ യൂറോപ്യൻ യൂണിയൻ ആലോചിക്കുന്നതായി സമീപകാല റിപ്പോർട്ടുകൾ പുറത്ത് വന്നു.2024 ലെ യുവേഫ ചാമ്പ്യൻസ് ലീഗിൽ അൽ നാസർ ഒരു സ്ഥാനം ഉറപ്പിച്ചാൽ, അത് ക്ലബ്ബിന് ഒരു മഹത്തായ നേട്ടമാകുമെന്നതിൽ സംശയമില്ല. സൗദി പ്രോ ലീഗിന്റെ പ്രതിനിധികൾ തങ്ങളുടെ ടീമുകൾ യൂറോപ്യൻ മത്സരങ്ങളിൽ പങ്കെടുക്കണമെന്ന് മാസങ്ങളായി തങ്ങളുടെ ആഗ്രഹം പ്രകടിപ്പിച്ചിരുന്നു.
خبر :
— علي الحربي (@alharbi_44) November 12, 2023
الاتحاد الأوروبي ينوي تقديم دعوة إلى نادي النصر السعودي للمُشاركة في بطولة دوري أبطال أوروبا 2024م "كونه أحد أشهر ثلاث أندية في كُرة القدم" ولما يملكه النصر من شعبية عظيمة وكبيرة في القارة الأوروبية . pic.twitter.com/XaxOX6sa6K
റൊണാൾഡോയെ സംബന്ധിച്ചിടത്തോളം രണ്ട് വർഷത്തിന് ശേഷം ചാമ്പ്യൻസ് ലീഗിലേക്കുള്ള അദ്ദേഹത്തിന്റെ തിരിച്ചുവരവിനെ ഇത് അടയാളപ്പെടുത്തും. ടൂർണമെന്റിൽ അഞ്ച് തവണ വിജയിക്കുകയും ചരിത്രത്തിലെ ഏറ്റവും കൂടുതൽ ഗോൾ സ്‌കോറർ ആകുകയും ചെയ്‌ത പോർച്ചുഗീസ് സൂപ്പർ താരത്തിന് യൂറോപ്പിലെ സി;ക്ലബ് ചാമ്പ്യൻഷിപ്പിനോട് ആഴത്തിലുള്ള അടുപ്പമുണ്ട്.