ഈ സീസണിൽ മാഞ്ചസ്റ്റർ യുണൈറ്റഡ് പ്രീമിയർ ലീഗിലെ ആദ്യ അഞ്ചിൽ ഇടം നേടില്ലെന്ന് മാഞ്ചസ്റ്റർ യുണൈറ്റഡ് ഇതിഹാസ താരം ഗാരി നെവിൽ പറഞ്ഞു. കഴിഞ്ഞ ദിവസം ബ്രെൻറ്ഫോർഡിനെ 2-1ന് തോൽപ്പിച്ചാണ് റെഡ് ഡെവിൾസ് ലീഗ് ടേബിളിൽ പത്താം സ്ഥാനത്തേക്ക് മുന്നേറിയത്.
മാഞ്ചസ്റ്റർ യുണൈറ്റഡ് പ്രീമിയർ ലീഗിൽ ആദ്യ അഞ്ചിൽ ഇടം പിടിക്കുമെന്ന് താൻ കരുതുന്നില്ലെന്ന് സ്കൈ സ്പോർട്സിനോട് സംസാരിക്കവെ നെവിൽ പറഞ്ഞു. മധ്യനിര താരം സ്‌കോട്ട് മക്‌ടോമിനയുടെ രണ്ട് സ്റ്റോപ്പേജ് ടൈം ഗോളുകളുടെ പിൻബലത്തിൽ മാഞ്ചസ്റ്റർ യുണൈറ്റഡ് ബ്രെന്റ്‌ഫോർഡിനെ 2-1ന് പരാജയപ്പെടുത്തിയത്.
“ഈ സീസണിൽ മാഞ്ചസ്റ്റർ യുണൈറ്റഡ് ആദ്യ അഞ്ച് സ്ഥാനങ്ങളിൽ എത്തുമെന്ന് ഞാൻ കരുതുന്നില്ല.അവർ അതിൽ നിന്ന് അകന്നുപോയി എന്ന് ഞാൻ കരുതുന്നു. ” നെവിൽ പറഞ്ഞു.സീസണിൽ യുണൈറ്റഡ് 11 കളികളിൽ ആറെണ്ണം തോൽക്കുകയും 19 ഗോളുകൾ വഴങ്ങുകയും ചെയ്തു.
Gary Neville doesn't believe Manchester United will finish in the top five of the Premier League this season 😬 pic.twitter.com/pz2d5xtciy
— Sky Sports Premier League (@SkySportsPL) October 9, 2023
മാഞ്ചസ്റ്റർ യുണൈറ്റഡ് കഴിഞ്ഞ സീസണിൽ പ്രീമിയർ ലീഗിൽ മൂന്നാം സ്ഥാനത്തെത്തി യുവേഫ ചാമ്പ്യൻസ് ലീഗിലേക്ക് യോഗ്യത നേടി.ഇന്റർനാഷണൽ ബ്രേക്കിന് ശേഷം ഒക്ടോബർ 21 ന് റെഡ് ഡെവിൾസ് അടുത്തതായി ഷെഫീൽഡ് യുണൈറ്റഡിനെ നേരിടും.
അഞ്ചാം സ്ഥാനത്തുള്ള ആസ്റ്റൺ വില്ലയേക്കാൾ നാല് പോയിന്റ് പിന്നിലായി എട്ട് മത്സരങ്ങൾ കളിച്ച് 12 പോയിന്റുമായി എറിക് ടെൻ ഹാഗിന്റെ ടീം നിലവിൽ ലീഗ് സ്റ്റാൻഡിംഗിൽ പത്താം സ്ഥാനത്താണ്. ഫോർമാറ്റ് മാറ്റം കാരണം ഈ സീസണിലെ മികച്ച അഞ്ച് ക്ലബ്ബുകൾ 2024-25 യുവേഫ ചാമ്പ്യൻസ് ലീഗിന് യോഗ്യത നേടാനാണ് സാധ്യത.