38-ാം വയസ്സിലും ക്രിസ്റ്റ്യാനോ റൊണാൾഡോ റെക്കോർഡുകൾ തകർത്തുകൊണ്ടേയിരിക്കുന്നു.മുൻ മാഞ്ചസ്റ്റർ യുണൈറ്റഡ്, റയൽ മാഡ്രിഡ്, യുവന്റസ് സൂപ്പർ താരത്തിന് “പ്രായം ഒരു നമ്പർ മാത്രമാണ്” എന്ന പഴഞ്ചൊല്ലിന്റെ ഉത്തമ ഉദാഹരമാണ്.
സൗദി പ്രോ ലീഗിൽ അൽ-നാസറിന് വേണ്ടി രണ്ട് തവണ സ്‌കോർ ചെയ്തുകൊണ്ട് അദ്ദേഹം അടുത്തിടെ തന്റെ മികച്ച കരിയറിൽ മറ്റൊരു നാഴികക്കല്ല് കൂടി ചേർത്തു.ലീഗിൽ അൽ-ഷബാബിനെതിരെ 4-0 ത്തിന് വിജയിച്ച മത്സരത്തിൽ റൊണാൾഡോ പെനാൽറ്റി സ്പോട്ടിൽ നിന്ന് രണ്ട് ഗോളുകൾ നേടി. ലീഗിൽ 2023/24 സീസണിലെ നാല് ഗെയിമുകളിൽ നിന്ന് അഞ്ച് ഗോളുകൾ നേടി, രണ്ടു അസിസ്റ്റുകളും ഉൾപ്പെടുന്നു.ഇത് കലണ്ടർ വർഷത്തിലെ അദ്ദേഹത്തിന്റെ 30-ാം ഗോളും അടയാളപ്പെടുത്തി, കൈലിയൻ എംബാപ്പെയെക്കാൾ രണ്ട് ഗോളിന് മുന്നിലും മാഞ്ചസ്റ്റർ സിറ്റിയുടെ ഗോൾ സ്‌കോറിംഗ് മെഷീനായ എർലിംഗ് ഹാലൻഡിന് ഒരു ഗോളിന് പിന്നിലും എത്തി.
ഈ ഇരട്ട ഗോളോടെ റൊണാൾഡോ മറ്റൊരു അഭിമാനകരമായ ലോക റെക്കോർഡ് സ്വന്തമാക്കി.517 ഗോളുകളോടെ ദേശീയ ലീഗുകളിലെ എക്കാലത്തെയും മികച്ച ഗോൾ സ്‌കോറർ എന്ന പദവി ഉറപ്പിച്ചു.ഇന്റർനാഷണൽ ഫെഡറേഷൻ ഓഫ് ഫുട്ബോൾ ഹിസ്റ്ററി ആൻഡ് സ്റ്റാറ്റിസ്റ്റിക്സ് (IFFHS) റിപ്പോർട്ട് ചെയ്ത പ്രകാരം, ഇതിഹാസ ഓസ്ട്രിയൻ-ചെക്ക് ഫുട്ബോൾ താരം ജോസഫ് ബികാനും റയൽ മാഡ്രിഡ് ഐക്കൺ ഫെറൻക് പുസ്കസും ചേർന്ന് നേടിയ 515 ഗോളുകൾ എന്ന റെക്കോർഡ് മറികടന്നു.
🚨‼️ After his brace last night, Cristiano Ronaldo has now scored the Most Goals EVER in National Top flight Leagues. pic.twitter.com/G190lccSJ5
— TCR. (@TeamCRonaldo) August 30, 2023
യൂറോപ്പിലെ മികച്ച അഞ്ച് ലീഗുകളിൽ മൂന്നിൽ മത്സരിച്ചാണ് ഇത് നേടിയെടുത്തത്.ഇംഗ്ലീഷ് പ്രീമിയർ ലീഗ്, സ്പാനിഷ് ലാ ലിഗ, ഇറ്റാലിയൻ സീരി എ എന്നിവയ്‌ക്കൊപ്പം പോർച്ചുഗീസ് ടോപ്പ് ഫ്ലൈറ്റിലും ഏറ്റവും സമീപകാലത്ത് സൗദി പ്രോ ലീഗിലും ഗോൾ നേടി.ക്രിസ്റ്റ്യാനോക്ക് 21 ഗോളുകൾക്ക് [പിന്നിലായി 496 ഗോളുകളുമായി അദ്ദേഹത്തിന്റെ നിത്യ എതിരാളിയായ ലയണൽ മെസ്സി നാലാം സ്ഥാനത്താണ്.