കളിക്കളത്തിൽ വെച്ച് രണ്ട് തവണ ഹൃദയാഘാതം, ഏറെക്കുറെ അവസാനിച്ച കരിയർ മനക്കരുത്തിലൂടെ തിരിച്ചു പിടിച്ച ഡാലി ബ്ലൈൻഡ് |Qatar 2022 |Daley Blind

നാളെ നടക്കുന്ന ലോകകപ്പ് ക്വാർട്ടർ മത്സരത്തിൽ അര്ജന്റീന യൂറോപ്യൻ പവർ ഹൗസുകളായ ഹോളണ്ടിനെ നേരിടും. 1998 ലെ ഫ്രാൻസ് വേൾഡ് കപ്പിലെ ക്ലാസിക് പോരാട്ടത്തിന്റെ ഓര്മയിലാണ് ഇരു ടീമുകളും ലുസൈൽ സ്റ്റേഡിയത്തിൽ ഏറ്റുമുട്ടുക.

ഓസ്‌ട്രേലിയയെ പരാജയപ്പെടുത്തിയെത്തുന്ന അര്ജന്റീനയും യുഎസ്എ യെ കീഴടക്കിയെത്തുന്ന ഡച്ച് പടയും തുല്യ ശക്തികളാണ്. നാളത്തെ ക്വാർട്ടർ മത്സരം നെതർലൻഡ്‌സ് ഡിഫൻഡർ ഡെയ്‌ലി ബ്ലൈൻഡിന് വളരെയേറെ പ്രത്യേകതയുള്ളതാവും. 2014-ൽ ബ്രസീലിൽ നടന്ന സെമി ഫൈനലിന് ശേഷം ലയണൽ മെസ്സിയുമായും അർജന്റീനയുമായും വീണ്ടു ഏറ്റുമുട്ടുണന്ത് കൊണ്ടോ ഓറഞ്ച് ജേഴ്സിയിൽ തന്റെ 99-ാമത്തെ മത്സരത്തിനിറങ്ങുന്നത്കൊണ്ടോ അല്ല. മൈതാനത്ത് രണ്ട് തവണ ഹൃദയാഘാതമുണ്ടായിട്ടും കളിക്കുന്നത് തുടരാൻ അദ്ദേഹത്തിന് കഴിയുകയും ലോകകപ്പിൽ ഹോളണ്ടിനെ മുന്നോട്ട് കൊണ്ട് പോവാനും സാധിച്ചു.

32 കാരനായ ബ്ലൈൻഡിന്റെ നെഞ്ചിൽ ഇംപ്ലാന്റബിൾ കാർഡിയോവർട്ടർ ഡീഫിബ്രിലേറ്റർ (ഐസിഡി) ഉണ്ട്, ക്രമരഹിതമായ ഹൃദയമിടിപ്പ് കണ്ടെത്താനും പെട്ടെന്നുള്ള ഹൃദയസ്തംഭനമുണ്ടായാൽ ജീവൻ രക്ഷിക്കുന്ന ഷോക്ക് നൽകാനും ഇതിനു സാധിക്കും.കഴിഞ്ഞ വർഷത്തെ യൂറോപ്യൻ ചാമ്പ്യൻഷിപ്പിൽ ഹൃദയസ്തംഭനം നേരിട്ട ക്രിസ്റ്റ്യൻ എറിക്സനെ തന്റെ കരിയർ പുനരാരംഭിക്കാൻ അനുവദിച്ച അതേ ഉപകരണമാണിത്.

