ലയണൽ മെസ്സി ഈ സീസണിൽ ഏവരെയും വിസ്മയിപ്പിച്ചു കൊണ്ടിരിക്കുകയാണ്. കഴിഞ്ഞ സീസണിൽ അദ്ദേഹത്തെ എഴുതിത്തള്ളിയവർക്കെല്ലാം മെസ്സി ഇപ്പോൾ മറുപടി നൽകിക്കൊണ്ടിരിക്കുകയാണ്. ഖത്തർ വേൾഡ് കപ്പ് അടുത്തിരിക്കെ ദിവസം കൂടുന്തോറും മെസ്സിയുടെ പ്രകടനം മെച്ചപ്പെട്ടു കൊണ്ടിരിക്കുന്നു.
പിഎസ്ജിക്ക് വേണ്ടി അവസാനമായി കളിച്ച രണ്ടു മത്സരങ്ങളിൽ നിന്ന് നാല് അസിസ്റ്റുകളും 3 ഗോളുകളുമാണ് മെസ്സി നേടിയിട്ടുള്ളത്.അതായത് രണ്ടു മത്സരങ്ങളിൽ നിന്ന് ഏഴു ഗോൾ കോൺട്രിബ്യൂഷൻ. ഈ സീസണിൽ ഇപ്പോൾ തന്നെ ആകെ 27 ഗോൾ കോൺട്രിബ്യൂഷൻ നടത്താൻ മെസ്സിക്ക് സാധിച്ചു.
ലയണൽ മെസ്സിയുടെ ഈ മികവിന് പുകഴ്ത്തിക്കൊണ്ട് മാഞ്ചസ്റ്റർ യുണൈറ്റഡ് ഇതിഹാസമായ പീറ്റർ ഷ്‌മൈക്കൽ സംസാരിച്ചിട്ടുണ്ട്. ലയണൽ മെസ്സി തന്റെ സഹതാരങ്ങളെ എല്ലാവരെയും കളിപ്പിക്കുന്നുവെന്നും മെസ്സിക്ക് ഗോൾ ലഭിക്കുന്നതോടെ എല്ലാവരും സജീവമാകുന്നു എന്നുമാണ് പീറ്റർ പറഞ്ഞിട്ടുള്ളത്.
‘ നിങ്ങൾ പിഎസ്ജിയുടെ കാണുകയാണെങ്കിൽ ലയണൽ മെസ്സി മറ്റുള്ള സഹതാരങ്ങളെ എങ്ങനെ കളിപ്പിക്കുന്നുവെന്നുള്ളത് നിങ്ങൾക്ക് കാണാൻ സാധിക്കും.മെസ്സിക്ക് ബോൾ ലഭിക്കുന്നതോടുകൂടി എല്ലാവരും സജീവമാകുന്നു.എംബപ്പേയും ഹക്കീമിയും ബെർണാട്ടുമൊക്കെ ഓടാൻ ആരംഭിക്കുന്നു.അവർ ലയണൽ മെസ്സിയെ അത്രത്തോളം വിശ്വസിക്കുന്നു.മാത്രമല്ല അവിശ്വസനീയമായ പാസുകൾ കണ്ടെത്തുകയും ചെയ്യുന്നു. അത്ഭുതകരം തന്നെ ‘ പീറ്റർ പറഞ്ഞു.
🗣Peter Schmeichel :
— Dev (@Shahcasticdev) October 26, 2022
“When you are watching the game, you see how Messi makes everyone play. Once he has the ball, everyone comes alive. Mbappe starts running including Hakimi & Bernat. It’s incredible how much they trust him to find them with crazy passes” pic.twitter.com/4ISYtckZ1S
പിഎസ്ജിയിൽ പ്ലേ മേക്കർ എന്ന നിലയിൽ അവിശ്വസനീയമായ പ്രകടനമാണ് മെസ്സി പുറത്തെടുക്കുന്നത്.പിഎസ്ജിയുടെ പ്രകടനത്തിന്റെ നിയന്ത്രണം തന്നെ മെസ്സിയുടെ കാലുകളിലാണ് എന്ന് ചിലപ്പോൾ പറയേണ്ടിവരും. അത്രയേറെ നിറഞ്ഞു കളിക്കുകയാണ് മെസ്സി ഇപ്പോൾ ചെയ്യുന്നത്.