അർജന്റീനയെ എതിരില്ലാത്ത ഒരു ഗോളിന് പരാജയപ്പെടുത്തി ഫ്രാൻസ് ഒളിമ്പിക്സ് സെമി ഫൈനലിൽ. ബോർഡോയിൽ നടന്ന മത്സരത്തിൽ അഞ്ചാം മിനുട്ടിൽ ക്രിസ്റ്റൽ പാലസ് താരം ജീൻ-ഫിലിപ്പ് മറ്റെറ്റയുടെ ഗോളാണ് ഫ്രാൻസിന് സെമിയിൽ സ്ഥാനം നേടിക്കൊടുത്തത്.
മൈക്കൽ ഒലീസിൻ്റെ കോർണറിൽ ഒരു ഇഞ്ച് പെർഫെക്റ്റ് ഹെഡ്ഡറിലൂടെയാണ് താരം ഗോൾ നേടിയത്.സെമിഫൈനൽ മത്സരത്തിൽ ഫ്രഞ്ച് പട ഇനി ഈജിപ്തിനെ നേരിടും. സമനില ഗോൾ നേടാൻ അര്ജന്റീനക്ക് അവസരം ലഭിച്ചെങ്കിലും അതൊന്നും ലക്ഷ്യത്തിലെത്തിക്കാൻ സാധിച്ചില്ല. 2022 ലോകകപ്പ് ഫൈനൽ മുതൽ ഫ്രാൻസും അർജൻ്റീനയും തമ്മിലുള്ള മത്സരം വർദ്ധിച്ചുകൊണ്ടിരിക്കുകയാണ്.
ലോകകപ്പി ഫൈനലിൽ പെനാൽറ്റി ഷൂട്ട് ഔട്ടിലാണ് അര്ജന്റീന ഫ്രാൻസിനെ പരാജയപെടുത്തിയത്.നാല് വർഷം മുമ്പ് ഫ്രാൻസിനെതിരെ രണ്ടാം റൗണ്ടിലെ തോൽവിക്ക് പ്രതികാരം ചെയ്തു.മറ്റൊരു ക്വാർട്ടർ ഫൈനലിൽ യുണൈറ്റഡ് സ്റ്റേറ്റ്സിനെതിരെ 4-0 ന് മികച്ച വിജയത്തോടെ മൊറോക്കോ ആദ്യമായി ഒളിമ്പിക് ഫുട്ബോൾ സെമിഫൈനലിലെത്തി.ക്വാർട്ടർ ഫൈനലിൽ ജപ്പാനെ 3-0 ന് പരാജയപ്പെടുത്തിയ സ്പെയിനുമായി ഏറ്റുമുട്ടും.