ബുണ്ടസ്‌ലീഗയിൽ ഗോളടിച്ചു കൂട്ടി പ്രീമിയർ ലീഗിലെത്തിയ നോർവീജിയൻ സൂപ്പർ സ്‌ട്രൈക്കർ ഏർലിങ് ഹാലാൻഡ് ഒരു പുതിയ ലീഗുമായി പൊരുത്തപ്പെടാൻ സമയം എടുക്കും എന്നാണ് എല്ലാവരും കരുതിയത്. എന്നാൽ ആ ചിന്തകളെയെല്ലാം മറികടക്കുന്ന പ്രകടനമാണ് ഹാലാൻഡ് പുറത്തെടുത്തത്.മുൻ ബൊറൂസിയ ഡോർട്ട്മുണ്ട് സ്‌ട്രൈക്കർ തന്റെ ടീമിന്റെ സീസണിലെ ആദ്യ അഞ്ച് ലീഗ് മത്സരങ്ങളിൽ ഒമ്പത് ഗോളുകൾ നേടിയിട്ടുണ്ട്, ഇതിനകം രണ്ട് ഹാട്രിക്കുകൾ നേടിയിട്ടുണ്ട്.
നോട്ടിംഗ്ഹാം ഫോറസ്റ്റിനെതിരെ തുടർച്ചയായ രണ്ടാം പ്രീമിയർ ലീഗ് ഹാട്രിക്ക് നേടുന്നതിന് മാഞ്ചസ്റ്റർ സിറ്റി സ്‌ട്രൈക്കറിന് വെറും 38 മിനിറ്റ് മതിയായിരുന്നു. മത്സരത്തിൽ സിറ്റി 6-0 എന്ന സ്കോറിനാണ് വിജയം നേടിയത്.ക്രിസ്റ്റൽ പാലസിനെതിരായ തന്റെ മുൻ ഔട്ടിംഗിൽ 19 മിനിറ്റിനുള്ളിൽ ഹാലാൻഡ് ഹാട്രിക്ക് നേടിയിരുന്നു.ചെൽസിയും മാഞ്ചസ്റ്റർ യുണൈറ്റഡും ഉൾപ്പെടെ 15 പ്രീമിയർ ലീഗ് ടീമുകളേക്കാൾ കൂടുതൽ ഗോളുകൾ ഈ സീസണിൽ ഹാലാൻഡ് നേടിയിട്ടുണ്ട്.ഇംഗ്ലണ്ടിലെ തന്റെ ആദ്യ മാസത്തിൽ തന്നെ ഹാലൻഡ് ഇതിനകം രണ്ട് പ്രീമിയർ ലീഗ് റെക്കോർഡുകൾ തകർത്തിട്ടുണ്ട് .സിറ്റിയിൽ കൂടുതൽ കാലം നിലനിക്കുകയും ഗോൾ സ്കോറിങ് തുടരുകയും ചെയ്താൽ കൂടുതൽ റെക്കോർഡുകൾ അദ്ദേഹം തകർക്കാൻ സാധ്യതയുണ്ട്.
വെസ്റ്റ് ഹാമിനെതിരെ രണ്ട് ഗോളുകൾ നേടിയാണ് ഹാലാൻഡ് സീസൺ ആരംഭിച്ചത്.ബോൺമൗത്തിനെതിരെ മാത്രമാണ് അദ്ദേഹത്തിന് ഗോൾ നേടാൻ സാധിക്കാതിരുന്നത്. പ്രീമിയർ ലീഗിൽ ഇതിനകം രണ്ടു റെക്കോർഡുകൾ തകർത്ത നോർവീജിയൻ 9 ഗോളുകളാണ് നേടിയത്.പ്രീമിയർ ലീഗിന്റെ ചരിത്രത്തിൽ ഓഗസ്റ്റിൽ ഏറ്റവും കൂടുതൽ ഗോളുകൾ നേടിയ താരം, മിക്കി ക്വിൻ, സെർജിയോ അഗ്യൂറോ എന്നിവരുടെ റെക്കോർഡ് മറികടന്നു.രണ്ട് പ്രീമിയർ ലീഗിൽ 21 ഹാട്രിക്കുകൾ നേടുന്നതിന് ആവശ്യമായ ഏറ്റവും കുറച്ച് ഗെയിമുകൾ എന്ന റെക്കോർഡ് ഡെംബ ബായുടെ കയ്യിൽ നിന്നും ഹാലാൻഡ് സ്വന്തമാക്കി.ഡെംബ ബാ 21 മത്സരങ്ങളിൽ നിന്നും രണ്ടു ഹാട്രിക്ക് നേടിയപ്പോൾ ഹലാൻഡിന് വേണ്ടി വന്നത് വെറും അഞ്ചു മത്സരങ്ങൾ മാത്രമാണ്.
