സൗദി പ്രൊ ലീഗിൽ ക്രിസ്റ്റ്യാനോ റൊണാൾഡോയുടെ സംഹാരതാണ്ഡവം. ഹാട്രിക്കും അസിസ്റ്റുമായി റോണോ കളം നിറഞ്ഞപ്പോൾ അൽ നസ്ർ സീസണിലെ ആദ്യ വിജയവും സ്വന്തമാക്കി. ഇന്ന് അൽ ഫതെയെ നേരിട്ട അൽ നസ്ർ എതിരില്ലാത്ത 5 ഗോളുകൾക്കാണ് വിജയിച്ചത്.
സാദിയോ മാനെയാണ് അൽ നസ്റിന്റെ ഗോൾ മഴയ്ക്ക് തുടക്കമിട്ടത്. 27 ആം മിനുട്ടിൽ റൊണാൾഡോയുടെ പാസ്സിൽ നിന്നായിരുന്നു മാനെയുടെ ഗോൾ. ആദ്യ ഗോൾ പിറന്ന് പത്ത് മിനുട്ടിന് പിന്നാലെ അൽ നസ്റിന്റെ രണ്ടാം ഗോളും പിറന്നു. ഇത്തവണ റോണോ തന്നെയാണ് വല കുലുക്കിയത്. പ്രൊ ലീഗ് സീസണിലെ റൊണാൾഡോയുടെ ആദ്യ ഗോളാണിത്.
രണ്ടാം പകുതിയുടെ തുടക്കത്തിൽ വീണ്ടും ഗോൾ വല കുലുക്കി റൊണാൾഡോ മത്സരം 3-0 എന്ന നിലയിലാക്കി. 81 ആം മിനുട്ടിൽ മാനെ തന്റെ രണ്ടാം ഗോൾ നേടിയതോടെ മത്സരം 4-0 എന്ന നിലയിലായി. മത്സരം അവസാനിക്കാൻ മിനുട്ടുകൾ മാത്രം ബാക്കി നിൽക്കെ റൊണാൾഡോ തന്റെ ഹാട്രിക്കും തികച്ചു.സൗദിയിലെ റൊണാൾഡോയുടെ ആദ്യ ഹാട്രിക്കാണിത്.
Ronaldooooooooooooooo 🤩🤩🤩🤩🐐🐐🐐 pic.twitter.com/1qDRH9O3eV
— AlNassr FC (@AlNassrFC_EN) August 25, 2023
AlNassr Symphony Orchestra 🎶💛 pic.twitter.com/9QzLpLyf70
— AlNassr FC (@AlNassrFC_EN) August 25, 2023
പ്രൊ ലീഗിലെ ആദ്യ രണ്ട് മത്സരങ്ങളിലും പരാജയപ്പെട്ട അൽ നസ്റിന്റെ സീസണിലെ ആദ്യ വിജയം കൂടിയാണിത്. ആദ്യ വിജയത്തിന് പിന്നാലെ ക്രിസ്റ്റ്യാനോ റൊണാൾഡോയുടെ ഉജ്ജ്വല ഫോമും ടീമിന് ആത്മ വിശ്വാസം നൽകുന്നുണ്ട്.