ഖത്തർ ലോകകപ്പിന് മുമ്പുള്ള അവസാന സന്നാഹ മത്സരവും കഴിഞ്ഞ് അർജന്റീന ഇനി ഖത്തറിലേക്ക്!!അബുദാബിയിൽ നടന്ന മത്സരത്തിൽ യുഎഇ എതിരില്ലാത്ത അഞ്ചു ഗോളുകൾക്കാണ് അർജന്റീന തകർത്ത് തരിപ്പണമാക്കിയത്.അർജന്റീനക്ക് വേണ്ടി ഡി മരിയ ഇരട്ട ഗോളുകൾ നേടിയപ്പോൾ സൂപ്പർതാരം ലയണൽ മെസ്സി,ആൽവരെസ്, കൊറേയ എന്നിവർ ഓരോ ഗോളുകൾ നേടി പട്ടിക പൂർത്തിയാക്കി.
മുഹമ്മദ് ബിൻ സായിദ് സ്റ്റേഡിയത്തിൽ കളിയുടെ തുടക്കം മുതൽ അർജന്റീനയാണ് കളം നിറഞ്ഞു കളിച്ചത്.നിരന്തരമായ അർജന്റീനിയൻ മുന്നേറ്റങ്ങളിൽ യു.എ.ഇ പ്രതിരോധത്തിന് ഇളക്കം തട്ടി . കളിയുടെ 17ാം മിനിറ്റിൽ അർജന്റീന ആദ്യ ഗോൾ കണ്ടെത്തി.വലതു വിങ്ങിലൂടെ കുതിച്ചു പാഞ്ഞ ലയണൽ മെസി മറിച്ചു നൽകിയ പന്തിനെ ജൂലിയൻ അൽവാരസ് വലയിലെത്തിക്കുകയായിരുന്നു.
ഗോൾ വീണ് എട്ട് മിനിറ്റ് കഴിഞ്ഞതും അർജന്റീന അടുത്ത ഗോളും കണ്ടെത്തി.മാർകോസ് അക്വിനയുടെ ക്രോസിൽ മനോഹരമായൊരു കർവിങ് ഷോട്ടിലൂടെ യുഎഇ വല കുലുക്കി.37ാം മിനിറ്റിൽ പെനാൽട്ടി ബോക്‌സിന് അകത്ത് രണ്ട്ന്നാം ഡിഫന്റമാരെ വെട്ടിച്ച് ഡി മരിയ അർജന്റീനയുടെ മൂന്നാമത്തെ ഗോൾ നേടി. ഒന്നാം പകുതി അവസാനിക്കാൻ ഒരു മിനിറ്റ് മാത്രം ബാക്കി നിൽക്കേ ആയിരുന്നു സൂപ്പർ താരം ലയണൽ മെസിയുടെ പിറന്നത്.
LIONEL MESSI GOAL FOR ARGENTINA!pic.twitter.com/lQDo9V90H0
— Roy Nemer (@RoyNemer) November 16, 2022
ഡി മരിയ നൽകിയ പാസ്സുമായി ഡിഫെൻഡർമാരെ മറികടന്നു പന്ത് വലയിലാക്കി. പകുതിയിലും അര്ജന്റീന ആധ്യപത്യമാണ് കാണാൻ സാധിച്ചത്. 59 ആം മിനുട്ടിൽ ഡി പോൾ നൽകിയ പാസിൽ കൊറിയ അർജന്റീനയുടെ അഞ്ചാമത്തെ ഗോൾ നേടി.