Scoring (x3), @ErlingHaaland. ⚽️⚽️⚽️pic.twitter.com/9w5liTqzFi
— City Xtra (@City_Xtra) August 31, 2022
ഹാലൻഡ് ഫിറ്റ്നസ് നിലനിർത്തി മാഞ്ചസ്റ്ററിൽ തുടരുകയാണെങ്കിൽ, അലൻ ഷിയററുടെ 260 ഗോളുകളുടെ പ്രീമിയർ ലീഗ് റെക്കോർഡ് പോലും തകർക്കപെടും ഏന് പല ഫുട്ബോൾ പണ്ഡിറ്റുകളും അഭിപ്രായപ്പെട്ടു.“ഈ കളിക്കാരൻ മിക്കവാറും എല്ലാ ഗോൾ സ്‌കോറിംഗ് റെക്കോർഡുകളും തകർക്കാൻ പോകുന്നു,” ബുധനാഴ്ചത്തെ ഫൈനൽ വിസിലിന് ശേഷം മൈക്കൽ ഓവൻ ട്വീറ്റ് ചെയ്തു.”അദ്ദേഹം വളരെ വേഗമേറിയവനാണ്, അവൻ ലക്ഷ്യത്തിന് മുന്നിൽ പൂർണ്ണമായി പൂർത്തിയാക്കുന്നു. ഡസൻ കണക്കിന് അവസരങ്ങൾ സൃഷ്ടിക്കുന്ന ഒരു ടീമിലാണ് അദ്ദേഹം കളിക്കുന്നത്. നിങ്ങൾക്ക് വേണ്ടത് പരിക്ക് ഒഴിവാക്കുക എന്നതാണ് ” ഓവൻ കൂട്ടിച്ചേർത്തു.
പാലസിനെതിരായ രണ്ടാമത്തെ 45-ലും ഫോറസ്റ്റിനെതിരായ ആദ്യ 45-ലും ആറ് ഗോളുകൾ നേടാൻ ഹാലാൻഡിന് 90 മിനിറ്റ് മാത്രമേ ആവശ്യമുള്ളൂവെന്ന് തിഹാസ ഇംഗ്ലീഷ് സ്‌ട്രൈക്കറായ ഗാരി ലിനേക്കർ പറഞ്ഞു. ഇങ്ങനെ പോവുകയാണെങ്കിൽ സ്പർസ് സ്‌ട്രൈക്കർ ഹാരി കെയ്‌നിന് മുമ്പ് നോർവീജിയൻ ഷിയററെ മറികടക്കും എന്നും അദ്ദേഹം പറഞ്ഞു.
The goal that sealed a second hat-trick in two matches! ⚽⚽⚽@ErlingHaaland | #ManCity pic.twitter.com/qE6tyYPVk5
— Manchester City (@ManCity) August 31, 2022
“സിറ്റി എർലിംഗിനെ വാങ്ങിയപ്പോൾ, അദ്ദേഹം മുൻകാലങ്ങളിൽ ചെയ്ത കാര്യങ്ങളെക്കുറിച്ച് എല്ലാവരും സംസാരിച്ചു. ഞങ്ങൾ ചെയ്യാൻ ആഗ്രഹിച്ചത് അവനെ സഹായിക്കുക എന്നതാണ്. ആസ്വദിച്ച് കൂടുതൽ ഗോളുകൾ നേടാൻ അദ്ദേഹത്തിന് കഴിയുമെന്ന് പ്രതീക്ഷിക്കുന്നു. നോർവേയിലും ഓസ്ട്രിയയിലും ജർമ്മനിയിലും അദ്ദേഹം എന്താണ് ചെയ്തത്. അവൻ ഇവിടെ ചെയ്യാൻ ശ്രമിക്കുന്നു. അവൻ കഴിവുള്ളവനാണ്, ഞങ്ങൾക്ക് അത് അറിയാമായിരുന്നു” സിറ്റി പരിശീലകൻ ഗാർഡിയോള ഹാലണ്ടിനെക്കുറിച്ച് പറഞ്ഞു.