ഈ ഗ്രഹത്തിലെ ഏറ്റവും മികച്ച താരങ്ങളിൽ ഒരാളായി നെയ്മറെ ഞാൻ എന്നേ പരിഗണിച്ച് തുടങ്ങിയതാണെന്ന് PSG കോച്ച് ഗാൾട്ടിയർ

മുമ്പെങ്ങും കാണാത്ത വിധമുള്ള ഒരു നെയ്മർ ജൂനിയറെയാണ് ഇപ്പോൾ ഫുട്ബോൾ ആരാധകർ കണ്ടുകൊണ്ടിരിക്കുന്നത്. ഓരോ ദിവസം കൂടുന്തോറും കൂടുതൽ മികവിലേക്ക് നെയ്മർ ഉയർന്നുകൊണ്ടിരിക്കുകയാണ്. കഴിഞ്ഞ ബ്രസ്റ്റിനെതിരെയുള്ള മത്സരത്തിൽ പിഎസ്ജി വിജയിച്ചപ്പോഴും ആ ഗോളിന് നന്ദി പറയേണ്ടത് നെയ്മറോടാണ്. ഈ സീസണിൽ 9 മത്സരങ്ങൾ കളിച്ച നെയ്മർ പത്ത് ഗോളുകളും 7 അസിസ്റ്റുകളും സ്വന്തമാക്കി കഴിഞ്ഞു.

കഴിഞ്ഞ മത്സരത്തിലെ ഗോളോടുകൂടി പിഎസ്ജിക്ക് വേണ്ടി 110 ഗോളുകൾ പൂർത്തിയാക്കാൻ നെയ്മർക്ക് സാധിച്ചിട്ടുണ്ട്.പിഎസ്ജിക്ക് വേണ്ടി ഏറ്റവും കൂടുതൽ ഗോളുകൾ നേടിയ താരങ്ങളുടെ ലിസ്റ്റിൽ നാലാം സ്ഥാനത്ത് ഇപ്പോൾ നെയ്മറാണ് ഉള്ളത്. ഇതിഹാസമായ പൗലേറ്റയെ നെയ്മർ മറികടന്ന് കഴിഞ്ഞു.

മത്സരത്തിൽ വിജയ നായകനായതിനു ശേഷം പിഎസ്ജിയുടെ പരിശീലകനായ ഗാൾട്ടിയർ നെയ്മറെ കുറിച്ച് സംസാരിച്ചിട്ടുണ്ട്.ഈ ഗ്രഹത്തിലെ ഏറ്റവും മികച്ച താരങ്ങളിൽ ഒരാളായി നെയ്മറെ ഞാൻ മുമ്പ് തന്നെ പരിഗണിച്ച് തുടങ്ങിയതാണ് എന്നാണ് PSG പറഞ്ഞത്. ഈ സീസണിൽ നെയ്മറുടെ മികവിന്റെ കാരണവും അദ്ദേഹം വിശദീകരിച്ചിട്ടുണ്ട്.

‘ ഈ ഗ്രഹത്തിലെ ഏറ്റവും മികച്ച താരങ്ങളിൽ ഒരാളായി നെയ്മറെ ഞാൻ എപ്പോഴും പരിഗണിക്കാറുണ്ട്. ഇപ്പോൾ അദ്ദേഹം കൂടുതൽ ശ്രദ്ധ കേന്ദ്രീകരിക്കുന്നു. ട്രെയിനിങ് സെഷനുകളിൽ അദ്ദേഹം കൂടുതൽ സൂക്ഷ്മത പുലർത്തുന്നു.പൗലേറ്റയെ ഇപ്പോൾ നെയ്മർ മറികടന്നു കഴിഞ്ഞു.വളരെ മികച്ച ഒരു തുടക്കം ഈ സീസണിൽ ലഭിച്ചു. വളരെ ഗൗരവത്തോടെ കൂടിയും ശ്രദ്ധയോടുകൂടിയുമാണ് ഈ സീസണിനെ നെയ്മർ പരിഗണിക്കുന്നത്.അതാണ് ഈ മികവിന്റെ കാരണം. വ്യക്തിപരമായ ലെവലിൽ അദ്ദേഹം വളരെയധികം ഇൻവെസ്റ്റ്മെന്റ് ചെയ്തിട്ടുണ്ട്.ടീമിന്റെ താൽപര്യങ്ങൾക്കും അദ്ദേഹം മുൻഗണന നൽകുന്നു.നെയ്മർ ഗ്രേറ്റ് പ്രൊഫഷണലാണ്, ഗ്രേറ്റ് പ്ലെയറുമാണ്. ഓരോ ദിവസവും സന്തോഷത്തോടുകൂടിയുള്ള നെയ്മറെയാണ് ഇപ്പോൾ കണ്ടെത്തിയിരിക്കുന്നത് ‘ ഗാൾട്ടിയർ പൂർത്തിയാക്കി.

ഈ സീസണിൽ ഇതുവരെ ഒരൊറ്റ പരാജയം പോലും പിഎസ്ജി അറിഞ്ഞിട്ടില്ല.അതിനെ നെയ്മറുടെ ഈ മിന്നുന്ന ഫോം ഏറെ സഹായിക്കുന്നുണ്ട്. ഇനി ചാമ്പ്യൻസ് ലീഗിൽ മക്കാബി ഹൈഫയെയാണ് പിഎസ്ജി നേരിടുക.