സൗദി പ്രോ ലീഗിൽ അൽ-വെഹ്ദയ്‌ക്കെതിരെ 2-0 ത്തിന്റെ വിജയവുമായി അൽ നാസർ. മത്സരത്തിൽ ക്രിസ്റ്റ്യാനോ റൊണാൾഡോ പെനാൽറ്റി സ്പോട്ടിൽ നിന്ന് ഒരു ഗോളിലൂടെ അൽ-നാസറിൻ്റെ സ്റ്റാർട്ടിംഗ് ലൈനപ്പിലേക്കുള്ള തൻ്റെ തിരിച്ചുവരവ് അടയാളപ്പെടുത്തി.
പോർച്ചുഗീസ് സൂപ്പർ താരത്തിന്റെ 903 ആം കരിയർ ഗോളായിരുന്നു ഇന്നലെ പിറന്നത്.ഈ വിജയം അൽ-നാസറിനെ സ്റ്റാൻഡിംഗിൽ രണ്ടാം സ്ഥാനത്തേക്ക് ഉയർത്തി.ആഴ്‌ചയുടെ തുടക്കത്തിൽ അൽ-ഹസ്മിനെതിരെ അൽ-നാസർ 2-1 ന് വിജയിച്ചപ്പോൾ വിശ്രമത്തിലായിരുന്ന റൊണാൾഡോ സീസണിലെ തൻ്റെ നാലാമത്തെ ഗോളും നേടി തിരിച്ചുവരവ് ഗംഭീരമാക്കി.41-ാം മിനിറ്റിൽ മുൻ ചെൽസി താരം ആഞ്ചലോ ഗബ്രിയേൽ നേടിയ ഗോളിലൂടെ അൽ നാസർ മുന്നിലെത്തി.56-ാം മിനിറ്റിൽ സുൽത്താൻ അൽ-ഗന്നം ഫൗൾ ചെയ്തതിന് ശേഷം അൽ-നാസറിന് പെനാൽറ്റി ലഭിച്ചു.
Power, precision, and perfection! 😮💨🐐pic.twitter.com/XUtjNUhgJK
— AlNassr FC (@AlNassrFC_EN) September 27, 2024
കിക്കെടുത്ത റൊണാൾഡോ പിഴവുകൾ കൂടാതെ ഗോളാക്കി മാറ്റി റൊണാൾഡോ തൻ്റെ ടീമിൻ്റെ ലീഡ് ഇരട്ടിയാക്കി.സാദിയോ മാനെ മൂന്നാം ഗോൾ ചേർത്തതായി കരുതി, എന്നാൽ ബിൽഡ്-അപ്പിനിടെ റൊണാൾഡോ ഓഫ്‌സൈഡായതിനാൽ അത് അനുവദിച്ചില്ല.അൽ-വെഹ്ദയുടെ വലീദ് ബക്ഷ്വീൻ 86-ാം മിനിറ്റിൽ ചുവപ്പ് കാർഡ് കണ്ട് പുറത്ത് പോവുകയും ചെയ്തു.
ഈ മാസം ആദ്യം പുറത്താക്കിയ ലൂയിസ് കാസ്ട്രോയ്ക്ക് പകരം പുതിയ മാനേജർ സ്റ്റെഫാനോ പിയോളിയുടെ കീഴിൽ അൽ-നാസറിൻ്റെ തുടർച്ചയായ മൂന്നാം വിജയമാണിത്.അൽ-നാസർ ഇപ്പോൾ അവരുടെ ശ്രദ്ധ എഎഫ്‌സി ചാമ്പ്യൻസ് ലീഗിലേക്ക് തിരിയുന്നു, അവിടെ അവർ അടുത്തതായി അൽ-റയ്യനെ നേരിടും.