ടീമിന്റെ തോൽവിയിൽ അൽ-നാസർ സ്റ്റാഫിനോട് ദേഷ്യത്തോടെ പെരുമാറി ക്രിസ്റ്റ്യാനോ റൊണാൾഡോ |Cristiano Ronaldo

ഇന്നലെ നടന്ന കിംഗ്സ് കപ്പ് സെമി ഫൈനലിൽ അൽ വെഹ്ദയോട് തോറ്റ് അൽ നാസ്സർ പുറത്തായിരുന്നു. തോൽവിയോടെ ക്രിസ്റ്റ്യാനോ റൊണാൾഡോയ്ക്ക് അൽ നാസറിന് മറ്റൊരു തിരിച്ചടി കൂടി നേരിട്ടിരിക്കുകയാണ്. അൽ വെഹ്ദയ്‌ക്കെതിരായ ആദ്യ പകുതിയിൽ അൽ നാസർ ഗോൾ വഴങ്ങിയതിന് ശേഷം നിരാശനായ ക്രിസ്റ്റ്യാനോ റൊണാൾഡോ ടീമംഗളോടും സ്റ്റാഫുകളോടും ദേഷ്യപ്പെടുകയും ചെയ്തു.

റൊണാൾഡോ വളരെയധികം നിരാശനായിരുന്നു.ആ നിരാശ അദ്ദേഹം പ്രകടിപ്പിക്കുകയും ചെയ്തു. ടീമിന്റെ മോശം പ്രകടനത്തിൽ റൊണാൾഡോ വളരെയധികം നിരാശനായിരുന്നു. മത്സരത്തിൽ വെഹ്‌ദ ഫോർവേഡ് ജീൻ-ഡേവിഡ് ബ്യൂഗൽ ഒരു തകർപ്പൻ ബൈസിക്കിൾ കിക്ക് നേടി റൊണാൾഡോയെയും അൽ-നാസറിനെയും കിംഗ്‌സ് കപ്പിൽ നിന്ന് പുറത്താക്കിയത്.

റൊണാൾഡോ ഇത്തരത്തിൽ പ്രതികരിക്കുന്നത് ഇതാദ്യമല്ല.കഴിഞ്ഞ മാസം സൗദി പ്രോ ലീഗിൽ അൽ-ഇത്തിഹാദിൽ അൽ-നാസർ ടീം 1-0 ന് തോറ്റതിന് ശേഷം റൊണാൾഡോ വെള്ളക്കുപ്പികൾ ചവിട്ടി തെറിപ്പിച്ചാണ് ഡ്രെസ്സിങ്‌ റൂമിലേക്ക് പോയത്.നേരത്തെ സൗദി ലീഗിൽ അൽ വെഹ്ദക്കെതിരെ കളിച്ച സമയത്ത് എതിരില്ലാത്ത നാല് ഗോളുകൾക്ക് അൽ നസ്ർ വിജയിച്ചിരുന്നു.അന്ന് നാലു ഗോളുകളും നേടിയിരുന്നത് റൊണാൾഡോ തന്നെയായിരുന്നു.

പക്ഷേ ഇപ്പോൾ ടീമിന്റെ പ്രകടനം വളരെ മോശമാവുകയാണ് ചെയ്തിട്ടുള്ളത്. മാഞ്ചസ്റ്റർ യുണൈറ്റഡിൽ നിന്നും സൗദിയിലെത്തിയ റൊണാൾഡോക്ക് അവിടെയും ബുദ്ധിമുട്ടേറിയ ഒരു സാഹചര്യത്തെയാണ് അഭിമുഖീകരിക്കേണ്ടി വരുന്നത്. മത്സരത്തിൽ സൂപ്പർ താരം ക്രിസ്റ്റ്യാനോ റൊണാൾഡോ ക്ലബ്ബിനുവേണ്ടി കളിച്ചിരുന്നുവെങ്കിലും അദ്ദേഹത്തിന് കാര്യമായി ഒന്നും ചെയ്യാൻ കഴിഞ്ഞിരുന്നില്ല. മാത്രമല്ല തുടർച്ചയായി അൽ നസ്റും റൊണാൾഡോയും ഗോൾ നേടാനാവാതെ പോകുന്നത് മൂന്നാമത്തെ മത്സരത്തിലാണ്.