2002-03 സീസണിൽ യുവേഫ കപ്പിന്റെ (ഇപ്പോൾ യൂറോപ്പ ലീഗ് ) ആദ്യ റൗണ്ടിൽ പങ്കെടുക്കുമ്പോൾ ക്രിസ്റ്റ്യാനോ റൊണാൾഡോയ്ക്ക് 17 വയസ്സായിരുന്നു. തന്റെ ബാല്യകാല ക്ലബായ സ്പോർട്ടിംഗ് ലിസ്ബൺ ആ മത്സരത്തിൽ പാർട്ടിസാന് ബെൽഗ്രേഡിനെയാണ് നേരിട്ടത്.
പോർച്ചുഗലിൽ നടന്ന ആദ്യ പാദം 3-1 ന് സെർബിയൻ വിജയിച്ചു.ആ മത്സരത്തിൽ റൊണാൾഡോ രണ്ടാം പകുതിയിൽ പകരക്കാരനായി ഇറങ്ങി. രണ്ടാം പാദ മത്സരത്തിനായി മത്സരത്തിനായി സ്പോർട്ടിംഗ് ബെൽഗ്രേഡിലേക്ക് പോയപ്പോൾ റൊണാൾഡോ ആദ്യ ടീമിൽ ഉൾപ്പെട്ടു . രണ്ടാം പാദത്തിൽ വിറ്റാലി കുട്ടുസോവിന്റെ ഗോളിന് റൊണാൾഡോയുടെ അസിസ്റ്റ് കൊടുത്തെങ്കിലും സ്പോർട്ടിങ്ങിനു വിജയിക്കാൻ സാധിച്ചില്ല. രണ്ടാം പാദത്തിൽ റൊണാൾഡോ 74 മിനിറ്റ് കളിച്ചു .അധിക സമയത്തിന് ശേഷം 3-3 ന് ആവേശകരമായ സമനിലയിൽ കലാശിച്ചു.സെർബിയൻ ക്ലബ് 6-4 എന്ന സ്കോറിനാണ് വിജയിച്ചത്.
അതിനുശേഷം റൊണാൾഡോ മാഞ്ചസ്റ്റർ യുണൈറ്റഡിൽ എത്തുകയും ഓരോ യുവേഫ ചാമ്പ്യൻസ് ലീഗ് സീസണിലും പങ്കെടുക്കുകയും ലീഗിലെ ഏറ്റവും മികച്ച കളിക്കാരിൽ ഒരാളായി വളരുകയും ചെയ്തു.തന്റെ കരിയറിൽ 140 ഗോളുകൾ നേടിയ അദ്ദേഹം അഞ്ച് തവണ മികച്ച ട്രോഫി സ്വന്തമാക്കി. എന്നിരുന്നാലും, ഈ സീസണിൽ കഥ വ്യത്യസ്തമാണ്. യൂറോപ്പിലെ രണ്ടാം നിര മത്സരമായ യൂറോപ്പ ലീഗിലാണ് യുണൈറ്റഡിന് വേണ്ടി റൊണാൾഡോ കളിക്കുന്നത്.20 വർഷത്തിന് ശേഷം വീണ്ടും 37 കാരൻ യൂറോപ്പ ലീഗിന്റെ രുചി അറിയാൻ തയ്യാറെടുക്കുകയാണ്‌. ഇന്ന് നടക്കുന്ന മത്സരത്തിൽ സ്പാനിഷ് ക്ലബ് റയൽ സോസോഡാഡാണ് യുണൈറ്റഡിന്റെ എതിരാളികൾ.മത്സരത്തിൽ റൊണാൾഡോ സ്റ്റാർട്ടിങ് ലൈൻ അപ്പിലേക്ക് മടങ്ങു വരും എന്ന സൂചന ടെൻ ഹാഗ് നൽകുകയും ചെയ്തു.
യൂറോപ്പ ലീഗ് റൊണാൾഡോക്ക് അപരിചിതമായ ഒന്നാണെങ്കിലും എതിരാളികളായ റയൽ സോസിഡാഡ് താരത്തിന്റെ ഇഷ്ട എതിരാളികളാണ്.റയൽ മാഡ്രിഡിൽ കളിച്ചിരുന്നപ്പോൾ റയൽ സോസിഡാഡിനെതിരെ മികച്ച റെക്കോർഡാണ് റൊണാൾഡോയ്ക്കുള്ളത്.ഓൾഡ് ട്രാഫോർഡിൽ ഇത് തുടരാനും ഈ സീസണിൽ ആദ്യമായി സ്കോർഷീറ്റിലെത്താനും അദ്ദേഹം നോക്കും.മൊത്തത്തിൽ ഒമ്പത് തവണ അദ്ദേഹം അവരെ നേരിട്ടു, ഒമ്പത് മത്സരങ്ങളും വിജയിച്ച് 100 ശതമാനം വിജയനിരക്കുണ്ട്.ഈ ഒമ്പത് മത്സരങ്ങളിൽ റൊണാൾഡോ അവിശ്വസനീയമായ 15 ഗോളുകൾ നേടി, കൂടാതെ നാല് അസിസ്റ്റുകളും നൽകി.സോസിഡാഡിനെതിരെ കളിച്ച ഒമ്പത് മത്സരങ്ങളിൽ ഏഴിലും റൊണാൾഡോ സ്‌കോർ ചെയ്തു.ഇതിൽ രണ്ട് ഹാട്രിക്കുകളും ഉൾപ്പെടുന്നു.
Pela primeira vez desde 2002/03, Cristiano Ronaldo não vai jogar a Champions League.
— B24 (@B24PT) September 6, 2022
Não será a mesma coisa sem ele… pic.twitter.com/L66Cb45Ayk
ഇന്നത്തെ മത്സരത്തിൽ സൂപ്പർ സ്‌ട്രൈക്കർ റെഡ് ഡെവിൾസിന്റെ മുന്നേറ്റത്തിന് നേതൃത്വം നൽകുമെന്നും ഗോളുകൾ കണ്ടെത്തും എന്ന വിശ്വാസത്തിലാണ് ആരാധകർ.പുതിയ മാനേജർ എറിക് ടെൻ ഹാഗിന്റെ കീഴിൽ മാഞ്ചസ്റ്റർ യുണൈറ്റഡിന് വരണ്ട തുടക്കമായിരുന്നു.ബ്രൈറ്റണിനോടും ബ്രെന്റ്‌ഫോർഡിനോടും അവർ തങ്ങളുടെ രണ്ട് ഓപ്പണിംഗ് ഗെയിമുകളും തികച്ചും അപമാനകരമായി തോറ്റു. എന്നാൽ കരുത്തരായ ലിവർപൂളിനും ആഴ്സണലിനും എതിരായ രണ്ട് വിജയങ്ങൾ ഉൾപ്പെടെ നാല് മത്സരങ്ങൾ തുടർച്ചയായി വിജയിച്ച് മികച്ച തിരിച്ചു വരവ് നടത്തിയത്.റൊണാൾഡോ ക്ലബ്ബിനായി ഒരു മത്സരം മാത്രമാണ് ആരംഭിച്ചത്.