ഇന്നലെ പ്രിൻസ് അബ്ദുൾ അസീസ് ബിൻ മുസായ്ദ് സ്റ്റേഡിയത്തിൽ നടന്ന സൗദി പ്രോ ലീഗിൽ രണ്ടാം സ്ഥാനക്കാരായ അൽ-നാസർ ഏഴാം സ്ഥാനക്കാരായ അൽ-തായ്ക്കെതിരെ 2-0 ത്തിന്റെ വിജയം നേടി. സൂപ്പർ താരം ക്രിസ്റ്റ്യാനോ റൊണാൾഡോ ഗോൾ നേടിയതാണ് മത്സരത്തിന്റെ സവിശേഷത.വിജയത്തോടെ സൗദി പ്രോ ലീഗ് കിരീടം നേടാനുള്ള അൽ-നാസറിന്റെ നേരിയ പ്രതീക്ഷകൾ പുനരുജ്ജീവിപ്പിച്ചു.
രണ്ടാം പകുതിയുടെ 52-ാം മിനിറ്റിൽ ക്രിസ്റ്റ്യാനോ റൊണാൾഡോയും 80-ാം മിനിറ്റിൽ ബ്രസീലിയൻ താരം താലിസ്കയുമാണ് അൽ നാസറിന്റെ ഗോളുകൾ നേടിയത്. പെനാൽറ്റിയിൽ നിന്നാണ് റൊണാൾഡോ ഗോൾ നേടിയത്.സീസണിലെ അഞ്ചാമത്തെ പെനാൽറ്റി ഗോളായിരുന്നു പോർച്ചുഗീസ് താരം ഇന്നലെ നേടിയത്.സീസണിലെ തന്റെ 13-ാം പ്രോ ലീഗ് ഗോളും കൂടിയായിരുന്നു ഇത്.
ജനുവരിയിൽ റൊണാൾഡോ ക്ലബ്ബിലേക്ക് അപ്രതീക്ഷിത നീക്കം പൂർത്തിയാക്കിയതിന് ശേഷം അൽ-നാസർ ലീഗ് ലീഡർമായ അൽ-ഇത്തിഹാദിനോട് രണ്ട് തവണ പരാജയപ്പെട്ടു. 2018-19 ന് ശേഷം ആദ്യമായി പ്രോ ലീഗ് കിരീടം ഉയർത്താനുള്ള ക്ലബിന്റെ പ്രതീക്ഷകൾ ഇല്ലാതവുകയും ചെയ്തിരുന്നു.മത്സരത്തിന്റെ ആദ്യ പകുതിയിൽ റൊണാൾഡോയ്ക്ക് ബോക്‌സിന്റെ അരികിൽ നിന്ന് ഗോൾ നേടാനുള്ള അവസരം ലഭിച്ചിരുന്നു എന്നാൽ അൽ തയെയുടെ കീപ്പർ മികച്ച ഡൈവിംഗ് രക്ഷക്കെത്തി.
Ronaldo for the night 😍👊 pic.twitter.com/MC8FelRgqp
— AlNassr FC (@AlNassrFC_EN) May 16, 2023
എതിരാളി അൽ-ഹിലാലുമായി 2-2ന് സമനിലയിൽ പിരിഞ്ഞ ശേഷം അൽ-നാസറും ടേബിൾ ടോപ്പർ അൽ-ഇത്തിഹാദും തമ്മിലുള്ള വ്യത്യാസം വെറും മൂന്ന് പോയിന്റായി കുറഞ്ഞു.ഈ സീസണിൽ 3 മത്സരങ്ങൾ കൂടി ബാക്കിയുണ്ട്.അൽ-നാസർ അടുത്തതായി മൂന്നാം സ്ഥാനക്കാരായ അൽ-ഷബാബിനെ മെയ് 24-ന് നേരിടും, അത് കിരീടം നേടുന്നതിനുള്ള നിർണ്ണായക നിമിഷമായിരിക്കും. അതേസമയം, അതേ ദിവസം തന്നെ തരംതാഴ്ത്തൽ ഭീഷണി നേരിടുന്ന അൽ-ബത്തിനെ അൽ-ഇത്തിഹാദ് നേരിടും. 27 മത്സരങ്ങളിൽ നിന്നും അൽ നാസറിന് 60 പോയിന്റും അൽ ഇത്തിഹാദിന്‌ 63 പോയിന്റും ആണുള്ളത്.