നാല് വർഷം മാഞ്ചസ്റ്റർ യുണൈറ്റഡിൽ ചെലവഴിച്ച ബ്ലൈൻഡിന് 2019 ൽ അയാക്സിന്റെ വലൻസിയയ്‌ക്കെതിരായ ചാമ്പ്യൻസ് ലീഗ് മത്സരത്തിൽ ഹൃദയാഘാതം ഉണ്ടായി, തലകറക്കം അനുഭവപ്പെടുകയും വേഗത്തിൽ ചികിത്സയ്ക്കായി കൊണ്ടുപോകുകയും ചെയ്തു.ഹാർട്ട് റിഥം ഡിസോർഡർ കണ്ടെത്തിയ ഡോക്ടർമാർ അദ്ദേഹത്തിന്റെ പ്രൊഫഷണൽ ജീവിതം അവസാനിച്ചതായി ആദ്യം നിർദ്ദേശിച്ചു.ഡച്ച് ഇന്റർനാഷണലും ഇപ്പോൾ ലോകകപ്പിലെ ലൂയിസ് വാൻ ഗാലിന്റെ അസിസ്റ്റന്റുമായ തന്റെ പിതാവ് ഡാനിയുടെ പ്രതികരണം തനിക്ക് തുടരാനുള്ള പ്രചോദനം നൽകിയതെങ്ങനെയെന്ന് ബ്ലൈൻഡ് പറയുന്നു.

“എപ്പോഴും എന്നിൽ തങ്ങിനിൽക്കുന്ന ഒരു കാര്യം അച്ഛന്റെ പ്രതികരണമായിരുന്നു. മറ്റെന്തെങ്കിലും മാർഗമുണ്ടോ എന്ന് അയാൾ ഡോക്ടറോട് ചോദിച്ചുകൊണ്ടിരുന്നു. അദ്ദേഹത്തിന്റെ ശാന്തമായ കാഴ്ചപ്പാട് എനിക്ക് പ്രതീക്ഷ നൽകി” ബ്ലിൻഡ് പറഞ്ഞു.ഡിഫിബ്രിലേറ്റർ ഘടിപ്പിച്ച് എട്ട് മാസങ്ങൾക്ക് ശേഷം ഐസിഡി ഓഫായപ്പോൾ നിലവിളിച്ചുകൊണ്ട് പിച്ചിൽ പെട്ടെന്ന് ബ്ലൈൻഡ് മൈതാനത്ത് കുഴഞ്ഞു വീഴുന്ന സംഭവവും ഉണ്ടായി.എന്നിരുന്നാലും, പിച്ചിൽ നിന്ന് എഴുന്നേറ്റു നടക്കാൻ അദ്ദേഹത്തിന് കഴിഞ്ഞു, അധികം താമസിയാതെ തന്നെ ഡോക്ടർമാർ എല്ലാം ക്ലിയർ ചെയ്തു.

നെതർലൻഡ്‌സ് അർജന്റീനയെ നേരിടാൻ ഒരുങ്ങുമ്പോൾ ബ്ലൈൻഡ് ഇപ്പോൾ കരിയർ ഹൈലൈറ്റിന്റെ കൊടുമുടിയിലാണ്. കഴിഞ്ഞ ശനിയാഴ്ച അമേരിക്കയ്‌ക്കെതിരായ അവസാന-16 മത്സരത്തിൽ അദ്ദേഹം സ്‌കോർ ചെയ്യുകയും സഹ വിങ് ബാക്ക് ഡെൻസൽ ഡംഫ്രീസിനൊപ്പം 3-1 ന് മികച്ച വിജയത്തിൽ താരമായി മാറുകയും ചെയ്തു. 2014 ലോകകപ്പ് സെമി ഫൈനലിൽ അർജന്റീനയെ നേരിട്ടപ്പോൾ സൂപ്പർ താരം ലയണൽ മെസ്സിയെ കടുത്ത മാർക്കിങ്ങിന് വിധേയനാക്കിയ അയാക്സ് ഡിഫൻഡർ സൂപ്പർ താരത്തിന്റെ എല്ലാ നീക്കങ്ങളും തടഞ്ഞു. നാളെ വീണ്ടും അര്ജന്റീന എതിരാളികളായി വരുമ്പോൾ എട്ടു വര്ഷം മുൻപത്തെ ദൗത്യം തന്നെയായിരിക്കും ബ്ലൈൻഡിന്‌ ഉണ്ടാവുക.